მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვარკეთილში ნაპოვნ ჩვილს კანი ტალახით, ფოთლებითა და მზესუმზირის ნარჩენებით ჰქონდა დაფარული
07:31 / 18-09-2015
ექიმის ინფორმაციით, ვარკეთილში ნაპოვნ ჩვილს კანი ტალახით, ფოთლებითა და მზესუმზირის ნარჩენებით სრულად ჰქონდა დაფარული. [ვიდეო:"ახალშობილის კანი დაფარული იყო ტალახით, მზესუმზირის ნაჭუჭებით" - ვარკეთილში მიტოვებული ჩვილი იპოვეს]
ვარკეთილში ნაპოვნი ახალშობილის ჯანმრთელობის მდგომარეობის შესახებ ჟურნალისტებთან კომენტარი გააკეთა იაშვილის საავადმყოფოს ახალშობილთა ინტენსიური თერაპიის ხელმძღვანელმა ნინო სოლომონიამ. როგორც მან აღნიშნა, შეტყობინება 112-ში დღეს 08:23 საათზე შევიდა. ვარკეთილის მე-3 მასივის 316-ე კორპუსის ტერიტორიაზე ბრიგადა 8:50 საათზე იყო. ახალშობილი მიწაზე, შიშველ მდგომარეობაში ნახეს. მას კანი ტალახით, მიწით, ფოთლებით, ბალახებითა და მზესუმზირის ნარჩენებით ჰქონდა დაფარული.
ექიმის ინფორმაციით, ჩვილს ჭიპლარი გადაგლეჯილი ჰქონდა და დატოვებული იყო 13 სმ სიგრძის ჭიპლარი, რის გამოც ახალშობილს სისხლის გარკვეული რაოდენობა დაკარგული ჰქონდა. ჭიპლარს არ ედო ტაკვი. ბავშვი დღეს, სავარაუდოდ, გამთენიისას დაიბადა. ჩვილი მდედრობითი სქესის არის. ახალშობილს კანი და ლორწოვანი ლურჯი ჰქონდა, იყო გადაყინული, აღენიშნებოდა ჰიპორთემია, სხეულის ტემპერატურა მხოლოდ 27 გრადუსი იყო, სისხლში კი შაქრის დონის მაჩვენებელი პათოლოგიური იყო.
ახალშობილი იაშვილის კლინიკაში 09:30 საათზე შეიყვანეს. მას სხეულზე, ხერხემალზე, ყურის ნიჟარებთან და ქვედა კიდურებზე აღენიშნებოდა ნაკაწრები. ექიმის განმარტებით, ნაკაწრები სიცოცხლესთან შეუთავსებელი არ არის, თუმცა ის ინფექციების საფრთხეს ქმნის. რაც შეეხება ამ დროისთვის ნაპოვნი გოგონას მდგომარეობას, მისი ტემპერატურა უკვე ნორმალიზებულია, ინკუბატორში იმყოფება, რეაქციები ადეკვატურია, გლუკოზის დონე სტაბილიზებულია.
ნინო სოლომონიას ინფორმაციით, ამ ეტაპზე ახალშობილის სიოცოცხლეს საფრთხე არ ემუქრება. მისი ზოგადი მდგომარეობა შედარებით სტაბილურია, თუმცა შედარებით მძიმედ რჩება და ყურადღებას საჭიროებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
