"ეკლესიის "რესტავრაციის" გამაოგნებელ ფაქტს გადავაწყდი" - არქეოლოგი საკუთარ "აღმოჩენაზე" წერს

არქეოლოგი გოდერძი ნარიმანაშვილი თეთრიწყაროს მუნიციპალიტეტში ეკლესიის რესტავრაციის ფაქტს შეესწრო, რომლის ამსახველი სურათებიც მან "ფეისბუქის" საკუთარ გვერდზე განათავსა.

"თეთრიწყაროს მუნიციპალიტეტის სოფ. იფნარში ეკლესიის "რესტავრაციის" გამაოგნებელ ფაქტს გადავაწყდი.

დასავლეთი კედელი ირღვევა და ხეებით აქვთ გამაგრებული. სამხრეთი კედლის თავზე ბლოკით აშენებენ რაღაცას".

"ერამდე და ბერამდე უნდა მივიტანოთ მარტივი ჭეშმარიტება - შესაბამისი ნებართვის გარეშე არავის აქვს ძეგლზე ფიზიკური სამუშაოების ჩატარების უფლება. და ეს პირველ რიგში ძეგლთა დაცვის სააგენტომ უნდა გაითავისოს", - წერს არქეოლოგი.