27
ივნისიდღის ზოგადი ასტროლოგიური პროგნოზი
ქართველი მწერლის რეზო ჭეიშვილის დაკრძალვის ხარჯებს ქუთაისის მერია გაიღებს.
მწერალსა და დრამატურგს რეზო ჭეიშვილს ქუთაისში დაკრძალავენ. რეზო ჭეიშვილმა მშობლიურ ქალაქში დაკრძალვის სურვილი სიცოცხლეშივე გამოთქვა.
რეზო ჭეიშვილს ქუთაისის "მწვანე ყვავილას" საზოგადო მოღვაწეთა პანთეონში, 15 სექტემბერს დაკრძალავენ.
ქართველი მწერალი რეზო ჭეიშვილი გუშინ 82 წლის ასაკში გარდაიცვალა. ის 1933 წლის 24 აპრილს დაიბადა. სხვადასხვა პერიოდში იყო კინოსტუდია "ქართული ფილმის" სასცენარო კოლეგიის წევრი, ჟურნალ "განთიადის" მთავარი რედაქტორი, ქუთაისის თეატრის სამხატვრო ხელმძღვანელი და დირექტორი. რეზო ჭეიშვილი იყო რამდენიმე მოკლე და სრულმეტრაჟიანი ფილმის ("მზიანეთი", "ზღვის მგელი", "ავტოპორტრეტი", "ფედია", "ჩემი მეგობარი ნოდარი", "გამოაღეთ ფანჯრები", "გათენების წინ", "ჭიდაობას რა უნდა", "ექსპრეს - ინფორმაცია") სცენარის ავტორი. მიღებული აქვს შოთა რუსთაველის სახელობის სახელმწიფო პრემია, აგრეთვე საქართველოს სახელმწიფო პრემია. 2012 წელს მიიღო პრემია "საბა" ლიტერატურის განვითარებაში შეტანილი განსაკუთრებული წვლილისთვის.
