პროდუქტები, რომლებიც არავითარ შემთხვევაში არ უნდა მისცეთ შინაურ ცხოველებს

წარმოგიდგენთ ხუთ პროდუქტს, რომელიც არცერთ შემთხვევაში არ უნდა აჭამოთ თქვენს შინაურ ცხოველს.

ყურძენი და ქიშმიში

ყურძნის ან ქიშმიშის მოხმარება სერიოზულ დარღვევებს იწვევს ძაღლების ღვიძლის მუშაობაში, ამიტომ ეს პროდუქტები მათი რაციონიდან აუცილებლად უნდა გააქროთ.

ხახვი და ნიორი

თუ ეს პროდუქტები ადამიანებისთვის სასარგებლოა, შინაური ცხოველებისთვის პირიქით, ნამდვილი საწამლავია, რომელსაც შეუძლია სერიოზული ზიანი მიაყენოს მათ ჯანმრთელობას. მოარიდეთ თქვენი ოთხფეხა მეგობრები ნიორს და ხახვს.

უშაქრო საღეჭი რეზინი

ძაღლების, კატების და კურდღლების მომნელებელ სისტემას არ შეუძლია ქსილოტოლის - ხელოვნური დამატკბობლის გადამუშვება. ქსილოტოლი კი ყველა საღეჭ რეზინშია დამატებული, რომელიც ”სასარგებლოა კბილებისათვის”.

ხილის კურკები

ხილის ნაყოფის კურკები შეიცავს ციანოგენურ გლიკოზიდებს, რომლებიც შინაურ ცხოველებზე როგორც ციანიდის მსგავსი ნივთიერება, ისე მოქმედებს. თუ არ გსურთ საკუთარი შინაური ცხოველის მოწამვლა, არასოდეს არ მიაღებინოთ მას ხილის კურკები.

შოკოლადი

იმის მიუხედავად, რომ ცხოველები სიამოვნებით მიირთმევენ სხვადასხვა ტკბილეულობას, მათთვის ისინი ძალიან მავნებელია. განსაკუთრებით სახიფათოა შოკოლადი ძაღლებისთვის. კაკაოს მარცვლები შეიცავს თეობრომინს, ნივთიერებას, რომელიც ტოქსიკურია ნებისმიერი ჯიშის ცხოველისათვის. ასეთი საკვები ნეგატიურად აისახება მათ გულ-სისხლძარღვთა და ნერვულ სისტემაზე, აგრეთვე იწვევს გულისრევას, დიარიას და გაცილებით სერიოზულ დარღვევებს. პოტენციური სასიკვდილო დოზა ცხოველებისთვის რვა კილოგრამი შოკოლადია.