ყურო - მშრალი უთოვლო მწვერვალი, რომელიც კლდის მასის ხშირი ჩამონგრევით ყაზბეგში სერიოზულ საფრთხეზ ქმნის
ყურო მწვერვალია კავკასიონის მთავარი წყალგამყოფი ქედის სუბმერიდიანულ განშტოებაზე, მდინარეების თერგისა და ხდის წყალგამყოფ ყუროს ქედზე. ის წარმოადგენს ყუროს ქედის ყველაზე მაღალი მწვერვალს სიმაღლით 4041 მეტრს. მწვერვალის სახელწოდება თურქული წარმოშობისაა და ითარგმნება როგორც "მშრალი უთოვლო მწვერვალი".
ყუროს მწვერვალს ერთი დამახასიათებელი თვსება აქვს - ხშირია კლდის მასის ჩამონგრევა. ეს პროცესი არ დაწყებულა რამდენიმე დღის წინ და კლდის მასა თითქმის უკვე რამდენიმე ასეული წელია იშლება. თუმცა ადგილობრივი მოსახლეობა ამბობს, რომ ბოლო პერიოდში ყუროს ჩამოშლის ინტენსივობამ მოიმატა. ნაწილს უჭირს კლდის ჩამოშლის მატების რაიმე მოვლენასთან ან ფაქტთან დაკავშირება. მოსახლეობის ნაწილი კი ამბობს, რომ კლდის მასის ჩამოშლის მატება მდინარე თერგზე ჰესის მშენებლობის გამო ხდება.
ყაზბეგის მუნიციპალიტეტის გამგებელი გივი ქილიკაშვილი AMBEBI.GE-სთან საუბარში აცხადებს, რომ ყუროს ჩამოშლას არანაირი კავშირი არ აქვს ჰესის მშენებლობასთან.
"ყოველთვის ხდება მთის შლა. რატომ მოხდა დღეს ამ თემის წამოწევა არ მესმის. არის რომ ზოგჯერ კვირაში რამდენჯერმე ხდება ყუროს ჩამოშლა. ხშირია კლდის შლა ასევე წვიმის პერიოდშიც. რაც შეეხება ჰესის ზეგავლენას მთის შლაზე არანაირი გავლენა არ აქვს. არც მოსახლეობისთვის არაა საფრთხის შემცველი."
საზოგადოებრივი მოძრაობა "მწვანე მუშტი" გარემოსდაცვით საკითხებზე მუშაობს. "მწვანე მუშტში" მიიჩნევენ, რომ ყუროს მთის ჩამოშლასთან ჰესის მშენებლობა არანაირ კავშირში არ არის, თუმცა კლდის მასის ჩამოშლამ შესაძლოა სერიოზული საფრთხე შეუქმნას თავად ჰესს.
"ერთი თვის წინ "მწვანე მუშტის" გვერდზე ლაპარაკი გვქონდა დარიალი ჰესის წყალამღები ნაგებობის თაობაზე, რომელიც აშენებულია მდ. თერგზე, იქ სადაც თერგს უერთდება ორი მყინვარული მდინარე: ყურო და ჩხერე. გაზაფხულობით, როგორც წესი ეს ორი მდინარე ხასიათდება ღვარცოფებით. მდ. ყურო ცნობილია თავისი მოვარდნებით, ამ მდინარის უკანასკნელმა მოვარდნამ რამდეიმე თვის წინ დააზიანა დარიალჰესის წყალამღები ნაგებობის დამხმარე ნაგებობები.
ამ ფოტოზე ასახულია მდ. ყუროს ხეობაში ჩამოშლილი კლდოვანი მასა, მსგავის პროცესები ათასწლეულებია მიმდინარეობს, თუმცა არც ენერგეტიკის სამინისტრომ, არც გარემოს დაცვის სამინისტრომ და არც თავად ინვესტორმა ჰესის დაგეგმვა-მშენებობისას ეს ასპექტები არ გაითვალისწინეს. დღეს დიდი ნალექის შემთხვევაში არსებობს მდინარის მიერ მთელი ამ კლდოვანი მასის წამოიღების საფრთხე, რაც გამოიწვევს ჰესის წყალამღები ნაგებობის დაზიანებას, უარეს შემთხვევაში სტიქიამ შესაძლოა ადგილობრივ მოსახლეობას შეუქმნას საფრთხე."-აცხადებენ საზოგადოებრივ მოძრაობაში.
გარკვეულწილად იზიარებს და ემხრობა "მწვანე მუშტის" პოზიციას დედამიწის შემსწავლელ მეცნიერებათა ინსტიტუტის გეოგრაფიის დეპარტამენტის უფროსი ლაშა სუხიშვილი.
"კლდის ჩამოშლა ამ მთისთვის ჩვეულებრივი მოვლენაა. კლდის ეროზია და ღვარცოფები ჰესის მშენებლობამდე ათასი წლით ადრეც ხდებოდა, შესაბამისად, ჰესს ამ მთის ჩამოშლაზე არანაირი გავლენა არ აქვს, თუმცა კლდემ შესაძლოა საფრთხე შეუქმნას თავად ჰესს."
ჯონი პატარკაციშვილი
AMBEBI.GE
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
