მნიშვნელოვანი ინფორმაცია
28
მაისიდღის ზოგადი ასტროლოგიური პროგნოზი
ოთხშაბათი, მთვარის მეორე დღე დაიწყება 04:56-ზე, მთვარე კირჩხიბში გადავა 21:36-ზე – კარგია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. მოგზაურობა, მივლინებები. ერთ-ერთი საუკეთესო დღეა ქორწინებისთვის. ამ დღეს შექმნილი ოჯახი ძლიერი და მეგობრული იქნება. კარგია მტვერსასრუტით სახლის დალაგება, სანტექნიკის გამოცვლა. აუცილებელია ნათურების, ჭაღების გაწმენდა, აგრეთვე ჭურჭლისა და სარეცხის გარეცხვა. კარგი დღეებია მცენარეების მორწყვისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დადიანების მუზეუმის დირექტორი: ვერ გავიგე, რა საშიშროებას ხედავს მეუფე
03:41 / 01-10-2015
დადიანების მუზეუმის დირექტორი ლილი ბერაია ვერ ხედავს აუცილებლობას, დამატებით შეიქმნას კომისია ზუგდიდის მუზეუმებში დაცული საეკლესიო ნივთების აღსაწერად, რის შესახებაც ზუგდიდისა და ცაიშის მიტროპოლიტმა გერასიმემ კვართის საკითხთან დაკავშირებულ შეხვედრაზე განაცხადა. მიტროპოლიტმა მაშინ დასძინა, რომ კარგი იქნება, თუ აღდგება ძველი ტრადიცია, როცა სიწმინდეებს, საეკლესიო ნივთებს სპეციალურ კიდობანში ათავსებდნენ, ორი პლომბით ლუქავდნენ და ერთი გასაღები სახელმწიფოს, მეორე კი ეკლესიას ეკუთვნოდა.
ლილი ბერაია მიტროპოლიტის ინიციატივით გაკვირვებულია. მისივე განმარტებით, მუზეუმი საპატრიარქოს არ ექვემდებარება, არამედ ის სახელმწიფო დაწესებულებაა და კულტურის სამინისტროს ეკუთვნის. შესაბამისად, დირექტივებს და მითითებებს სწორედ მათგან იღებენ.
"რაც შეეხება გასაღებებზე რომ მიდგა საქმე, ეს მეუფე გერასიმემ კი არ უნდა გადაწყვიტოს და კიდევ ადგილობრივმა ხელისუფლებამ, ამას გადაწყვეტს თუ საჭირო იქნება კულტურის სამინისტრო. ვერ გავიგე, რა საშიშროებას ხედავს მეუფე, რომ შეიქმნას ეს ორი გასაღები. მთელს საქართველოში არცერთ მუზეუმში არ არის მსგავსი რამ. მე მაგალითად, შეურაცხყოფილად ვგრძნობ თავს. ეს არის უნდობლობა ეპარქიის მხრიდან ჩვენს მიმართ", - განუცხადა ლილი ბერაიამ "ლაივპრესს".
მანვე აღნიშნა, რომ მუზეუმში უკვე მუშაობს კომისია, რომელიც ორი წლის წინ კულტურის სამინისტროს დავალებით შეიქმნა და რომლის მიზანიც დაცული კოლექციების შეჯერებაა. ის არ არის წინააღმდეგი კიდევ ერთის ამოქმედების, მაგრამ ამას "ღია კარის მტვრევად აფასებს". მუზეუმის დირექტორის თქმით, უკვე მესამე წელია ნივთებს დარგების - ჭედურობის, გამოყენებითი ხელოვნების, საარქივო დოკუმენტების მიხედვით ახარისხებენ. ამას გარდა, დადიანების მუზეუმმა არაერთხელ გაიარა კომისიური შემოწმება და შესაბამისი აქტებიც დაიდო:
"მე ანგარიში ხომ არ უნდა ჩამებარებინა მეუფისთვის, რა ხდება ჩვენთან? უმოქმედოდ არ ვსხედვართ. ადგილობრივი ხელისუფლება რა შუაშია, ესეც ვერ გავიგე. მიმართონ მაშინ კულტურის სამინისტროს და მაშინ მთელ საქართველოში დაიდოს ორი გასაღები. მე ისიც კი მაქვს აღნუსხული, რამდენი თვალი არის თითოეულ ხატზე დატანილი".
იხილეთ ვრცლად
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შინაგან საქმეთა მინისტრად გელა გელაძე დაინიშნა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნივთების დახარისხებას რად უნდა სამი წელი, არაა ეგ უზარმაზარი მუზეუმი... გამოდის, ან არ მუშაობს კომისია, ან საკითხებზე ვერ შეჯერდნენ, ან.. .არ ვიცი, საეჭვოდ მეჩვენება