მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
განხეთქილება "ოცნებაში", საკადრო ცვლილებები და ლარის დასტაბილურება - მიხეილ ცაგარელის პოლიტიკური პროგნოზები
03:28 / 30-09-2015
ასტროლოგი მიხეილ ცაგარელი წლის ბოლომდე სერიოზულ სამთავრობო ცვლილებებს პროგნოზირებს. მისივე თქმით, ოქტომბერში დოლარის კურსი დაიწევს, თუმცა ნოემბერ-დეკემბერში ამ კუთხით ისევ რთული პერიოდია მოსალოდნელი. ასტროლოგი განხეთქილებას არ გამორიცხავს კოალიცია "ქართულ ოცნებაშიც".
- ოქტომბერში უფრო მეტი შანსია, რომ ლარი დასტაბილურდეს, მაგრამ ჩვენ წინ გვაქვს ორი საკმაოდ რთული პერიოდი, - 15-16 ნოემბრის შემდეგ თითქმის 25 დეკემბრამდე არის რთული პერიოდი და გამორიცხული არ არის, რომ ლარმა ისევ განიცადოს გარკვეული დევალვაცია, შეიძლება არა ისეთი, მაგრამ საერთო არასტაბილურობა მოიმატებს არა მარტო ჩვენთან, არამედ მთელ მსოფლიოში. ჩემი ხედვით ლარის კურსი 3-მდე არ ავა, პირიქით, ოქტომბერში კიდევ უფრო უნდა გამყარდეს.
თუმცა ნოემბერ-დეკემბრის პერიოდი არის კონფლიქტების, კონფრონტაციის პერიოდი. ჩვენ გვექნება სერიოზული სამთავრობო ცვლილებები უმაღლესი ეშელონების რანგში. 16 ნოემბრიდან 25 დეკემბრამდე მოსალოდნელია ცვლილებები ყველა დონეზე, როგორც მინისტრთა კაბინეტში, ისე დეპარტამენტებში და მათ მოადგილეებში.
- როგორია თქვენი პროგნოზი საპარლამენტო არჩევნებისთვის, იქნება თუ არა იმ დროისთვის კოალიცია ერთიანი?
- დაშლა არა, მაგრამ განხეთქილება არის და იქნება. თავისთავად განხეთქილება არ არის ის, როცა პრეზიდენტი ალთასაა და პრემიერ-მინისტრი ბალთას? ნონსენსია მსოფლიო პოლიტიკაში, რომელიც ისტორიას არ ახსოვს, ორი დელეგაცია ჩადის გაეროს ასამბლეაზე - პრეზიდენტის ცალკე და პრემიერის ცალკე, ასეთი მოვლენა ისტორიულად არ მახსოვს. ეს საქართველოსთვის სამარცხვინო ამბავია და ზუსტადაც რომ ესაა განხეთქილება, რადგანაც პრეზიდენტი "ქართული ოცნების" მიერ არის დაყენებული.
ძალიან კარგად ვხედავთ, რომ სერიოზული განხეთქილებაა თვით "ქართულ ოცნებაშიც", იგივე დღის წესრიგში დავით საგანელიძის საკითხი დადგა. "რესპუბლიკელებისა" და "ქართული ოცნების" წევრებს შორის ფარული შიდა ბრძოლა თვალშისაცემია, მაგრამ მათ ძალიან კარგად ესმით, რომ 2016 წელი მოდის, არჩევნებია, ამიტომ ახლა კონფრონტაცია აშკარა დონეზე რომ გადავიდეს, ორივე წააგებს და შეიძლება ვერცერთმა ვერ მოიგოს, ამიტომ რასაკვირველია, ისინი ჯერჯერობით ერთად იქნებიან იმისთვის, რომ არჩევნები მოიგონ, მაგრამ ეს არ ნიშნავს, რომ განხეთქილება არ იქნება.
- საარჩევნოდ გამოჩნდებიან თუ არა ახალი სახეები?
- დიახ, ნელ-ნელა გამოჩნდებიან ახალი სახეები და შეიძლება იყვნენ ძველი სახეებიც, შეიძლება ამ მთავრობიდან არა, მაგრამ იყვნენ პოლიტიკური წრეებიდან, თუნდაც მაგალითად, ლევან გაჩეჩილაძე. ყოველ შემთხვევაში გამორიცხული არ არის, რომ საარჩევნოდ ჩვენ ვნახავთ ახალ ჯგუფებს ძველი სახეებით.
- როგორია თქვენი პროგნოზი ვიზალიბერალიზაციის საკითხთან დაკავშირებით?
- ჯერჯერობით დაპირება დაპირებად დარჩება. თუ ოქტომბერში ეს საკითხი არ გადაწყდა და მე ვფიქრობ, რომ არ გადაწყდება, წლის ბოლომდე მაგას საშველი არ ექნება, ისევე როგორც ნატო-ს თემა, რომელიც რეალურად კიდევ დიდხანს არ გადაწყდება, უბრალოდ მუსირებს, ტრიალებს, რუსებს ნერვებს უშლის, რის შედეგადაც ჩვენ ვზარალდებით, ეს პროცესები კიდევ დიდხანს გაგრძელდება, სანამ საქართველოს მთავრობა საბოლოოდ არ გადაწყვეტს იმას, რომ საჭიროა აქტიური კონტაქტები არა მარტო დასავლეთთან, არამედ რუსეთთანაც.
- პრეზიდენტმა აშშ-ში ვიზიტისას განაცხადა, რომ რუსეთთან საუბრის დაწყება აუცილებელია, თუმცა შესაბამისი დრო უნდა შეირჩესო, დადგება თუ არა უახლოეს პერიოში ეს დრო?
- მას უნდა დაეზუსტებინა თავად რას გულისხმობს, რას ჰქვია შესაბამისი? ეს დრო დიდი ხანია დადგა, თუმცა ნაწილობრივ შეიძლება მას დავეთანხმო იმიტომ, რომ ადრეც ვამბობდი, რუსეთი ნელ-ნელა გამოღვიძებას დაიწყებს, ახლა გარკვეულ შიდა უსამართლო ეიფორიაში იმყოფება, რის შედეგადაც ყველაფერი გასდიოდა.
2016 წლიდან რუსეთი ამ უსამართლობის ეიფორიიდან გამოსვლას დაიწყებს და ნელ-ნელა დასვამს კითხვას, იქნებ ჩემი მოქმედებაა უსამართლო? აქამდე ამ კითხვას რუსეთი თავის თავს არ უსვამდა, 2016 წლიდან ეს პროცესი უნდა დაიწყოს. ამიტომ მიმაჩნია, რომ 2016 იქნება გარდამტეხი წელი, როდესაც პირველი ნაბიჯები უნდა გადაიდგას რუსულ-ქართულ ურთიერთობებში და 2019 წლისთვის ეს ურთიერთობა გაცილებით მეტად სასიკეთო და წარმატებული უნდა იყოს ორივე ქვეყნისთვის.
თაკო ესებუა, "ამბები"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
