ძლიერი წვიმის გამო "ჰით ბათუმი 2015"-ის ფარგლებში დაგეგმილი კონცერტი გადაიდო

ძლიერი წვიმის გამო "ჰით ბათუმი 2015"-ის ფარგლებში ბათუმის პიაცაზე დაგეგმილი კონცერტი გადაიდო. ამერიკელი მულტი-ინსტუმენტალისტი ედრიან ბელიუ მსმენელის წინაშე დღეს უნდა წარმდგარიყო , თუმცა უამინდობის გამო კონცერტი ხვალისთვის გადაიდო.

კონცერტის ორგანიზატორების ინფორმაციით, ედრიან ბელიუს კონცერტი ხვალ 20:00 საათზე ბათუმის ბულვარში მდებარე საზაფხულო თეატრში ჩატარდება.

უამინდობის გამო ბათუმში რამდენიმე ქუჩა დაიტბოდა. 26 მაისის, აღმაშენებლის, ლერმონტოვის, მელიქიშვილის, ბაგრატიონის ქუჩების ნაწილი დატბორილია. მოსახლეობის თქმით, ავტომობილებს გზებზე გადაადგილება უჭირთ და იქმნება საფრთხე პირველი სართულების დატბორვის.

გარდა ამისა, ბათუმში რამდენიმე უბანში ელექტოენერგია გაითიშა.