სამეგრელო ზემო-სვანეთის გუბერნატორი ე.წ. კანონიერ ქურდ "თემო სოხუმსკის" მფარველობს?
ორგანიზაცია "თავისუფლებისა და მხარდაჭერის ცენტრი" სამეგრელო ზემო-სვანეთის გუბერნატორ ლევან შონიას ე.წ. კანონიერი ქურდის თემურ გვასალიას იგივე "თემო სოხუმსკის" მფარველობაში ადანაშაულებს. თავდაცვის ყოფილი მინისტრის ბაჩო ახალაიას ორგანიზაციის წევრები ასევე განმარტავენ, რომ სხვადასხვა ბრალდებებით დაკავებული ე.წ. კანონიერი ქურდი გასულ კვირაში ზუგდიდის რაიონულმა სასამართლომ პროკურატურის შუამდგომლობის საფუძველზე გაათავისუფლა, რაშიც ჩართული იყო გუბერნატორი, რომელსაც თემურ გვასალიამ სოლიდური თანხა გადაუხადა დახმარების მიზნით.
გარდა ამისა, ცენტრში განმარტავენ, რომ გუბერნატორს გარკვეული ბიზნეს საქმიანობები აქვს ოკუპირებულ რეგიონში და "ურთიერთობების დაძაბვაც ამ მოტივით ქურდულ სამყაროსთან არ აწყობდა". ცენტრის ბრალდებებს სიცრუე უწოდეს სამეგრელო ზემო-სვანეთის სამხარეო ადმინისტრაციაში და საპასუხო კომენტარის გაკეთება არ ისურვეს. ზუგდიდის რაიონულმა სასამართლომ გასულ კვირაში დაადგინა გამამართლებელი განაჩენი ე.წ. კანონიერი ქურდის, თემურ გვასალიას, იგივე "თემო სოხუმსკის" მიმართ.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
