როგორ აღმოჩნდა 25 მილიონად შეფასებული ბობოყვათის რეზიდენცია საპატრიარქოს საკუთრებაში
მთავრობამ საპატრიარქოს ბობოყვათის რეზიდენცია უსასყიდლოდ გადასცა. მის სანაცვლოდ კი საპატრიარქოს საკუთრებაში არსებული კრწანისის ტყე-პარკი დაიბრუნა. აღსანიშნავია, რომ რეზიდენციის გარდა, საპატრიარქოს 11 ათას 810 კვადრატული მეტრი ფართობის მიმდებარე სანაპირო ზოლიც გადაეცა, მასზე არსებული შენობა-ნაგებობებით.
საპატრიარქოსა და სახელმწიფოს შორის ხელშეკრულება 49 წლის ვადით დაიდო.
როგორც ცნობილია, საქართველოს მთავრობა ბობოყვათის რეზიდენციის გაყიდვას 25 მილიონად აპირებდა. შეგახსენებთ, რომ კრწანისის ტყე-პარკი პრეზიდენტის განკარგულებით საპატრიარქოს 2010 წელს, 1 ლარად გადაეცა.
საკითხს დავით ნარმანიაც გამოეხმაურა. დედაქალაქის მერის განცხადებით, ცენტრალური ხელისუფლების უფლებამოსილებაა, რაში გამოიყენებს კრწანისის ტყე-პარკის ტერიტორიას. ამის შესახებ დავით ნარმანიამ ჟურნალისტებს თემის კომენტირებისას განუცხადა.
"ეს არის ცენტრალური ხელისუფლების უფლებამოსილება. ვნახავთ, გაცვლის შედეგად არსებულ დოკუმენტაციას, ვნახავთ, რაზეა საუბარი და, რა თქმა უნდა, ჩართული ვიქნებით", - აღნიშნა დავით ნარმანიამ.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
