მნიშვნელოვანი ინფორმაცია
10
ივნისიდღის ზოგადი ასტროლოგიური პროგნოზი
მთვარის მეთექვსმეტე დღე დაიწყება 23:24-ზე, მთვარე მშვილდოსანშია – შეინარჩუნეთ ბალანსი. კარგია ვარჯიში. სასარგებლოა ყველაფრის გაწმენდა, მოწესრიგება. დაასრულეთ დაუსრულებელი დავალებები. კარგია მიღწეული პოზიციების გაძლიერება. უფროსებმა არ მოსთხოვოთ ზედმეტ მიღწევები ქვეშევრდომებს. გადადეთ სერიოზული საქმეები. მოერიდეთ აურზაურსა და სტრესს. ყურადღება მიაქციეთ თქვენი სამუშაო ადგილის კომფორტულ მოწყობას. დაკავდით შემოქმედებით, მუსიკით და პოეზიით. არ არის რეკომენდებული ცხოველური საკვების, სოკოსა და პარკოსნების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რას ყვებიან ანტალიაში მიტოვებული ქართველები და როდის დაბრუნდებიან შინ - ტურისტული და ავიაკომპანიის არადამაიმედებელი კომენტარები
06:22 / 11-09-2015
"უპატრონოდ მიგვატოვეს... ამაოდ ვცდილობთ ინფორმაციის მიღებას...", - ეს იმ აღშფოთებული საქართველოს მოქალაქეების განცხადებებია, რომლებიც თურქეთის საკურორტო ქალაქ ანტალიაში ჩარჩნენ და საქართველოში ჩამოსვლას ვერ ახერხებენ. ამის მიზეზი კომპანია Alltour-ის დავალიანებაა, რომელსაც კომპანია "აირზენას" ვერ უფარავს, შესაბამისად, "აირზენა" ფრენის განხორციელებაზე უარს ამბობს. მოქალაქეები ორ კომპანიას შორის დავის გამო საქართველოში გამომგზავრებას ვერ ახერხებენ.
"ambebi.ge"-ს მგზავრები დაუკავშირდნენ, რომლებიც აცხადებენ, რომ როდესაც მათი უკან დაბრუნების დრო მოვიდა, ანტალიაში უკან გამოსამგზავრებელი თვითმფრინავი არ დახვდათ.
"ტურისტულ კომპანიაში ტელეფონს არ პასუხობენ. უპატრონოდ მიტოვებული ტურისტები ამაოდ ცდილობენ ინფორმაციის მიღებას. მათ ღამეების გათენება უწევთ ქუჩაში და გაპარტახებულ ბინძურ სასტუმროებში. სანამ კომპანია ზარებს პასუხობდა, კლიენტებს აძლევდა ყალბ იმედს, რომ თვითმფრინავი მალე გამოფრინდებოდა", - აცხადებენ მგზავრები.
ტურისტული კომპანიის წარმომადგენელი, მაია მჭედლიშვილი "იმედთან" სატელეფონო საუბარში პრობლემას ადასტურებს.
"კი, რეალურად არის იქ ფინანსური პრობლემა. რეისზე დავალიანება არის დარჩენილი და ამ დავალიანების გამო ავიაკომპანია არ ასრულებს რეისს", - განაცხადა მაია მჭედლიშვილმა და აღნიშნა, რომ თვითმფრინავი 14:00 საათზე გაფრინდება.
რამდენიმე წუთის წინ ჩვენ კიდევ ერთხელ დავუკავშირდით "აირზენას". კომპანიაში არ ფლობენ ინფორმაციას, თუ როდის განხორციელდება ფრენა, შესაბამისად არც ის იციან, როდის ჩამოფრინდებიან ანტალიაში მიტოვებული საქართველოს მოქალაქეები.
"ველოდებით ინფორმაციას ცენტრალური ოფისიდან რეგისტრაციის დაწყების თაობაზე. ამ დროისთვის, უცნობია, თუ როდის განხორციელდება საქართველოდან ანტალიაში ფრენა, რომელმაც აღნიშნული მგზავრები საქართველოში უნდა ჩამოიყვანოს", - აცხადებენ კომპანიაში.
კომპანია Alltour-ში კი, რომელმაც აღნიშნული მოქალაქეები წაიყვანა ანტალიაში, სატელეფონო ზარებს აღარ პასუხობენ.
ლექსო ნაბახტეველი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
