თალიბების ლიდერი მულა მუჰამედ ომარი გარდაიცვალა

ავღანეთში თალიბების ლიდერი, მულა მუჰამედ ომარი გარდაიცვალა. ამის შესახებ "ბიბისის" ცნობით, ავღანეთის მთავრობის წარმომადგენლები იტყობინებიან.

თუმცა, თავად თალიბებს ამის შესახებ ინფორმაცია ჯერ არ დაუდასტურებიათ. "თალიბანის" პრესსამსახური იტყობინება, რომ განცხადებას ისინი უახლოეს მომავალში გააკეთებენ. მულა ომარის გარდაცვალების შესახებ ინფორმაცია ადრეც არაერთხელ გავრცელებულა. იგი "თალიბანს" 1996 წლიდან უდგას სათავეში.

"ინტერპრესნიუსი"