ძლიერი წვიმის გამო ფოთში რამდენიმე ქუჩა დაიტბორა

ფოთში ერთ-ერთი უბანი დაიტბორა. წუხანდელმა უხვმა ნალექმა განსაკუთრებული ზიანი ნაბადის უბანს მიაყენა. წვიმის შედეგად დატბორილია სამეგრელოს, კოკაიასა და სარსანიას ქუჩები.

ადგილობრივი მთავრობის ინფორმაციით, აღნიშნულ ქუჩებზე არსებული სატუმბი სადგური ელექტროენერგიის გათიშვის გამო არ მუშაობდა.

"ინტერპრესნიუსთან" საუბარში მერიის ინფრასტრუქტურის სამსახურის უფროსი ზურაბ ყურია ამბობს, რომ ამ ეტაპზე შვიდივე სატუმბი სადგური გამართულად მუშაობს და წყლის გადინება მალე მოხდება.

"ინტერპრესნიუსი"