ქვეყნები, რომლებსაც სიიაფის გამო ყველაზე მეტი ქართველი სტუმრობს
თურქეთი, ეგვიპტე, იტალია, საფრანგეთი, ესპანეთი, უნგრეთი, ავსტრია - ეს იმ ქვეყნების ჩამონათვალია, რომლებიც ქართველ ტურისტებში განსაკუთრებული პოპულარობით სარგებლობს. თურქეთსა და ეგვიპტეს ქართველი ტურისტების უმრავლესობა დაბალი ფასის გამო სტუმრობს. რაც შეეხება, უფრო შორეულ და ეგზოტიკურ ქვეყნებს, ტუროპერატორების ინფორმაციით, მაღალი ფასის გამო ქართველი ტურისტები იშვიათად სწყალობენ.
რომელი ქვეყნებია ქართველ ტურისტებში ყველაზე პოპულარული, ამ კითხვით ცნობილი ტურისტული კომპანიის გაყიდვების მენეჯერს, სალომე გორგოძეს დავუკავშირდით. შორეული და ეგზოტიკური ქვეყნების მონახულებას ქართველი ტურისტები მაღალი ფასის გამო ვერ ახერხებენ. მისი თქმით, ყველაზე პოპულარული ქვეყნები ეგვიპტე და თურქეთი გახლავთ.
"მიუხედავად იმისა, რომ ეგვიპტე და თურქეთი საკმაოდ პოპულარულია ქართველ ტურისტებში, ბოლო დროს საკმაოდ პოპულარული გახდა ევროპაც, განსაკუთრებით უნგრეთი, გამომდინარე იქიდან, რომ ბუდაპეშტის ბილეთები ძალიან დაბალ ფასად იყიდება. ვიზის აღების სირთულის მიუხედავად, ევროპის ქვეყნების მიმართ ინტერესი მაღალია. ეგვიპტეში ნორმალური სასტუმროს ფასი 400-500 დოლარიდან იწყება. ამ ფასად სასტუმროს შერჩევა ნამდვილად შეიძლება.
რაც შეეხება თურქეთს, სეზონის განმავლობაში ფასები საკმაოდ მაღალი იყო და კარგი სასტუმროს ფასი დაახლოებით 600-700 დოლარს შეადგენდა. რაც შეეხება ევროპას, თქვენ წარმოიდგინეთ და საკმაოდ დაბალი ფასი იყო, იქიდან გამომდინარე, რომ ამ ფასში შედიოდა მხოლოდ დილის საუზმე და დაახლოებით, 300-400 ევროში შეიძლებოდა ევროპის მონახულებაც. მაგალითად, იტალია და საფრანგეთი თუ წინასწარ იყო დაჯავშნული, მისი ფასი 400-500 ევროს შეადგენდა. ჩვენს ერთ-ერთ ტურისტს ბოლო დღეს შეძენილი ავიაბილეთი 430 ევრო დაუჯდა", - განაცხადა სალომე გორგოძემ.
თაკო გურაშვილი
AMBEBI.GE
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
