მნიშვნელოვანი ინფორმაცია
10
ივნისიდღის ზოგადი ასტროლოგიური პროგნოზი
სამშაბათი, მთვარის მეთხუთმეტე დღე დაიწყება 22:19-ზე, მთვარე მშვილდოსანშია – ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, შესაძლოა სამომავლოდ გამოგადგეთ. არ არის რეკომენდებული გამოიჩინოთ ამბიცია. გადაიტანოთ პასუხისმგებლობა სხვა ადამიანებზე. ჩაერთოთ ფინანსურ ოპერაციებში. მნიშვნელოვანი მოლაპარაკებების წარმოება. დღეს მოხმარებული პროდუქტები უნდა იყოს მაღალი ხარისხის და ახალი. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
კუსტარულად დამზადებული ხსნარის წარმოუდგენელი "რეცეპტი", რომელმაც რძალ-მული დაასახიჩრა - გუგა ქაშიბაძე გაუგონარ შემთხვევებზე საუბრობს
06:36 / 24-08-2015
თავგადასავლების მოყვარული ქართველი ქალბატონები როგორც ჩანს, ვერ მშვიდდებიან და სხეულის დაზიანების ახალ-ახალ გზას ეძებენ... დიახ, ლეღვის ფოთლის ნახარშის შემდეგ თუ რამე გამაკვირვებდა, არ მეგონა, მაგრამ გასულ კვირას საოცარი რამ გამოუგონიათ და სხვადასხვა ინგრედიენტის გამოყენებით მიღებული სპეციალური მასა, გარუჯვის მიზნით, სხეულზე წაუსვამთ, რამაც კანის სერიოზული დაზიანება გამოიწვია და როგორც წესი, დამწვრობის ცენტრში მოხვდნენ...
ეს ორი ტრავმირებული ქალბატონი, რძალ-მული გახლავთ, რომლებმაც უამრავი დასახიჩრებული პაციენტის მნახევლი და მკურნალი, დამწვრობის ცენტრის ხელმძღვანელი, პლასტიკური ქირურგი - გუგა ქაშიბაძეც გააოცეს.
მან საკუთარი ემოციები ასე გაგვიზიარა:
- რძალ-მულმა სპეციალური რეცეპტით, კუსტარულად დაამზადეს ხსნარი, რომელსაც საოცარი დანამატები ჰქონდა: მარილი, წიწაკა, საჭმელი სოდა, იოდი, კოკა-კოლა, ლუდი და ბოლომდე ვერ ჩამოვთვლი, კიდევ ვინმემ არ გაიმეოროს. თვითონ რეცეპტი რომ წავიკითხე, - ხურდა, ლამის ქაღალდიც კი იწვოდა... მოკლედ, ის ყველაფერი ერთამანეთში აურიეს, წაისვეს და მდგომარეობის გართულების შემდეგ, ერთი დღის შუალედით მოგვმართეს - ჯერ მული მოიყვანეს და მერე - რძალი.
- რა ხდება, თვითმკვლელები არიან? საერთოდ, ფსიქიკურად რა კატეგორიას განეკუთვნებიან ასეთი ადამიანები?
- ეს რძალ-მული ჩვეულებრივად ადეკვატურები არიან, უბრალოდ, ახლა დათრგუნვილები და დარცხვენილები არიან, რადგანაც მიხვდნენ, რა სისულელეც ჩაიდინეს. მაინცდამაინც ხალისით არ ჰყვებიან ამ თავგადასავალზე და ამის გამო ჩაკეტილებიც არიან.
- თბილისში მოხდა ეს ფაქტი?
- არა, ერთ-ერთ რეგიონში.
- რომელი ხარისხის დამწვრობა აქვთ?
- მეორე-მესამე ხარისხის დაზიანებაა: ერთს სხეულის დაზიანება 25 პროცენტი აღენიშნება, მეორეს - 40 პროცენტი. ტრავმირებული აქვთ ქვემო, ზემო კიდურები და გულმკერდის არე...
- მკურნალობის კურსს ექვემდებარება მათი დამწვრობა?
- თავიდან ბოლომდე დაექვემდებარა. სტაციონალური მკურნალობა დასჭირდათ - გადასხმებით, ანალიზებით, შეხვევებით, ექსპერტით ა.შ. ორივე შემოვიდა კანის მთლიანობის დარღვევით, შეკანკალებით და მაღალი ტემპერატურით.
- ე.ი. დამწვრობიდან მეორე დღეს მოგმართეს.
- კი, რაღაც პერიოდი სახლში თვითონ ისვამდნენ რაღაც კუსტარულ საშუალებებს.
- კიდევ სხეულის დაზიანების რა უცნაური ფორმით მიგიღიათ პაციენტი?
- ნამზეურის მიღებისას დამწვარან მაგალითად, მაიონეზით, კარაქი, მანქანის ზეთითაც. მაგრამ ყველაზე უცნაური ის არის, მერე პირველადი დახმარების სახით ამ დამწვრობაზე რას არ ისხამენ და ისვამენ, მაგალითად, შარდს, ხშირად, საჭმლის სოდას, რაც უარესად ამწვავებს დაზიანებას, აინფიცირებს. არადა, სულ ამას ვამბობ, რომ აფთიაქში უამრავი ლიცენზირებული საშუალება არსებობს, იყიდება, სახელწოდებებს ვერ დავასახელებ, ეს რეკლამა იქნება, თუმცა მერწმუნეთ, მართლა ბევრი და საუკეთესო წამალი არსებობს.
- გარდა დამწვრობისა, ზამთარში თქვენთან მოყინული პაციენტებიც ხვდებიან...
- ჩვენთან ხვდებიან ზოგადად, დამწვრები, ელექტროტრავმებით და მოყინულები.
მახსენდება ერთი სამი წლის ბავშვი, რომელიც ჩვენთან ამბულატორიულად მკურნალობდა და იმ პერიოდის მანძილზე მეორედ დაიწვა და თანაც ისე, რომ საავადმყოფოში მოვათავსეთ. არადა, თითქმის მორჩენილი იყო და ხელახლა დაეწვათ.
სამ წლმადე ბავშვები სხეულის ისეთ ტრავმებს იღებენ, რაც საყოფაცხოვრებოა: ეს არის ცხელი წყლის გადასხმა, ასევე ქათმისა და სარეცხის ნახარში წყალი, მადუღარაში მოთავსებული ცხელი სითხე.
მოზრდილები კი ადვილად აალებადი საგნებით იწვებიან - ბენზინი, გაზი ნავთი ა.შ. მოყინვის შემთხვევები იშვიათია. ძირითადად ამ ფორმის დაზიანებებს მონადირეები და ალპინისტები იღებენ, ასევე მთაში ჩარჩენილები, ესეც იშვიათობაა, მაგრამ ასეთი პაციენტებიც გვყავს.
- მგონი, უცნაურ ტრავმებში მაინც რეკორდი ლეღვის ფოთლების ნახარშით მიღებულმა დამწვრობამ "მოხსნა".
- მარლაც რომ ასეა, ოღონდ, სამარცხვინო რეკორდი. ლეღვი ხილად მიირთვით, ძმარი და მარილი სალათას უხდება, ლუდი კი დალიეთ, ძალიან გთხოვთ.
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
