მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ იკლავენ თავს ქართველი ჯარისკაცები: ხიდაშელის უწყებამ საგანგებო პრევინციულ ზომებს მიმართა
02:33 / 04-09-2015
ჯარში თვითმკვლელობების შემთხვევების უდიდესი ნაწილი აზარტული თამაშებიდან გამოწვეული ვალების გამო ხდება, - ეს განცხადება თავდაცვის მინისტრმა თინა ხიდაშელმა გააკეთა. თავდაცვის სამინისტროს გადაწყვეტილებით, ყველა, სამოქალაქო თუ სამხედრო პირი, რომელიც დასაქმებულია თავდაცვის სამინისტროში ან შეიარაღებულ ძალებში და დაუდასტურდებათ, რომ ჩაბმულები არიან აზარტულ თამაშებში, სამუდამოდ გათავისუფლდებიან სამხედრო სამსახურიდან. უწყება ასევე მკაცრ კონტროლს იწყებს იმ სამხედრო მოსამსახურეების მიმართ, რომლებსაც დაუდგინდებათ ნარტოკიკებზე დამოკიდებულება ან სამხედრო ნაწილში თრობა. თინა ხიდაშელი პირობას დებს, რომ ყველა ამ კატეგორიის დანაშაულის ჩამდენი სამსახურიდან სამუდამოდ გათავისუფლდება.
"სულ რამდენიმე დღის წინ ჯარისკაცმა თვითმკველელობით დაასრულა სიცოცხლე. ჯარში არის რამდენიმე ასეთი შემთხვევა. ჩვენს მიერ მოპოვებული ინფორმაცია და სტატისტიკა ადასტურებს, რომ ეს გამოწვეულია იმის გამო, რომ ამ ადამიანებს აქვთ ვალები. მათ შორის, აზარტული თამაშებით არიან დაკავებული და ამის გამო სიცოცხლეს ამთავრებენ თვითმკვლელობით. ჩვენ მაქსიმალურად გავატარებთ პრევენციულ ღონისძიებებს იმისთვის, რომ ან საერთოდ აღარ იყოს ასეთი შემთხვევები, ან მაქსიმალური მინიმალიზაცია მოხდეს.
"ყველამ მინდა იცოდეს, რომ არავითარი კომპრომისი და დანდობა არ იქნება იმის გამო, რომ ადამიანებს მანამდე კარგი წარსული აქვთ, რომელიმე ბრძოლაში მონაწილეობა მიღებული აქვთ ან სამშვიდობო მისიაში იმყოფებოდნენ. ყველას წინა დამსახურებებს პატივს ვცემთ, მაგრამ ჩვენ ვერ დავუშვებთ, რომ ჯარში ასეთი შემთხვევები არსებობდეს, ამის გამო ადამიანები იღუპებოდნენ და ამის გამო შეიარაღებული ძალების პრესტიჟს და შეიარაღებული ძალების მიმართ პატივისცემას საფრთხე ექმნებოდეთ", - განაცხადა ხიდაშელმა.
"თავდაცვის სამინისტროს სფეროში მომუშავე პირებს ეკრძალებათ აზარტულ თამაშებში მონაწილეობა. ეს ნორმა ემსახურება ფსიქოლოგიურ გამოჯანსაღებას. ამავე დროს ემსახურება პრევენციას ვინაიდან და რადგანაც ჩვენ არ უნდა დაგვავიწყდეს, რომ სამხედრო მოსამსახურე, რომელიც ჩაფლულია აზარტულ თამაშებში, ეს არის ფსიქოლოგიური დამოკიდებულების ფორმა ერთი მხრივ და ის ასევე წარმოადგენს ქვეყნის უსაფრთხოებისთვის პრობლემას", - აღნიშნა ხიდაშელმა.
ხიდაშელის მოადგილის, ანა დოლიძის შეფასებით, თავდაცვის სისტემაში მომუშავე ადამიანები, რომლებიც ჩაფლულები არიან აზარტულ თამაშებში, ქვეყნის უსაფრთხოების პრობლემას წარმოადგენს.
თავდაცვის სამინისტროს გადაწყვეტილებას დარღვევებზე რეაგირების გამკაცრებასთან დაკავშირებით მიესალმებიან ექსპერტები. ექსპერტი ირაკლი ალადაშვილი აცხადებს, რომ სუიციდის ფაქტები ქართულ ჯარში სულ იყო, თუმცა გამომწვევი მიზეზები შეიცვალა.
"სუიციდის შემთხვევები საქართველოს შეიარაღებულ ძალებში ადრეც იყო დაფიქსირებული და ყოველწლიურად ფიქსირდება რამდენიმე ფაქტი. ამას აქვს თავისი მიზეზები, ოღონდ გარკვეული პერიოდიდან გამომდინარე, ამის მიზეზი ძირითადად, სხვადასხვაა. ადრე შესაძლოა, ამის მიზეზი იყო იგივე ე.წ. დედოვშინა ან "კუთხურობა", როდესაც ჯარში ხდებოდა ჯარისკაცების დაჩაგვრა. თავდაცვის მინისტრმა ისაუბრა ახალ გამოვლინებებზე. ეტყობა თავდაცვის სამინისტროს აქვს ამის განცხადების საფუძველი გამომდინარე იქიდან თუნდაც, რომ დატოვებული იქნა ადგილზე წერილები. აზარტული თამაშები და მის გამო გამოწვეული სუიციდური შემთხვევები ახალი გამოვლინებაა. ასევე, არ შეიძლება შეირაღებულ ძალებში, ადამიანი, რომელსაც შეიძლება ანდო იარაღი ან უფრო რთული საბრძოლო ტექნიკა, ის შემჩნეული იყოს აზარტულ თამაშებში ან ნარკოტიკულ დამოკიდებულებაში. რაც შეეხება სიმთვრალის ფაქტებს, ესეც არ არის სწორი და არ უნდა ფიქსირდებოდეს ასეთი შემთხვევებიც", - განაცხადა ალადაშვილმა.
ნოდარ ხარშილაძე კი მიიჩნევს, რომ დამოკიდებულებების პრევენცია აუცილებელია.
"შეფასება თავდაცვის მინისტრის განცხადების მიმართ ძალიან პოზიტიურია. სუიციდი ჯარში სამწუხაროდ, ყველგან არის. როდესაც ძალიან ახალგაზრდა ასაკის ათასობით ადამიანი ერთად, სპეციალიზირებულ რეჟიმში იმყოფება, რა თქმა უნდა, სტრესული მდგომარეობები მეტია. სუიციდის შემთხვევები წამყვან ქვეყნებშიც ყველგან არის, ამიტომ ამას ვერ გავექცევით. ორი ძირითადი მიზეზები აქვს ხოლმე სუიციდს, ერთი არის დამოკიდებულებები, რომელიც შეიძლება იყოს ალკოჰოლური, ნარკოტიკული და აზარტული. ეს ასევე შეიძლება იყოს პირად ცხოვრებაში არსებული პრობლემები, რომელსაც ვერაფერს უზამ. ერთადერთი შეიძლება ამ შემთხვევაში დაეხმაროს სახელმწიფო და ისიც იმ შემთხვევაში, თუ თავისი პრობლემის შესახებ ადამიანი განაცხადებს, თუმცა ესეც იშვიათად ხდება. დამოკიდებულებებთან დაკავშირებით სწორია, რომ კონტროლის ქვეშ დადგეს. არსებობს იმის საფრთხეც, რომ ამ ადამიანებს შეხება ჰქონდეთ საკმაოდ სენსიტიურ ინფორმაციასთან და სახიფათო შეიარაღებასთან", - განაცხადა ხარშილაძემ.
სუიციდის მომატებულ ფაქტებთან დაკავშირებით თავდაპირველად მინისტრმა თინა ხიდაშელმა მეცნიერებთან შეხვედრაზე ახლახანს ისაუბრა. როგორც ხიდაშელმა ამ შეხვედრაზე განაცხადა, თავდაცვის სამინისტრო სუიციდის შემთხვევებს და გამომწვევ მიზეზებს სწავლობს. ჯარისკაცის მხრიდან თვითმკვლელობის ბოლო შემთხვევა ნორიოს საწვრთნელ ბაზაზე, სამი დღის წინ დაფიქსირდა.
ლექსო ნაბახტეველი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
