მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ვენახი თუ გაჩეხა გლეხმა, ესე იგი თავის შვილი მოკლა და ამას გამართლება არ აქვს" - ქართველი ხელოვანები ვაზის გაჩეხვას ეხმაურებიან
02:53 / 23-09-2015
კახეთში გლეხის მიერ ვენახის გაჩეხვას ქართველი ხელოვანები ეხმაურებიან.
გივი სიხარულიძე:
მე ვფიქრობ, რომ ქართველმა ადამიანმა ვენახი მაინც არ უნდა გაჩეხოს, რაც არ უნდა მოხდეს! თუმცა საძაგლობები ხდება და მაპატიეთ, სულ ფეხებზე იკიდებენ გლეხებს ხელისუფლების წარმომადგენლები, არაფრად არ აგდებენ და აი ეს არის ყველაზე ცუდი! ყველანაირად წყობიდან გამოიყვანეს ეს მშრომელი ხალხი, მაგრამ ვენახის გაჩეხვას მაინც არ აქვს გამართლება, რადგან ვაზია ჩვენი ქვეყნის სიმბოლო!
რაც ხდება ყველაფერი ჩვენი ხელისუფლების უნიათობის ბრალია და მთავრობის არასწორი პოლიტიკის! სოფლის მეურნეობის მინისტრმა უნდა აგოს პასუხი ყველაფერზე, რაც ხდება! რაც შეპირდნენ, უნდა გაეკეთებინათ და თუ ვერ აკეთებენ, პასუხისგებაშიც უნდა მიეცენ! კიდევ გლეხებს ამტყუნებენ ტო, როცა შეპირდნენ სხვა ფასს და სხვა ფასს აძლევენ, გლეხი გამწარდება, აბა რა იქნება! თუმცა ქართველმა გლეხმა შეიძლება ყველაფერი ჩაიდინოს, მაგრამ ვენახი არ უნდა გაჩეხოს! არ შეიძლება ადამიანს ქვეყანა უყვარდეს და ვაზის გაჩეხვას გულგრილად უყუროს, მაშინ ის ცხოველია და მეტი არაფერი! ისიც არ მგონია, რომ იძახიან ბიძინა ივანიშვილის ბრალია რომ ვჩეხავთ ვენახებსო, ეს არის პირდაპირ სოფლის მეურნეობის სამინისტროს უნიათობის ბრალი! სამინისტრო ვერ დგას თავის სიმაღლეზე! ყველაფერი ბიძინას ბრალი ხომ არ არის კაცო, ვაჰ!
ქეთი დოლიძე:
ეს არის ყველაზე დიდი საშინელება, რაც კი შეიძლება დედამიწის ზურგზე ადამიანმა ჩაიდინოს! მეტს აღარაფერს ვამბობ!
კახი კავსაძე:
რას ამბობთ, კაცო ქართველმა გლეხმა ვენახი გაჩეხა?! - ეს როგორ შეიძლება, რომ მოხდეს, ესე იგი რაღაც ისეთი მოხდა, რომ ადამიანს გონება დააკარგვინა და ეს საშინელება ჩაადენინა! შეიძლება ადამიანმა თავის შვილი მოკლას? - რა მოხდა ამ ადამიანში ასეთი, ეს უნდა გავარკვიოთ ჯერ. რა ცეცხლი დატრიალდა ასეთი მის თავს, რომ ეს ნაბიჯი გადადგა.
- დაპირებულზე ნაკლები ფული გადაუხადეს...
- არა, თქვენ არ ხართ მართალი, საქმის კურსში არ ხართ! კაცმა თავის გაშენებული ვაზი აჩეხა იმიტომ, რომ ვიღაცამ რაღაცა დაპირდა და აღარ მისცა, ასეთი რამ არ გამიგონია ჯერ. შეიძლება კაცმა თავის შვილი მოკლას ცოტა ფული მომცესო? სისულელეს ამბობ, შენ ვიღაცა ხარ!
- გამოვიდა ბატონო კახი, ტელევიზით და თვითონ ილაპარაკა გლეხმა, ბანკის ვალებს ვერ ვისტუმრებო...
- და ვენახი რომ გაჩეხა და ამხელა ცოდვა ჩაიდინა, მაგით გაისტუმრებს და მანქანას აყიდინებს? რა ფული უნდა მიეცათ იმის ფასი, რომ კაცს თავის შვილი მოეკლა?!
გივი ბერიკაშვილი:
რა გითხრათ შვილო, აბა? გლეხი რომ ვაზს ნაჯახს შემოჰკრავს რაღა უნდა თქვა კაცმა? მე კახეთში არ გავზრდილვარ, მაგრამ კახეთთან კავშირი არასოდეს გამიწყვეტია. პაპაჩემი იყო ნამდვილი კახელი გლეხი. მას ორი ქვევრი ჰქონდა ხუთასლიტრიანი, და ერთ-ერთს რომ დაცლიდა, მეორეს არ ხსნიდა, ვიდრე ისევ პირველს არ აავსებდა. შემნახველი სალაროსავით ჰქონდა ერთი ქვევრი... ვაზს საკუთარი თავივით უვლიდნენ. ახლა კახეთში ვეღარ დავდივარ ასაკის გამო და იქედან საწყენი ამბები ჩამომდის... კაცს რომ ვენახი დაესეტყვება, ფულს მისცემენ, ის გავარდება და დანჯღრეულ მანქანას იყიდის იმ ფულით, იმას საერთოდ ხმა არ აქვს ამოსაღები! ამიტომაც ჭეშმარიტება ცოტა ძნელი გასარკვევია!
მანანა გაბრიჭიძე
AMBEBI.GE
გააკეთეთ კომენტარი
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
