"მოქალაქის" პირველი განცხადება უტა ივანიშვილის პოლიტიკაში მოსვლასთან დაკავშირებით

საზოგადოება "მოქალაქე" ყოფილი პრემიერ-მინისტრის, ბიძინა ივანიშვილის შვილის უტა ივანიშვილის პოლიტიკაში ჩართვას გამორიცხავს. განცხადებას ამის შესახებ "მოქალაქე" სოციალურ ქსელ Facebook-ში, თავის ოფიციალურ გვერდზე ავრცელებს.

"ბოლო დღეებში რამდენიმე საინფორმაციო საშუალებამ გაავრცელა დეზინფორმაცია უტა ივანიშვილის პოლიტიკაში შესაძლო ჩართვის შესახებ, რაც მიზნად ისახავს საზოგადოების შეცდომაში შეყვანას. საზოგადოება "მოქალაქე" აცხადებს, რომ მსგავსი ინფორმაციის გავრცელებას არანაირი საფუძველი არ გააჩნია - უტა ივანიშვილი პოლიტიკაში ჩართვას გამორიცხავს როგორც ამ ეტაპზე, ისე – სამომავლოდ", - ნათქვამია განცხადებაში.