მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დაავადებები, რომლებსაც დაუბანლობა იწვევს - დაავადებათა კონტროლის ეროვნულ ცენტრის გაფრთხილება
01:34 / 10-08-2015
უხერხულია, რომ XXI საუკუნეში ამ თემაზე გვიწევს საუბარი, თუმცა ფაქტია, რომ ჩვენს ქვეყანაში დაუბანლობის პრობლემა ნამდვილად დგას და ზაფხულში, სიცხის მატებასთან ერთად დაუბანელი ადამიანების უსიამოვნო სუნი აშკარად შესამჩნევი ხდება. შექმნილი სიტუაცია ხალხმრავალ ადგილებში, განსაკუთრებით კი საზაოგადოებრივ ტრანსპორტში შემაწუხებელია.
AMBEBI.GE დაინერესდა, აწუხებთ თუ არა ზაფხულის ცხელ დღეებში თბილისელებს დაუბანლობით გამოწვეული უსიამოვნო სუნი და რა დაავადებები შეიძლება გამოიწვიოს დაუბანლობამ.
გამოკითხულთა უმრავლესობა ამბობს, რომ საზოგადოებრივ ტრანსპორტში კონდიცირების პრობლემაზე მეტად დაუბანელი ადამიანების უსიამოვნო სუნი აწუხებთ.
"არ ვიცი, ეს რას უნდა დავაბრალო, უკულტურობაა და მეტი არაფერი. ავტობუსში რომ ავდივარ, წინასწარ ვემზადები ფსიქოლოგიურად; ვიცი, რომ იქ საშინელება დამხვდება და უნდა გავუძლო. ძალიან მიკვირს, თვითონ მაინც არ წუხდებიან?!"
"უკულტურო ერი ვართ და მაგის ბრალია. ბანკში პენსიის ასაღებად ვიყავი, ისეთი სუნი იყო, რიგში დგომას ვერ გავუძელი და წამოვედი. წყალი მაინც ხომ არსებობს, ადექი და დაიბანე. დავიჯერო, რთულია?! ისედაც ვეღარ ვუძლებთ მაღალ ტემპერატურას და კიდევ ამათი სუნი უნდა ავიტანო?!"
დაავადებათა კონტროლის ეროვნულ ცენტრში ამბობენ, რომ ჰიგიენის წესების დაუცველობა სერიოზული პრობლემაა, რომელიც შესაძლოა სერიოზული დაავადების განმაპირობებელი გახდეს.
"ჰიგიენა ჩვენი მოსახლეობის დიდი ნაწილისთვის სერიოზული პრობლემაა. ბევრმა არც კი იცის, რომ სერიოზული დაავადებები სწორედ დაუბანლობით ჩნდება. ზაფხულში ორგანიზმიდან დიდი რაოდენობით ოფლის გამოყოფა ხდება. ოფლი ეს არის სითხე, რომელიც შედგება წყლისგან, ცოტაოდენი შარდოვანასგან, მარილებისგან, ცხიმებისგან და სხვა ორგანული ნივთიერებებისგან. ზრდასრული ადამიანის ორგანიზმიდან დღე-ღამის განმავლობაში 1000-2000 გრამი ოფლი გამოიყოფა. ოფლის გამოყოფა აუცილებელია ტემპერატურის შესანარჩუნებლად, თუმცა დაუბანლობა შესაძლოა სხვადასხვა დაავადებების გამომწვევი გახდეს. როგორიცაა: კანის დაავადებები, გამონაყარი, ბაქტერიული დაავადებები, საშარდე მილების ანთება და ა.შ.
ადამიანმა ყოველ დღე უნდა იბანაოს, ეს ელემენტარული ნორმაა. ყველამ კარგად ვიცით, რომ ხელების დაუბანლობამ შესაძლოა, ძალიან ბევრი ინფექციური დაავადება გამოიწვიოს, როგორც ბაქტერიული, ასევე ვირუსული.
ხშირად მოსულა ჩვენთან პაციენტი, როცა გვითქვამს, რომ ამას ელემენტარული დაბანა შველის, ნაწყენი წასულა. გაგიკვირდებათ, მაგრამ ხშირად გვეუბნებიან, რომ კვირაში ერთხელ იბანენ და ეს ნორმალური ჰგონიათ. კიდევ ერთი, არაფრით არ შეიძლება სუნამოს გამოყენება დაუბანელ სხეულზე, სუნის ერთმანეთთან შერევა უარესია. ერთადერთი ჩვენი მთავარი რეკომენდაცია ბანაობაა",- აცხადებენ დაავადებათა კონტროლის ეროვნულ ცენტრში.
ფსიქოლოგი მაია ნემსაძე მიიჩნევს, რომ როცა ადამიანს სუნი ასდის, ეს უთავმოყვარეობაა და მეტი არაფერი:
"როგორ შეიძლება კულტურულმა ადამიანმა ყოველდღე არ იბანაოს?! თუ არასასიამოვნო სუნმა შეგაწუხათ, ნუ მოგერიდებათ და მიუთითეთ, რომ საკუთარი თავის მოვლა მნიშვნელოვანია".
დერმატოლოგები თავის მოვლის უამრავ საშუალებას გვთავაზობენ, რომლებიც უსიამოვნო სუნს აქრობს, თუმცა სუნის გაქრობის უმთავრესი საშუალება ბანაობაა.
თიკო გურაშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
