მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დედა, მამა და ქალიშვილი, რომლებმაც თბილისში თაღლითობით 30-მდე ადამიანს 51000 დოლარი გამოსტყუეს
00:55 / 28-09-2015
AMBEBI.GE-ს წყარომ თაღლითური სქემის შესახებ აცნობა. საქმეში 30-მდე დაზარალებული ფიგურირებს. ადამიანი, რომელიც ყალბ განცხადებებს ბინის გირავნობასთან დაკავშირებით გაზეთში აქვეყნებდა, უკვე დაკავებულია.
სალომე გაიკარაშვილი (სახელი და გვარი შეცვლილია რესპოდენტის თხოვნით) ერთ-ერთი დაზარალებულია, რომელიც AMBEBI.GE-სთან საუბარში დეტალურად იხსენებს, თუ როგორ მოახერხა ცისანა ჯ.-მ (შეგნებულად არ ვახდენთ დამნაშავის იდენტიფიცირებას) მისთვის მოტყუებით 9 000 აშშ დოლარის გამოძალვა.
"ეს არის თაღლითების ოჯახი. საქმეში ოჯახის სამივე წევრი ჩართულია, მაგრამ კომპრომატები ჯერჯერობით მხოლოდ ერთის წინააღმდეგ გვაქვს, რომელიც ყველაზე ხშირად დებდა თაღლითურ ხელშეკრულებას ბინის დაგირავების მსურველ ადამიანებთან და უსინდისოდ ატყუებდა მათ, აქვეყნებდნენ განცხადებებს გირავნობასთან დაკავშირებით და დაგებულ მახეში ჩემს მსგავსად უამრავი ადამიანი ებმეოდა.
ხელშეკრულება გავაფორმეთ, თითქოს ყველაფერი წესრიგში იყო... სქემა წინასწარ ჰქონდათ შემუშავებული და მას შემდეგ, რაც ხელს მოვაწერდით ხელშეკრულებას და თანხას გადავცემდით, ბინაში შესვლის საშუალებას არ გვაძლევდნენ.
ც.ჯ ყველას ერთსა და იმავეს გვეუბნებოდა, თითქოს უეცრად მისი შვილი გახდა ავად და ლეიკემიის დიაგნოზით, უმძიმეს მდგომარეობაში იმყოფება, რის გამოც გვთხოვდა, რამდენიმე დღე ბინაში ცხოვრების უფლება მიგვეცა, რათა შვილი იქიდან გამოესვენებინა. ამ ყველაფერში ისე გვარწმუნებდა, ჩვენც ადამიანურად გვესმოდა მისი და ვუგებდით. შემდეგ კი, დროს ყველანაირად აჭიანურებდა. გვთავაზობდა, ბინა გვექირავებინა ცოტა ხნით, სანამ ის თავის პრობლემას მოაგვარებდა. ამასობაში თანდათან ვრწმუნდებოდით, რომ საშინელი ტყულის მსხვერპლი აღმოვჩნდით. შემდეგ დავადგინე, რომ მსგავს სიტუაციაში კიდევ 30-მდე ადამიანია.
ეს პიროვნება ყველა შემთხვევაში უნდა დაისაჯოს, ეს არის ჩემი მოთხოვნა. ჩვენთვის გამოძალული თანხებით ის და მისი ოჯახი ფუფუნებაში ცხოვრობდა. სხვათა შორის, მისი ქალიშვილი, რომელიც ყველანაირად ხელს უწყობდა დედის თაღლითური სქემის განხორციელებას, ერთ-ერთ ბანკში, საკრედიტო განყოფილებაში მუშაობს. მე მთელი ოჯახის დასჯას მოვითხოვ",- განაცხადა სალომე გაიკარაშვილმა.
AMBEBI.GE-ს ინფორმაციით, ცისანა ჯ-მ მთლიანობაში სხვადასხვა დროს 51 000 აშშ დოლარი გამოსტყუა დაზარალებულებს. ცისანა. ჯ. გუშინ დილით დააკავეს, ამის შესახებ ინფორმაცია AMBEBI.GE-ს შინაგან საქმეთა სამინისტროშიც დაუდასტურეს.
უწყების ოფიციალური განცხადებით, შსს-ს თბილისის მთავარი სამმართველოს გლდანი-ნაძალადევის მერვე განყოფილების თანამშრომლებმა ჩატარებული ოპერატიულ-საგამოძიებო ღონისძიების შედეგად, 1964 წელს დაბადებული ცისანა ჯ. თაღლითობის ბრალდებით დააკავეს.
გამოძიებამ დაადგინა, რომ ბრალდებული საკუთარ ბინას სისტემატურად, თაღლითურად აგირავებდა და მოტყუებით თანხებს ითვისებდა. გამოძიება დიდი ოდენობით თაღლითობის ფაქტზე მიმდინარეობს (საქართველოს სსკ-ის 180-ე მუხლის მეორე ნაწილის ბ ქვეპუნქტით).
AMBEBI.GE დაზარალებულთათვის კონპენსაციის თემითაც დაინტერესდა, თუმცა ჯერჯერობით უცნობია, როგორ მოხდება მათთვის მიყენებული ზიანის ანაზღაურება.
ქრისტინე გამთენაძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
