ბორჯომი-ხარაგაულის ეროვნული პარკის მიმდებარე ტერიტორიაზე ხანძარია
ბორჯომი-ხარაგაულის ეროვნული პარკის მიმდებარე ტერიტორიაზე, ნაკრძალთან ახლოს, წინუბანი-აწყურის მონაკვეთთან ხანძარია. ცეცხლი სავარაუდოდ გვიან ღამით გაჩნდა.
"რუსთავი 2"-ის ინფორმაციით, რთული რელიეფური მდებარეობის გამო, მეხანძრეების მუშაობა გართულებულია. მათ გარკვეული პერიმეტრის გავლა ფეხით უწევთ. შემთხვევის ადგილზე ცეცხლის რამდენიმე კერაა და დაახლოებით ერთ ჰექტარზეა გავრცელებული.
ადგილზე მობილიზებული არიან სამცხე-ჯავახეთის სახანძრო-სამაშველო სამსახურები და პოლიცია. საჭიროების შემთხვევაში დამატებით ძალებს თბილისიდან ელოდებიან.
ხანძრის გავრცელების სავარაუდო მიზეზად დაუდევრობა სახელდება.