მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ცნობილი ადამიანები ბურჭულაძის პოლიტიკაში მოსვლაზე და ქართული პოლიტიკა ბანის ხმის მოლოდინში
05:10 / 09-09-2015
ხმები ცნობილი მომღერლის, ფონდ "იავნანას" ხელმძღვანელის, პაატა ბურჭულაძის პოლიტიკაში მოსვლასთან დაკავშირებით კარგა ხანია ვრცელდება.
თავად ამ ფაქტს არ უარყოფს, ოღონდ, დღევანდელ პოლიტიკაში მოსვლის აუცილებლობას ვერ ხედავს.
7 სექტემბერს ჭიათურაში, ადგილობრივ მოსახლეობასთან შეხვედრის დაწყებამდე, ჟურნალისტებთან საუბრისას აი, რა განაცხადა:
"დღეს საერთოდ არ ვარ მაგისთვის განწყობილი. არავითარ პოლიტიკოსებთან არავითარი მოლაპარაკებები არ მაქვს. თუ დადგება დრო, აუცილებლად მოვალ პოლიტიკაში, მაგრამ ახლა ამის საჭიროებას ვერ ვხედავ".
AMBEBI.GE ამ თემაზე საზოგადოებისთვის ცნობილ რამდენიმე ადამიანს დაუკავშირდა, - თუ რას ფიქრობენ დიდი მომღერლის გაპოლიტიკოსებაზე.
ავთო ვარსიმაშვილი, რეჟისორი:
- პაატას პოლიტიკაში მოსვლა ვერანაირად ვერ წარმომიდგენია. ვფიქრობ, რომ მისი ეს ნაბიჯი ძალიან წარუმატებელი იქნება. ამიტომ არ ვურჩევდი, რომ გადაგას.
ია ანთაძე, მედიექსპერტი:
- დაუდასტურებელ ფაქტზე რთულია წინასწარ კომენტარის გაკეთება. პაატა ბურჭულაძე პოლიტიკაში რომ მოდის, მხოლოდ მოარული ხმებია, თუმცა მისი ქცევა, იმაზე მეტყველებს, რომ გარკვეულწილად აქვს ასეთი განზრახვა. გარდა ამისა, ამ ტიპის კომენტარებზე, არ იძლევა მკაფიო პასუხებს, ამბობს, რომ შესალებელია ეს მოხდეს, მაგრამ ახლა ვერ ხედავს ამის აუცილებლობას და ა.შ. ასე რომ, ყველანი ფაქტობრივად, მოლოდინის რეჟიმში ვართ, რადგან არ ვიცით, რა იქნება, თუკი პაატა ბურჭულაძე პოლიტიკაში მოვა. ფაქტია, რომ ის ან რომელიმე არსებული პარტიის ერთ-ერთ ლიდერად შემოვა, ან იძულებული იქნება, თავის პარტია დაარსოს, რაც არ არის ხანმოკლე პროცესი, ამიტომ რაკიღა ეს ადამიანი ახალი ამპლუით გამოჩნდა, 2016 წლის არჩევნებამდე ერთი წლით ადრე, მას ძალიან სწრაფ ტემპში მოუწევს იმის გავლა, რაც იმისთვის სჭირდება, რომ პოლიტიკური ლიდერი გახდეს და არჩევნებში მონაწილეობა მიიღოს, თუნდაც პარლამენტის წევრი გახდეს. ასე რომ, საინტერესო მოვლენებს უნდა ველოდოთ.
- თუკი მოვა პოლიტიკაში, მას კიდევ რა დასჭირდება?
- თუკი პაატა ბურჭულაძე ნამდვილად მოვა პოლიტიკაში, ბევრი რამის პარალელურად, აუცილებლად დასჭირდება საინფორმაციო უზრუნველყოფა და ამ მხრივაც ტელევიზიებს უნდა გადავხედოთ - ბევრი ახალი არხია და შესაძლებელია რომელიმე მათგანში უფრო ხშირად გამოჩნდეს, ვიდრე სხვაგან. ამ მხრივაც ყურადღებით უნდა ვიყოთ.
თუ ის პოლიტიკაში გამოჩნდა, ალბათ ორ-სამ თვეში, ბევრად მეტის თქმა შეგვეძლება, მერე უკვე შევძლებთ ვისაუბროთ, რა ადგილს დაიკავებს ის და მისი პოლიტიკური ძალა.
მაგრამ აქცენტები, რომელსაც აღნიშნულ შეხვედრებზე აკეთებს, ჩემთვის როგორც მოქალაქისთვის, ამომრჩევლისთვის არ არის საინტერსო, თუმცა ეს არის ნიშა, რომელსაც ალბათ მხარდამჭერები ეყოლება, ვანხოთ, თვალი მივადევნოთ...
დათო ოქიტაშვილი, კულტურის პალატის პრეზიდენტი:
- პირადად არ მინახვას და არ ვიცი, ამასთან დაკავშირებით რას ფიქრობს, მაგრამ ნებისმიერ შემთხვევაში, ამა თუ იმ ნაბიჯს ნებისმიერი ადამიანი თავად წყვეტს. რადგანა პაატა ბურჭულაძე საკუთარი თავს საქართველოს პოლიტიკაში ხედავს, ე.ი. რაღც ჩანაფიქრი აქვს.
იცით, რომ პირდაპირი ადამიანი ვარ და ყველაფერზე გახსნილად ვლაპარაკობ, არ მერიდება, მაგრამ ამ შემთხვევაში უბრალოდ, მიჭირს უფრო კონკრეტული პასუხი, რადგანაც, როგორც ვთვქი, მასთან ჯერ ვერ მოვახერხე შეხვედრა, საუბარი და არ ვიცი, პირადად რას ფიქრობს. ვნახოთ, აქვს ალბათ თავისი მიზნები, რაღაცას ფიქრობს. ისე არ ხდება, რომ ადამიანმა დღეს გაიღვიძა და განცხადება გააკეთა, - პოლიტიკაში მივდივარო. თუ ასეა, როგორც ჩანს, ამის უკან რაღაც მიზანია, რომ თავის ქვეყანასა და ხალხს, რაღაც ახალი შესთავაზოს.
იცით, რომ პოლიტიკაში მოსვლაც ასე ადვილი არ არის, მაგრამ ეტყობა, მას გარკვეული გუნდიც ჰყავს, რომლებთან ერთადაც საქართველოს მოსახლეობას რაღაც ახალს მიაწვდის. ხმები მისი პოლიტიკაში მოსვლასთან დაკავშირებით დღეს კი არა, ჯერ კიდევ იმ პერიოდიდან გავრცელდა, როდესაც პრეზიდენტის არჩევნები იყო.
ნებისმიერ შემთხვევაში, წარმატებები უნდა ვუსურვო, ის ჩემი ახლობელია, ჭკვიანი ადამინია და ცხოვრებაში ისეთ ნაბიჯს არ გადადგამს, რაც მისთვის მომგებიანი არ იქნება. ვიმეორებ, ეტყობა, ფიქრობს, რომ გუნდთან ერთდ, რაღაც ახლას შემოიტანს ქართულ პოლიტიკაში. არადა, საქართველოს პოლიტიკას ახალი სახეები და ახალი პარტიები ნამდვილად სჭირდება იმიტომ, რომ მოსახლეობა ძველი სახეებისა და პარტიების ყურებით დიდი ხანია, დაიღალა.
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
