28
მაისიდღის ზოგადი ასტროლოგიური პროგნოზი
ბათუმში, "ალი და ნინოს" სკულპტურა გადატანის დროს დაზიანდა. ქალაქის ბულვარის ადმინისტრაციის დირექტორის, გიორგი ზირაქაშვილის განცხადებით, "ალი და ნინოს" სკულპტურას მცირე დაზიანება აქვს და აღდგება. მომხდარმა საზაფხულოდ "მიძინებული" "ფეისბუქ" საზოგადოება საკმაოდ გაააქტიურა. გთავაზობთ რამდენიმე გამოხმაურებას სკულტურის დაზიანებასთან დაკავშირებით, რომელთაგან ყველაზე დიდი პოპულარობით ფრაზა, - "ალი დაქვრივდა" სარგებლობს.
გივი თარგამაძე - დღეს ახალი ბათუმის სიმბოლოს, ალი და ნინოს ქანდაკების დემონტაჟისთვის უძველესი, უხარისხო ამწე გამოიყენეს და შედეგად ყველასთვის საყვარელი ქანდაკება დაამსხვრიეს. იმავე დროს ჩემს მეზობლად, საპატრულო მანქანებით საგულდაგულოდ გადაკეტილ მოსაშვილზე უთანამედროვეისი ამწე მეათე სართულის სახურავზე გაშენებულ ნაძვნარში, ლარის გამჩანაგებელი მთავრობის უნიათო ვითომხელმძღვანელთან ეზიდებოდა კომფორტისთვის დამატებით კომპონენტებს. აქ ყველაფერმა ხარვეზების გარეშე ჩაიარა.
თამარა ჩერგოლეიშვილი - დაამტვრიეს გადატანის მცდლობისას. "ყველაფერს უხარისხოს აკეთებდნენ ნაციონალები და იმიტომ".
კობა სუბელიანი - "დავით აღმაშენებლის იმხელა ძეგლი გადავიტანე მისხალი არ დაზიანებია, ამათ რა ღმერთი უწყრებათ ყველაფერში ასე ბლაგვები როგორ არიან".
გიორგი ბარამიძე - თალიბანი და ISIS გვყავს ქვეყანაში თუ რა ხდება, სულ გადაირივნენ?
ეკა ხერხეულიძე - აჭარის ჩლუნგო მთავრობა, ბათუმში თუ მიშას ნაკვალევის წაშლას ალი და ნინოს ქანდაკების მონგრევით ცდილობთ, ეგ არ უშველის, მთელი ქალაქის დანგრევა მოგიწევთ და მიადექით ყველა შენობა-ნაგებობას, რასაც აღტაცებაში მოჰყავს მნახველი.
გოგა ხაჩიძე - "ლარი და ნინო" გააფუჭეს!
