მნიშვნელოვანი ინფორმაცია
23
მაისიდღის ზოგადი ასტროლოგიური პროგნოზი
პარასკევი, მთვარის ოცდამეექვსე დღე დაიწყება 03:27-ზე, მთვარე ვერძშია – საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
საქართველოში მძღოლების 76 პროცენტი ქვეითს გზას არ უთმობს
05:48 / 03-09-2015
შინაგან საქმეთა სამინისტროში საგზაო უსაფრთხოების კუთხით მუშაობა მიმდინარეობს. როგორც ჟურნალისტებს ევროკავშირის პროექტ "ქვეითების უსაფრთხოების ადვოკატირების" ფარგლებში ქვეითების და მძღოლების ქცევის შესახებ ჩატარებული კვლევის შედეგების პრეზენტაციისას არჩილ თალაკვაძემ განუცხადა, დაწყებულია აქტიურად საგზაო უსაფრთხოების კუთხით მუშაობა.
არჩილ თალაკვაძის განცხადებით, საგზაო უსაფრთხოების კუთხით მუშაობა მრავალ მიმდინარეობას მოიცავს, მათ შორის ჯარიმების გაზრდას.
"მინისტრის დავალებით, საგზაო უსაფრთხოებაზე ახალ პროგრამას ვამუშავებთ, რომელიც უახლოეს პერიოდში განხორციელებაში ჩაეშვება. ეს იქნება ერთწლიანი კომპლექსური პროგრამა, რომელიც არაერთი მიმართულებით ითვალისწინებს სახელმწიფო ჩარევას, ეს იქნება ავტოპარკის განახლება, ქვეითთა უსაფრთხოებისა და დაცვის გარანტიები კანონმდებლობაში. ზოგიერთი მიმართულებით ჯარიმების გამკაცრება. მაგალითად, მგზავრების გადაყვანისას, როდესაც მძღოლები სახიფათო მანევრებს აკეთებენ და არღვევენ მოძრაობის წესებს. გამკაცრდება და გაუმჯობესდება ადმინისტრირება", - განაცხადა შს მინისტრის მოადგილე არჩილ თალაკვაძემ.
შინაგან საქმეთა სამინისტროს საპატრულო პოლიციის დეპარტამენტის დირექტორის გოგა რაზმაძის ინფორმაციით კი, სამინისტროს მიერ საგზაო უსაფრთხოების კუთხით შემუშავებული ახალი პროექტი სავარაუდოდ, მომავალი წლიდან აქტიურად ამოქმედდება.
სასტუმრო "ჰოლიდეი ინში" "საქართველოს ალიანსი უსაფრთხო გზებისთვის" ევროკავშირის პროექტის "ქვეითების უსაფრთხოების ადვოკატირება" ფარგლებში ქვეითების და მძღოლების ქცევის შესახებ ჩატარებულ კვლევის შედეგების პრეზენტაციას მართავს.
კვლევის შედეგად ირკვევა, რომ თბილისში ქვეითების ნახევარზე მეტი ქუჩას საგზაო მოძრაობის წესების დარღვევით კვეთს. ასევე მძღოლების დიდი უმრავლესობა - 76 პროცენტი არ უთმობს ქვეითს გზას. ორგანიზაციაში აცხადებენ, რომ ამის მიზეზი ცნობიერების დაბალი დონე, ინფრასტრუქტურასთან დაკავშირებული პრობლემები და ლიბერალური კანონი/კანონის აღსრულების დაბალი მაჩვენებელია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
