მნიშვნელოვანი ინფორმაცია
20
ივნისიდღის ზოგადი ასტროლოგიური პროგნოზი
პარასკევი, მთვარის ოცდამეოთხე დღე დაიწყება 01:42-ზე, მთვარე ვერძშია – ფიზიკური ძალის ძლიერი ზრდაა. შესანიშნავია საპირისპირო სქესთან კომუნიკაცია. ხელსაყრელია საძირკვლის ჩაყრა, ბიზნესის დაწყება და სახლის მშენებლობის ან რემონტის დაწყება. გაუმკლავდეთ ფულთან დაკავშირებულ საკითხებს. განიხილეთ მიმდინარე საქმეები. კარგია არქივთან მუშაობა. დაასრულეთ მნიშვნელოვანი პროექტები. დაიწყეთ რემონტი. იყიდეთ უძრავი ქონება. კარგია გამოფენების, სპექტაკლების, კონცერტების, შემოქმედებითი საღამოების გამართვა. ისწავლეთ, აიმაღლე კვალიფიკაცია. საკვები უნდა იყოს მრავალფეროვანი და ნოყიერი. არ არის მიზანშეწონილი შიმშილი. კარგია ვარჯიში და იოგა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რას აცხადებენ გიგი უგულავას ცნობილი მხარდამჭერები ყოფილი მერის გათავისუფლების შემდეგ
04:35 / 18-09-2015
გიგი უგულავა სასამართლომ გუშინ გაათავისუფლა. დედაქალაქის ყოფილ მერს სასამართლოს ეზოში მხარდამჭერების არმია დახვდა, მათ შორის იყვნენ პოლიტიკოსები და საზოგადოებისთვის კარგად ცნობილი სახეები. AMBEBI.GE რამდენიმე მათგანს ესაუბრა.
გიგა ნასარიძე:
- ძალიან კარგი რამ მოხდა. საკონსტიტუციო სასამართლოს დადგენილების შედეგად პატიმრობიდან გათავისუფლდა გიგი უგულავა. ეს აქამდეც უნდა მომხდარიყო, ის უკანონო პატიმრობაში იმყოფებოდა. ჩემი აზრით, ის საერთოდ არ უნდა დაეპატიმრებინათ, რადგან არც მიმალვას აპირებდა. საბოლოოდ, დემოკრატიამ გაიმარჯვა რეჟიმზე, ქართველი ხალხი კონსტიტუციას გაუფრთხილდება და კონსტიტუცია იქნება ის წმინდა დოკუმენტი, რასაც დაეყრდნობა ქართული სახელმწიფო.
- არსებობს ვარაუდი, რომ ქალაქის ყოფილი მერი შესაძლოა, დღეს ისევ დააკავონ, გამორიცხავთ ამას?
- არაფერს გამოვრიცხავ ამ რეჟიმის პირობებში. ესენი შეცდომას შეცდომაზე უშვებენ. შესაძლოა, კვლავ დაიჭირონ გიგი უგულავა. რატომ იცის თამაზ მეჭიაურმა ამის შესახებ წინასწარ, ეს ცალკე საკითხია, ისევე როგორც გია ვოლსკიმ იცოდა წინასწარ სასამართლოს დადგენილება. რატომ იციან ეს უმრავლესობის დეპუტატებმა, საინტერესოა. თუ მოითმენენ და ჩათვლიან, რომ საჭირო აღარ არის ოპონენტების დევნა, ყველაფერი კარგად ჩაივლის და ივანიშვილის რეჟიმი 2016 წელს არჩევნების გზით დასრულდება.
დუტა სხირტლაძე:
- მოულოდნელი იყო გიგი უგულავას გათავისუფლება. დაჭერილი იყო კაცი და უცბად გამოუშვეს. ყველას გამოშვება მოულოდნელია. ვულოცავ გიგი უგულავას გათავისუფლებას, მარტო გიგის კი არა, ნებისმიერ პატიმარს ვულოცავ და ვუსურვებ თავისუფლებას. მგონი სწორად მოიქცნენ, რომ გაათავისუფლეს, წინააღმდეგ შემთხვევაში, უკანონო პატიმრად ჩაითვლებოდა.
გია ჭანტურია:
- მისი გათავისუფლება გარკვეულწილად, მოულოდნელი იყო. საკონსტიტუციო სასამართლოს გადაწყვეტილებას წინ არაფერი უნდა დადგომოდა, მაგრამ რაღაც სირთულეები შეიქმნა. მისი დაკავება იყო არასწორი. ჩვეულებრივი დანაშაულიც კი არის მისი ამდენი ხნით დაკავება და ალბათ, მომავალში იქნება ამაზე სერიოზული საუბარი. ძალიან გამეხარდა მისი გათავისუფლება, ბევრს ალბათ ეწყინა კიდეც. ხელისუფლების ამოცანაა, რომ კონკურენტი არ ჰყავდეს, შესაბამისად, არ გამოვრიცხავ, ისევ დააკავონ. ვნახოთ, როგორ გაუძლებენ მოსამართლე და პროკურორები ზეწოლას. იმედი მაქვს, პრინციპულობას გამოიჩენენ ეს ადამიანები.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება იმ მამაკაცის დაკავების კადრები, რომელმაც სიმამრი მოკლა, სიდედრი კი სცემა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
