მნიშვნელოვანი ინფორმაცია
10
ივნისიდღის ზოგადი ასტროლოგიური პროგნოზი
სამშაბათი, მთვარის მეთხუთმეტე დღე დაიწყება 22:19-ზე, მთვარე მშვილდოსანშია – ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, შესაძლოა სამომავლოდ გამოგადგეთ. არ არის რეკომენდებული გამოიჩინოთ ამბიცია. გადაიტანოთ პასუხისმგებლობა სხვა ადამიანებზე. ჩაერთოთ ფინანსურ ოპერაციებში. მნიშვნელოვანი მოლაპარაკებების წარმოება. დღეს მოხმარებული პროდუქტები უნდა იყოს მაღალი ხარისხის და ახალი. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დინამო არენა" 20 მლნ-იანი რეაბილიტაციის შემდეგ - როგორ გამოიყურება სტადიონი, სადაც ხვალ მსოფლიო დონის მატჩი გაიმართება
11:32 / 10-08-2015
თბილისის მერმა დავით ნარმანიამ განახლებული "დინამო არენა" დაათვალიერა. როგორც "ინტერპრესნიუსს" თბილისის მერიიდან აცნობეს, სტადიონის სარეაბილიტაციო სამუშაოებისთვის დედაქალაქის ბიუჯეტიდან 20 მილიონი ლარი დაიხარჯა.
თბილისის მერიის სსიპ "ტექნოლოგიური განვითარების ფონდის" მიერ შემუშავებული პროექტებით, სტადიონზე სრულად შეიცვალა ტურნიკეტების, ტაბლოს, განათების, გახმოვანების სისტემები, პლასტმასის სკამები და ჩატარდა სხვადასხვა სახის სარემონტო სამუშაოები.
"დინამო არენაზე" გარემონტდა და კეთილმოეწყო მატჩზე უეფა-ს წარმომადგენელთათვის განკუთვნილი 3 ოფისი, განახლდა მატჩის მონაწილეთა გასახდელები, დოპინგ-კონტროლისთვის განკუთვნილი ოთახები და 52 ე.წ. "სკაი-ბოქსი" (პრივატული ლოჟა). სტადიონზე დამონტაჟდა შშმ პირებისთვის განკუთვნილი ლიფტი, ასევე პანდუსი და გაკეთდა სკამები მათი თანმხლები პირებისთვის. განახლების შემდეგ "დინამო არენა" ისეა ადაპტირებული შშმ პირებისთვის, რომ მას რეგიონში ანალოგი არ ჰყავს.
თბილისის მერის დავით ნარმანიას განცხდებით, სახელმწიფო კომისიის გადაწყვეტილების საფუძველზე, "დინამო არენაზე" ყველანაირი კეთილმოწყობის სამუშაოები განხორციელდა. მისივე თქმით, სტადიონი მომავალში თანამედროვე, განახლებული ფორმით გააგრძელებს ფუნქციონირებას და სხვადასხვა მატჩის მასპინძლობას.
"მიმდინარე წლის იანვრიდან გავაკეთეთ როგორც სტადიონის კონსტრუქციული მდგრადობის სამუშაოები, ასევე მთლიანად გამოიცვალა და გაკეთდა ახალი განათების, გახმოვანების სისტემა, გაკეთდა უახლესი ტექნოლოგიით აღჭურვილი IT სისტემა იმისათვის, რომ თანამედროვე გადაცემის საშუალებებით მუშაობა იყოს შესაძლებელი. სტადიონზე ასევე გავითვალისწინეთ ის ელემენტები, რაც ადრე არ იყო. პირველ რიგში, ეს არის სტადიონის ადაპტაცია შშმ პირებისთვის. ასევე გავაკეთეთ სპეციალური სტუმრებისთვის ცალკე მისაღები ზონა, გაკეთდა თანამედროვე ტრიბუნა მედიისთვის, სადაც აკრედიტებული მედია საშუალებები მოხვდებიან. ასევე კომისიის ბოლო გადაწყვეტილების საფუძველზე, დავასრულეთ სტადიონის ფასადის სამუშაოები, რაც ძალიან ლამაზი გამოვიდა და კარგად ჯდება ამ უბნის განაშენიანების ნაწილში. აქედან გამომდინარე, მთლიანად პასუხობს დღეს სტადიონი უეფა-ს თანამედროვე მოთხოვნებს და სტანდარტებს. მიხარია, რომ უეფა-ს წარმომადგენლების მხრიდან საკმაოდ პოზიტიური შეფასებები გაკეთდა სტადიონთან მიმართებით და ის სამუშაოები, რაც ჩვენ შევასრულეთ, ხარისხიანადაა გაკეთებული. მომავალში ძალიან ბევრი თამაშის მასპინძლობას შევძლებთ ამ სტადიონზე. მიხარია, რომ სწორედ ჩვენი მმართველობის პერიოდში მოვახერხეთ ის, რომ საკმაოდ მოცულობითი ინვესტიცია ჩაიდო და ამ ინვესტიციის ფარგლებში ჩვენ აბსოლუტურად განახლებული სტადიონი გვაქვს თავისი ისტორიული ღირებულების შენარჩუნებით", - განაცხადა ნარმანიამ.
თბილისის მერიის ინფორმაციით, სტადიონის რეაბილიტაციის პროცესში, ასევე, სრულად გამოიცვალა პლასტმასის სკამები. "დინამო არენაზე" დამონტაჟდა იტალიური კომპანია OMSI-ის მიერ მოწოდებული პლასტმასის სკამები, მოწვეული (5000) და VIP-ლოჟის (500) სტუმრებისთვის ესპანური კომპანიის "DAPLAST"-ის მიერ დამზადებული სკამები (სულ 53000) გაკეთდა. ბეჭდური მედიის წარმომადგენლებისთვის ჩვეულ ადგილზე მოეწყო 130 პერსონაზე განკუთვნილი გადახურული მედია-ზონა, ხოლო ტელე და რადიო-კომენტატორებისთვის მეორე იარუსზე 80 მაგიდა განთავსდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
