"გრიგოლიას, გამზარდიას და მიშველაძის გადაცემების დახურვა ერთსა და იმავე "სასტავში" მომწიფდა" - არჩილ გამზარდია

საზოგადოებრივი კომუნიკაციების მართვის სპეციალისტი არჩილ გამზარდია "ფეისბუქზე" გადაცემების დახურვის სერიას ეხმაურება:

"გრიგოლიას, გამზარდიას და მიშველაძის გადაცემების დახურვა, როგორც ხერხი მათი პიროვნებების აქტიურობიდან ჩამოშორებისა, სავარაუდოდ, ერთსა და იმავე "სასტავში" მომწიფდა და მგონია, რომ ეს არ ყოფილა არც ივანიშვილის იდეა და მით უფრო ხაინდრავასი. ბიძინა ივანიშვილს ჰყავს უახლოეს გარემოცვაში ისეთი პირები, რომლებიც მისი სახელით მოქმედებენ და მისსავე დისკრედიტაციას ეწევიან ამ და სხვა მსგავსი ფორმებით.

ერთი სიტყვით, საინტერესო სასერიალო ინტრიგებია" - წერს გამზარდია.