მოკლული ტრანსგენდერის საბი ბერიანის დედა სასამართლოსგან განმარტებას ითხოვს

2014 წლის 11 ნოემბერს მოკლული ტრანსგენდერი ქალის საბი ბერიანის დედა თამარ ძამუკაშვილი სასამართლოს მიმართავს და განმარტებას ითხოვს, რატომ ცნო მოსამართლემ მისი შვილის მკვლელობაში ბრალდებული ლევან კოჭლოშვილი უდანაშაულოდ მკვლელობის ნაწილში და დამნაშავედ - მისი შვილის სახლში ხანძრის გაჩენაში.

"თბილისის საქალაქო სასამართლოს განაჩენი უსამართლოა. პროკურატურის მასალებით დასტურდება, რომ ლევან კოჭლოშვილმა მოკლა ჩემი შვილი იმიტომ, რომ ის ტრანსგენდერი იყო. ვაპირებ დღეს შევხვდე პროკურორს, რომელმაც მითხრა, რომ სასამართლოს გადაწყვეტილებას აუცილებლად გაასაჩივრებს სააპელაციო სასამართლოში. მე ვფიქრობ, რომ მოსამართლემ ქრთამი აიღო და ასეთი გადაწყვეტილება ამიტომ მიიღო", - განუცხადა თამარ ძამუკაშვილმა კახეთის საინფორმაციო ცენტრს.

წყარო: ick.ge

კახეთის საინფორმაციო ცენტრი