მნიშვნელოვანი ინფორმაცია
13
ივნისიდღის ზოგადი ასტროლოგიური პროგნოზი
პარასკევი, მთვარის მეთვრამეტე დღე დაიწყება 00:43-ზე და გაგრძელდება 14 ივნისს, შაბათს –
იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სააკაშვილი ოდესაში, მერაბიშვილი ციხეშია და ვისაც ნებავს უნიღბოდ, ერთი-ერთზე მეჩხუბოს" - სფფ-ს პრეზიდენტობის კანდიდატი, რომელიც 2008-ში გაიტაცეს და ფიზიკურად გაუსწორდნენ
08:15 / 04-09-2015
"ხმა მას მისცენ, ვისაც საუკეთესო პროგრამა ექნება!" - ამბობს საქართველოს ფეხბურთის ფედერაციის პრეზიდენტობის ერთ-ერთი კანდიდატი, მამუკა კვარაცხელია იმ გუნდებზე, რომელთაც მხოლოდ ახლა გადაწყვიტეს ფეხბურთის ფედერაციის წევრობაზე განცხადების შეტანა. ეს თემა დღის წესრიგში თავად მან დააყენა, როცა გასულ კვირას პრესკონფერენცია გამართა არჩევნებთან დაკავშირებით არსებულ გარკვეულ ხარვეზებზე. მისი კონკურენტები, ლევან კობიაშვილი და რევაზ არველაძე საზოგადოებაში ფავორიტებად ითვლებიან, თუმცა კვარაცხელია არ მიიჩნევს, რომ წინასაარჩევნო კამპანია თანაბარ პირობებში მიმდინარეობს და მოითხოვს, რომ წევრებმა მთავარი აქცენტი პროგრამებზე გაამახვილონ. კვარაცხელია უკვე წლებია, "დინამოს" არენის მედიახელმძღვანელი და UEFA-ს მედიაოფიცერია. მან პრეზიდენტობის არჩევნებში 2008 წელსაც მიიღო მონაწილეობა, თუმცა ეს სურვილი სავალალო აღმოჩნდა - იგი გაიტაცეს და ფიზიკურად სასტიკად გაუსწორდნენ...
- წარმოვიდგინოთ, რომ გაიმარჯვეთ. თქვენი ხედვით, რა სურათი დაგხვდებათ?
- მსოფლიოში მეორასე ადგილზე მყოფი საქართველოს ნაკრები, ევროპის სარბიელზე შერცხვენილი კლუბები, სკანდალური სამსაჯო თემი, უმაყურებლო ტრიბუნები, გასაცოდავებული ბავშვთა ფეხბურთი - აი, ეს სურათი დამხვდება...
- პირველ რიგში, რომელ პრობლემას შეეჭიდებით?
- ყველა პრობლემას უნდა შევეჭიდოთ, რადგან დრო არ გვაქვს!
- ამბობთ, რომ ფეხბურთს ბიზნესად გადააქცევთ და პირველ 6 თვეში 10 ინვესტორი გეყოლებათ, რაც საკმაოდ გაბედული განცხადებაა. ამას როგორ აპირებთ? ამას რის საფუძველზე ამბობთ, რაიმე კონკრეტული გაქვთ მხედველობაში?
- ჩემი პროგრამის მიხედვით ფეხბურთი ბიზნესად გარდაიქმნება. ბიზნესმენი თუ არ დააინტერესე, რატომ უნდა ჩადოს ფული ფეხბურთში? აიღეთ რუსეთის, თურქეთის და სხვა ქვეყნების მაგალითები! ქართული ანდაზაა - თაფლი იყოს და ბუზი ბაღდადიდანაც მოვაო. ფხაკაძეები ფეხბურთში ძალით მიიყვანეს, წავიდა მიშა და მათ ფეხბურთი მაშინვე დატოვეს. ბიზნესმენი ისე უნდა დააინტერესო, რომ თავად გთხოვოს ფულის ჩადება. ეს ჩემი სტრატეგიულ გეგმაა და ამას მხოლოდ პრეზიდენტობის შემთხვევაში გავამხელ. ძალიან მალე მოვა დრო და ქართული ფეხბურთი აქეთ მისცემს ფულს სახელმწიფოს!
- ამბობთ, რომ თქვენი პროგრამა საუკეთესო იქნება. როდის აპირებთ მის წარდგენას და რა ხდის მას საუკეთესოს?
- პროგრამის ძირითადი ნაწილის გაცნობას კლუბების, ფედერაციებისა და ჟურნალისტებისთვის 5 სექტემბერს ვაპირებ, ხოლო სრულად პროგრამას მას შემდეგ გავაცნობ დაინტერესებულ პირებს, რაც საქართველოს ფეხბურთის ფედერაცია სრულ ფინანსურ ანგარიშს მომაწვდის. ჩემი წერილობითი მოთხოვნის მიუხედევად, ფედერაცია ამას უკვე ერთი კვირაა, არ აკეთებს. საუკეთესო კი ჩემი პროგრამა იმიტომ იქნება, რომ მე ჩემს კონკურენტებზე მეტი გამოცდილება მაქვს და ჯერ კიდევ მაშინ ვფიქრობდი ქართული ფეხბურთის კეთილდღეობაზე, როცა არველაძეც და კობიაშვილიც ჯერ კიდევ სკოლის მოსწავლეები იყვნენ და საფეხბურთო სკოლაში დადიოდნენ.
- სხვა კანდიდატების გამარჯვების შემთხვევაში ქართული ფეხბურთის მომავალი როგორ გესახებათ?
- სიმართლე გითხრათ, ამაზე ფიქრიც არ მინდა! თუ იგივე ხელმძღვანელობა დარჩა ფეხბურთში, მას მომავალი აღარ აქვს; ხოლო თუ კობიაშვილმა გაიმარჯვა - იმედი მაქვს, წარმატებულ რეფორმებს გაატარებს, მაგრამ მე ვფიქრობ, საუკეთესო ჩემი კანდიდატურაა.
- რევაზ არველაძემ განაცხადა, რომ თანამდებობას ტოვებს, რათა კანდიდატები თანაბარ პირობებში იყვნენ. თქვენ როგორ ფიქრობთ, ხართ თუ არა თანაბარ პირობებში მათთან?
- რევაზ არველაძე თანამდებობას ტოვებს 17 სექტემბრის მერე, მაშინ, როცა ორი კვირა რჩება ყრილობამდე და ყველაფერი უკვე დაწყობილი უნდა ჰქონდეს! ამის თქმა არ ეკადრება ბატონ რეზოს - რა აზრი აქვს ბოლო ორ კვირას, თუკი მანამდე ყველა საქმე დაწყობილია? მიშა სააკაშვილიც ეგრე "გადადგა" პრეზიდენტობიდან და მაინც ფაქტობრივი პრეზიდენტი იყო! საქართველოა და ყველამ ყველაფერი კარგად იცის.
- ერთ-ერთი ყველაზე რეალური კანდიდატი ლევან კობიაშვილია. საზოგადოებაში მის მთავარ ბერკეტად კალაძის მხარდაჭერას თვლიან. თქვენი აზრით, რამდენად შეიძლება იქონიოს გავლენა მათმა მეგობრობამ არჩევნებზე?
- ეგ ჟურნალისტებმა უნდა გამოიკვლიოთ. ჩემი მხრივ კი კატეგორიული ვარ - სახელმწიფოს არავითარი ჩარევა არჩევნებში!
- რეგიონული ფედერაციები დელეგატებად თბილისელებს, საქართველოს ფეხბურთის ფედერაციაში დასაქმებულ ადამიანებს ირჩევენ. ამაზე რას იტყვით? შეიძლება თუ არა, ეს გადამწყვეტი აღმოჩნდეს შედეგებისთვის?
- ამაზე მე გავამახვილე ყურადღება. შევარცხვინე ის რეგიონი, სადაც ყრილობაზე წარსადგენად ადგილობრივი კაცი ვერ მოძებნეს და თბილისელი აირჩიეს! გადამწყვეტი არჩევნების შედეგებისთვის ქართველი საფეხბურთო საზოგადოების ნებისყოფა, ვაჟკაცობა და მზაობა იქნება.
- გურიაში მომხდარ ინციდენტთან დაკავშირებით რა კომენტარს გააკეთებთ? ვგულისხმობ სუს-ის თანამშრომლის დასწრებას ფედერაციის თანამშრომლების შეკრებაზე...
- სამწუხაროდ, იმის მიუხედავად, რომ ისტორიულად გურული კაცი მტერს არასდროს ეპუებოდა, გურულმა ცხენოსნებმა ამერიკა გადარიეს და ა.შ., ფეხბურთში გურულებს თავს ლაფი დაასხეს. ზოგიერთებმა მათი აზრი არ გაითვალისწინეს და ქართული ფეხბურთის ამ დღემდე მიმყვანი ხალხის მხარდაჭერა ერთპიროვნულად მოინდომეს! ამიტომ, სულაც არ მიკვირს გურულების ასეთი რეაქცია. ერთს ვთხოვ - კანონს არ გადავიდნენ და წესდებით შეებრძოლონ უსამართლობას, რადგან წესდებაში წერია გამოსავალი.
- 2008 წლის მოვლენებსაც უნდა შევეხოთ. როცა კანდიდატი იყავით, თქვენ წინააღმდეგ ძალადობა განხორციელდა. დღეს გამორიცხავთ, რომ იმავე ძალებმა ისევ თქვენ წინააღმდეგ, ამ ფორმით თუ არა, სხვა ფორმით მაინც იმოქმედონ?
- სააკაშვილი და ადეიშვილი ოდესაში არიან, მერაბიშვილი ციხეშია და ვისაც ნებავს, უნიღბოდ, კაცურად, ერთი-ერთზე მეჩხუბოს. ქართული ფეხბურთის გულისთვის ყველაფერი გადამიტანია და ახლაც მზად ვარ!
ეკა აბაშიძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისრაელმა ირანზე მასშტაბური დარტყმები განახორციელა: განადგურებულია ბირთვულ იარაღი, დაიღუპნენ სამხედრო მეთაურები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
