ზუგდიდის საკრებულომ პრემიასა და სახელფასო დანამატზე აპრილიდან დღემდე 118 800 ლარი დახარჯა
2015 წლის აპრილიდან დღემდე ზუგდიდის მუნიციპალიტეტის საკრებულოს თანამშრომლებზე ხელფასის ერთი თვის ოდენობის პრემია, ორჯერ, აღდგომისა და მარიამობის დღესასწაულებზე გაიცა. პრემიიის პარალელურად, საკრებულოს ცალკეულმა თანამშრომლებმა (განსაკუთრებული ფუნქციური დატვირთვის გათვალისწინებით) ივლისის თვეში სახელფასო დანამატიც მიიღეს.
"ლაივპრესის" მიერ საკრებულოდან გამოთხოვილი ინფორმაციის თანახმად, ჯამში პრემიებისა და სახელფასო დანამატისთვის საშემოსავლოს გამოკლებით 118 800 ლარი დაიხარჯა.
2 650 ლარი ორჯერ პრემიისა და ერთხელ სახელფასო დანამატის სახით აქვს მიღებული საკრებულოს თავმჯდომარე ლაშა გოგიას. მის მოადგილე ლაშა ადეიშვილს მიღებული აქვს ორი თვის პრემია 2 200 - 2 200 ლარი და არ მიუღია დანამატი. საკრებულოს წევრებს, მაიზერ ნანავას და გელა თოლორაიას მიღებული აქვთ 1 800 - 1 800 ლარი პრემია და ამავე რაოდენობის სახელფასო დანამატი.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
