უეფა-ს სუპერთასის მატჩის წინ, რომელშიც ერთმანეთს "ბარსელონა" და "სევილია" დაუპირისპირდებიან, რამდენიმე დეტალი ხდება ცნობილი.
როგორც "ინტერპრესნიუსს" სფფ-ს საშეჯიბრო განყოფილების უფროსმა, დიმიტრი ბოკერიამ განუცხადა, "სევილია" საქართველოში 9 აგვისტოს ჩამოფრინდება, ხოლო "ბარსელონა" - 10 აგვისტოს. ორივე გუნდი თბილისში ჩარტერულ რეისით ჩამოვა.
"ბარსელონა" სასტუმრო "თბილისი მარიოტში" ბინავდება. ბოკერიას თქმით, ჩემპიონთა ლიგის მოქმედმა გამარჯვებულმა სასტუმრო თითქმის სრულად დაჯავშნა.
"ბარსელონა თამაშამდე გამართავს ორ ვარჯიშს-10 აგვისტოს, "დინამო არენაზე" საღამოს 9 საათზე, ხოლო 11-ში მიხეილ მესხის სახელობის სტადიონზე. ეს არის ძირითადი გრაფიკი. დამატებით, რაიმე ექსკურსიები არ იგეგმება. მხოლოდ სპორტული პროგრამაა, რადგან სერიოზულად ემზადებიან მატჩისთვის", - განაცხადა ბოკერიამ.
