თემქაზე ერთმანეთს სამი ავტომობილი შეეჯახა, გარდაცვლილია ორი ადამიანი

ავტოავარია თბილისში მსხვერპლით დასრულდა. თემქაზე ერთმანეთს სამი ავტომობილი შეეჯახა. ავარიის შედეგად დაიღუპა ორი ადამიანი, ოთხი კი - დაშავდა.

ამასთან, არსებული ინფორმაციით, დაშავებულთა შორის არის ორსული ქალიც. როგორც "ინტერპრესნიუსს" სასწრაფო დახმარების სამსახურში განუცხადეს, დაშავებულები საავადმყოფოებში არიან გადაყვანილი.