"თქვენი შემოსავლის მეასედი რომ მოგვცა, მართლაც არ ავყვებით პანიკას"- მოქალაქეების რეაქცია ღარიბაშვილის განცხადებაზე ლარის გაუფასურებასთან დაკავშირებით

პრემიერ-მინისტრი ირაკლი ღარიბაშვილი მიიჩნევს, რომ ლარის კურსთან დაკავშირებით ადგილი აქვს აბსოლუტურად გამოკვეთილ სპეკულაციას და აჟიოტაჟს. პრემიერმა დღეს მთავრობის სხდომიდან მოუწოდა ბიზნესმენებს და მოსახლეობას, ნუ აჰყვებიან მედიის და ექსპერტების მიერ შექმნილ ქაოსს და დაეყრდნონ მთავრობისა და ეროვნული ბანკის ოფიციალურ ინფორმაციას.

"მინდა ჩვენს მოქალაქეებს და ბიზნესმენებს ვუთხრა, ნუ აჰყვებიან მედიასაშუალებებს, მათ მიერ შექმნილ აჟიოტაჟს და ქაოსს და უპასუხისმგებლო ექსპერტებისა და პოლიტიკოსების გამონათქვამებს", - განაცხადა პრემიერ-მინისტრმა საკითხის კომენტირებისას.

ირაკლი ღარიბაშვილის ამ განცხადებას AMBEBI.GE-ზე ათობით კომენტარი მოჰყვა.

• სალაპარაკოდ ადვილია, მიტუმეტეს თქვენთვის. ბოლომდე გინდათ ხალხი მონებად აქციოთ, გაფრთხილდით!
• კიდევ გძინავთ, ხალხო ხომ? დაიძინეთ, შემოგევლეთ... ზღაპრების მომყოლი აგერ რა ლამაზად გვიყვება ზღაპრებს...
• ხელისუფლება სხვაგანაა, ხოლო ხალხი სხვა რეალობაში ცხოვრობს
• ერიჰააააააა!!! აბა ამასა ჰყოლია აი?!
• ჩემი ოჯახის ყველა წევრი თქვენი აქტიური მხარდამჭერი იყო, მტრის ენას არ ავდევ, ოღონდ მასწავლეთ გულის წამლები რომ გასამმაგდა რითი ვიყიდო, 3 თვეა სახლში ხორცი არ მიყიდია, და რა უთხრა შვილებს, ენებს ნუ ასდევთ მეთქი? სხვისი არ ვიცი, მაგრამ მე 55 წლის კაცი ვარ, ყველა ომი და უბედურება გამოვიარე, სხვასავით თბილი ქვეყნები და თბილი ადგილი არ მიძებნია, თქვენ ყველა იმედი და ოცნება წამართვით. არ გეგონოთ ვიმალები, ჯემალი ვათიაშვილი გორიდან.
• ხალხის ხელფასები მაინც გაუთანაბრეთ. დოლარის ცვლილებას მარტო ფასები და გადასახადები რომ იმატებს, რითი გადავიხადოთ და ვიყიდოთ?
• თუ ლარის კურსს სხვა აკონტროლებს, თუ საქართველოს საგარეო პოლიტიკას სხვა წარმართავს, თუ საქართველოში მიმდინარე პროცესებს სხვა მართავს და თქვენ ვერ აკონტროლებთ. მაშინ თუ, მართლა ეს ასეა, თქვენ რისთვის ხართ საჭირო. თქვენი შემოსავლის მეასედი რომ მოგვცა ბატონო პრემიერო, მართლაც არ ავყვებით პანიკას, მაგრამ 150 ლარიანი პენსიით და 300 ლარიანი ხელფასით ბიჭი ხარ და გაგებით მოეკიდე ყოველივე ამას.
• ვერ გავიგე, ბატონო ირაკლი, ეს სპეკულაცია ხალხის აჟიოტაჟმა გამოიწვია? თუ ასე არ არის, ვინც გამოიწვია, აგებინეთ პასუხი. მე რატომ მთხოვთ გაჩუმებას, როცა ბანკში შესატანი მაქვს სესხი?
• უბრალოდ უსინდისობაა მთავრობის ასეთი განცხადებები.
• ყველა მთავრობა როგორ გვეკაიფება? ლამის 3 ლარზე ავიდა დოლარი, ევროზე რომ არაფერი ვთქვათ. აბა ჩვენ გველანდება, ბატონ პრემიერო? ეს თქვენ ათიათასობით პრემიებზე არ აისახება, ახლა ჩვენ გვკითხეთ თვითან თვემდე თავი რომ ძლივს გაგვაქვს და ზაფხულში დასვენება რომ სახლში მოგვიწია.
• ამას დებილები ვგონივართ....

სტატიის ქვეშ, მკითხველის მიერ დატოვებული კომენტარების აბსოლუტური უმრავლესობა ღარიბაშვილის მიერ გაკეთებულ ამ განცხადებას ნეგატიურად აფასებს, თუმცა რამდენიმე კომენტარში პრემიერის მხარდამჭერი მკითხველიც გამოჩნდა.

• მეც ესე მიმაჩნია, რომ ხელოვნურად არის შექმნილი ეს პანიკა. ვინ აყვება, ის წააგებს!

• რომან გოცირიძეს მიხედეთ! ეგ არის "რუსთავი 2"-ის სპეც-კორესპოდენტი ლარის გაუფასურების ოპერაციაში. კუპონის შემდეგ რომ ყოფილი ეროვნული ბანკის მმართველი ხმას ამოიღებს, არ არის ცინიზმი?
• ლარის გაუფასურებაში ფინანსების რუხი კარდინალი და ძველი სავალუტო შულერი რომან გოცირიძე (თიკუნით "ალ-კუპონა") და "რ-2" აქტიურად მონაწილეობენ!