ვარძიის კომპლექსში თვალსაჩინო დაზიანებები არ არის. ამის შესახებ კულტურული მემკვიდრეობის ეროვნული სააგენტოს პიარის სამსახურმა განაცხადა.
მათივე ინფორმაციით, 3 ბალიანი მიწისძვრები აღნიშნული ტერიტორიიისთვის ხშირად არის დამახასითებელი. ამიტომ ახალი და განსაკუთრებული ზიანი ამ მიწისძვრას არ მოუტანია:" საქართველოში, სამცხე-ჯავახეთისა და რაჭის რეგიონი სეისმურად საშიში რეგიონია. მიწისძვრები ვარძიისთვის არახალია. რაც შეეხება თვითონ ვარძიის მდგომარეობას, ან დაზიანებების ხარისხს, ამ მიწისძვრის შედეგად, ვარძიის კომპლექსში არანაირი თვალსაჩინო დაზიანება არ არის" - აცხადებენ კულტურული მემკვიდრეობის ეროვნული სააგენტოს პიარის სამსახურში.
საქართვველოში დღეს 3.4 მაგნიტუდის მიწისძვრა მოხდა. სეისმოლოგიური სამსახურის ოფიციალურ ვებგვერდზე გამოქვეყნებული ინფორმაციის მიხედვით, ეპიცენტრი ვარძიის სამონასტრო კომპლექსთან ახლოს დაფიქსირდა.
თამარ კორკოტაშვილი
AMBEBI.GE
