პროდიუსერი კახა მამულაშვილი სასამართლო დარბაზიდან გაათავისუფლეს. ამ ფაქტს საზოგადოების ნაწილი უარყოფითად შეხვდა, მის მეგობრებს კი ძალიან გაეხარდათ. ზოგიერთმა მათგანმა ამ სიახლის შესახებ AMBEBI.GE-სგან შეიტყო და პირველი ემოციებიც ჩვენს მკითხველს გაუზიარეს.
ნინი ბადურაშვილი:
თქვენგან გავიგე, რომ მამულიჩა თავისუფალია, ძალიან გამეხარდა. სასიხარულოა ეს ამბავი. მამულიჩა ციხეში არ უნდა იყოს, ის ძალიან კარგი ადამიანია, ჩემი ახლოს მეგობარია და არავისთვის არაფერი დაუშავებია.
თიკა ჯამბურია:
ძალიან გამეხარდა მამულიჩას გათავისუფლება. მე მარიკოს ნათლია ვარ, ჩემთვის ძალიან ახლობელია მამულიჩა და მისი ოჯახი. ძალიან ბედნიერი ვარ და ვულოცავ. მინდა ყოველთვის კარგად იყოს.
ვახტანგ რჩეულიშვილი:
მოხარული ვარ, ვინაიდან მამულიჩა ნარკომანი არ ყოფილა, მითუმეტეს არასოდეს ყიდდა წამალს. ამიტომაც მოხარული ვარ, მან აღიარა შეცდომა და ციხეშიც იჯდა. მინდა ყველას გავახსენო პატრიარქის სიტყვები, ადამიანმა ყველა თავის სქციელზე უნდა აგოს პასუხი და რეალურად მაშინ მიეტევება. ეს გაკვეთილი იქნება მამულიჩასთვის. ვარსკვლავი შეიძლება გაერთოს და მოწიოს მარიხუანა, მაგრამ სადაც ეს დასჯადია, იქ ვერც მოქალაქე გადარჩება და ვერც სუპერვარსკვლავი. გიგას წლების წინ პლანის მოწევაზე 20 000 ლარი გადაახდევინეს, მაშინ ვხუმრობდი ერთი სიგარეტის მოწევა 20000 რომ დაგიჯდება, არ უნდა მოწიოთქო. ჯერ არ დამთავრებულა ეს ამბავი, მაგრამ ყველაფერი ლოგიკურად წარიმართა. მამულიჩას ბევრი ადამიანისთვის მოაქვს სიკეთე თავისი შემოქმედებით. სჯობდა არ მომხდარიყო, მაგრამ მოხდა. მამულიჩას ვულოცავ და ლელას განსაკუთრებულ სიყვარულს ვუგზავნი.
სტეფანე მღებრიშვილი:
მოულოდნელი არ იყო ჩემთვის მისი გათავისუფლება, მამულიჩას რა ესაქმება ციხეში. უკიდურესად ბედნიერი და გახარებული ვარ მისი ამბით.
რატი დურგლიშვილი:
კრუიზში ვარ და თქვენგან გავიგე ეს ამავი. არ იცით, როგორ გამახარეთ, რა მაგარია. მოლოდინი მქონდა, რომ გაათავისუფლებდნენ, რადგან კოლორიტი ადამიანია. ამაზე მეტი გახარება არ შეიძლება. გადაეცით მიყვარხართქო, სამი დღეა წყალში ვარ და არ მაქვს ფეისბუქი. მადლობა ყველა ადამიანს, ვინც მის გათავისუფლებაზე იზრუნა.
თამარ ბოჭორიშვილი
AMBEBI.GE
