მნიშვნელოვანი ინფორმაცია
10
ივნისიდღის ზოგადი ასტროლოგიური პროგნოზი
სამშაბათი, მთვარის მეთხუთმეტე დღე დაიწყება 22:19-ზე, მთვარე მშვილდოსანშია – ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, შესაძლოა სამომავლოდ გამოგადგეთ. არ არის რეკომენდებული გამოიჩინოთ ამბიცია. გადაიტანოთ პასუხისმგებლობა სხვა ადამიანებზე. ჩაერთოთ ფინანსურ ოპერაციებში. მნიშვნელოვანი მოლაპარაკებების წარმოება. დღეს მოხმარებული პროდუქტები უნდა იყოს მაღალი ხარისხის და ახალი. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პრემიერი - ჩვენი საბოლოო მიზანია შევიმუშაოთ საუკეთესო, დახვეწილი, დემოკრატიულ ღირებულებებზე დაფუძნებული კონსტიტუცია
14:09 / 24-08-2015
ჩვენი საბოლოო მიზანია შევიმუშაოთ საუკეთესო, დახვეწილი, დემოკრატიულ ღირებულებებზე დაფუძნებული კონსტიტუცია, - ამის შესახებ საქართველოს პრემიერ-მინისტრმა, ირაკლი ღარიბაშვილმა პრეზიდენტის რეზიდენციაში, კონსტიტუციის დღისადმი მიძღვნის საზეიმო მიღებაზე სიტყვით გამოსვლისას განაცხადა. მისი თქმით, კონსტიტუციასთან დაკავშირებით საბოლოო გადაწყვეტილება არა თვითნებურად, არამედ საზოგადოების აქტიური ჩართულობით, ხალხთან დიალოგით იქნება მიღებული.
"მეამაყება, რომ ჩვენმა მთავრობამ უამრავი რამ გააკეთა იმ ინსტიტუტების გასაძლიერებლად, რომლებიც კონსტიტუციის დაცვას უზრუნველყოფენ, იქნება ეს პარლამენტი, პრეზიდენტის ინსტიტუტი, სასამართლო თუ მედია. ეს ის ინსტიტუტებია, რომლებიც სრულიად თავისუფალია ყოველგვარი ზეგავლენისგან. სამწუხაროდ, ჩვენ უკვე გამოვცადეთ თუ რა შეიძლება მოყვეს ხელისუფლების აღმასრულებელი შტოს კონტროლის მექანიზმების მოშლას. დღეს სასამართლო არის აბსოლუტურად თავისუფალი ზეწოლისგან, მედიის თავისუფლების ხარისხი კი ყოველწლიურად უფრო მაღალ შეფასებას იღებს საერთაშორისო საზოგადოებისგან. ჯერ კიდევ ბევრი გვაქვს გასაკეთებელი, რათა განვამტკიცოთ ჩვენი კონსტიტუცია, დავიცვათ კონსტიტუცია და ვუზრუნველვყოთ საქრთველოს ყველა მოქალაქის უფლებები. ჩვენი ხელისუფლების პირობებში ინტენსიური მუშაობა მიმდინარეობს კონსტიტუციაზე. ჩვენ აზრს ვეკითხებით ჩვენ ხალხს და ჩვენ უნდა ვკითხოთ აზრი ჩვენ მოქალაქეებს. საბოლოო გადაწყვეტილება არა თვითნებურად, არამედ საზოგადოების აქტიური ჩართულობით, ხალხთან დიალოგით უნდა მივიღოთ. ჩვენი საბოლოო მიზანია, შევიმუშაოთ საუკეთესო, დახვეწილი, დემოკრატიულ ღირებულებებზე დაფუძნებული კონსტიტუცია და ხელი შევუწყოთ ისეთი სახელმწიფოს, ისეთი საზოგადოების ჩამოყალიბებას, სადაც კანონის უზენაესობა ყველასთვის იქნება გარდაუვალი", - განაცხადა ღარიბაშვილმა.
მისივე თქმით, დღეს საქართველო დემოკრატიული განვითარების სრულიად ახალ ეტაპზეა და ერთპიროვნული გადაწყვეტილებები აღარ მიიღება.
"ჩვენ თავის დროზე მოგვეცა საუკეთესო შესაძლებლობა, რომ ჩვენი ქვეყნის განვითარების ერთ-ერთ მნიშვნელოვან ეტაპზე მთელი საზოგადოება ყოფილიყო ჩართული კონსტიტუციაზე, უმთავრეს დოკუმენტზე მუშაობაში და საერთო სახალხო თანხმობით გადაწყვეტილიყო საქართველოს დემოკრატიული განვითარებისთვის პრინციპულად მნიშვნელოვანი საკითხები. მაგრამ, სამწუხაროდ მაშინ ყველა გადაწყვეტილება იყო ერთპიროვნულად მიღებული და მაშინდელი კონსტიტუციაც ერთ კაცზე მორგებული. თუმცა, დღეს ჩვენი ქვეყანა დემოკრატიული განვითარების სრულიად ახალ ეტაპზეა. ჩვენი მიზანი არის ავაშენოთ ნამდვილად დემოკრატიული, პროგრესული, ძლიერი სახელმწიფო და შევქმნათ ისეთი ძირითადი კანონი, რომელიც ჩვენ ქვეყანას და ჩვენს ერს შეეფერება", - განაცხადა ღარიბაშვილმა.
მისივე თქმით, ეს თარიღი უაღრესად მნიშვნელოვანია თანამედროვე ქართული სახელმწიფოს ისტორიაში.
"20 წელი გავიდა რაც დამოუკიდებლობის აღდგენის შემდეგ მივიღეთ ჩვენი ქვეყნის ძირითადი კანონი, კონსტიტუცია. ამით ჩვენმა ქვეყანამ მნიშვნელოვანი ნაბიჯი გადადგა დემოკრატიული განვითარების გზაზე. კონსტიტუციის მიღებით მთელი საზოგადოება თანხმდება იმაზე, რომ ჩვენ უნდა ვიცხოვროთ ღირსეულად და ვთანხმდებით როგორ უნდა ავაშენოთ ჩვენი ქვეყნის ნათელი მომავალი. ჩვენი ქვეყნის კონსტიტუციია იქმნება ჩვენი ხალხის მონაწილეობით, ძირითად საკითხებზე საერთო შეთანხმებით. იგი ეკუთვნის მხოლოდ და მხოლოდ ხალხს, სახელმწიფოს. საზოგადოების განვითარება სწორედ იმით განისაზღვრება თუ რამდენად დემოკრატიულია ჩვენი ქვეყნის კონსტიტუცია და როგორ ვიცავთ მას მოქალაქეები და, პირველ რიგში, ჩვენი ხლეისუფლების უმაღლესი თანამდებობის პირები", - განაცხადა ღარიბაშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
