მნიშვნელოვანი ინფორმაცია
11
ივლისიდღის ზოგადი ასტროლოგიური პროგნოზი
შაბათი, მთვარის მეთვრამეტე დღე დაიწყება 23:22-ზე, მთვარე მერწყულშია – იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. ზედმეტი აქტიურობა შედეგს არ მოიტანს. არ აიღოთ ზედმეტი სამუშაო და რთული პროექტები. ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ ცარიელდება საქართველო: ქართველების რაოდენობა, ვინც აქ ცხოვრებას უთხრა "არა"
01:48 / 28-09-2015
"საქსტატის" მონაცემებით, ბოლო წლებში ემიგრანტთა რაოდენობა გაიზარდა. კერძოდ, 2012 წელს საქართველოს მოქალაქე ემიგრანტების რაოდენობამ 60,307, 2013 წელს – 66,802, ხოლო 2014 წელს – 69,855 შეადგინა.
თუმცა როგორც "საქსტატში" განგვიმარტეს, ამ რაოდენობაში იგულისხმება ის ადამიანები, რომლებიც საქართველოდან ერთი კალენდარული წლის განმავლობაში 6 თვეზე მეტი ხნით არიან გასულები, რაც იმას ნიშნავს, რომ ამ რაოდენობიდან უცნობია, თუ რამდენი ტოვებს ქვეყანას სამუდამოდ ან დიდი ხნით, ან მცირე ხნით. ასევე უცნობია, ამ გასული ადამიანებიდან რამდენი ბრუნდება უკან და რამდენ ხანში.
რაც შეეხება ემიგრანტების რაოდენობას სქესის მიხედვით, 2012 წელს 60,307 ემიგრანტიდან 31,937 იყო მამაკაცი, ხოლო 28,370 - ქალი. 2013 წელს 66,802 ემიგრანტიდან 29,464 იყო მამაკაცი, ხოლო 37,338 იყო ქალი, და ბოლო წლის მონაცემი – 2014 წელს 69,855 ემიგრანტიდან 40,221 იყო მამაკაცი, 29,634 კი ქალი.
რაც შეეხება იმიგრანტებს, "საქსტატის" მონაცემებით, ამ რაოდენობაშიც ის ადამიანები იგულისხმებიან, რომლებიც საზღვარგარეთ 6 თვეზე მეტხანს ცხოვრობდნენ და მუდმივ საცხოვრებლად ისევ საქართველოში ბრუნდებიან.
იმიგრანტების რაოდენობა 2012 წლის შემდეგ საგრძნობლად გაიზარდა. "საქსტატის" მონაცემებით, 2012 წელს ქართველი იმიგრანტების რაოდნეობა 29,173 იყო, 2013 წელს - 46,079, ხოლო 2014 წელს – 49,706.
ზემოთ ჩამოთვლილი მონაცემით შეიძლება ითქვას, რომ ბოლო წლებში ემიგრანტების რაოდენობა გაიზარდა, თუმცა ასევე მზარდია იმიგრანტების რაოდენობაც, რომელმაც ბოლო 2 წელში საკმაოდ მოიმატა.
თაკო ესებუა
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
