მნიშვნელოვანი ინფორმაცია
11
ივნისიდღის ზოგადი ასტროლოგიური პროგნოზი
მთვარის მეთექვსმეტე დღე დაიწყება 23:24-ზე, მთვარე მშვილდოსანშია – შეინარჩუნეთ ბალანსი. კარგია ვარჯიში. სასარგებლოა ყველაფრის გაწმენდა, მოწესრიგება. დაასრულეთ დაუსრულებელი დავალებები. კარგია მიღწეული პოზიციების გაძლიერება. უფროსებმა არ მოსთხოვოთ ზედმეტ მიღწევები ქვეშევრდომებს. გადადეთ სერიოზული საქმეები. მოერიდეთ აურზაურსა და სტრესს. ყურადღება მიაქციეთ თქვენი სამუშაო ადგილის კომფორტულ მოწყობას. დაკავდით შემოქმედებით, მუსიკით და პოეზიით. არ არის რეკომენდებული ცხოველური საკვების, სოკოსა და პარკოსნების მიღება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"დევნილებს ატყუებენ, რომ გარკვეული თანხის სანაცვლოდ ბინებს მისცემენ" – თაღლითები ბინების მომლოდინე დევნილებს ფულს მოტყუებით სძალავენ
01:56 / 28-07-2015
ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა მინისტრის, სოზარ სუბარის თქმით, მას შემდეგ, რაც პრემიერ-მინისტრმა გააკეთა განცხადება, რომ თბილისის ზღვაზე 600-მდე დევნილს ბინა გადაეცემა, თბილისში თაღლითები გააქტიურდნენ. თაღლითები დევნილებს ატყუებენ, რომ გარკვეული თანხის სანაცვლოდ ბინებს მისცემენ.
უფრო დეტალურად ამ საკითხზე AMBEBI.GE ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს აუდიტის დეპარტამენტის უფროსს ზვიად ლათიბაშვილის ესაუბრა.
-არსებობენ პიროვნებები, რომლებიც დევნილებს ატყუებენ, ვითომ სამინისტროს მაღალჩინოსნებს ან მინისტრს პირადად იცნობენ და "საქმის მოგვარებას" პირდებიან, რაც იმას ნიშნავს, რომ დაბალ ფასად ბინებს სთავაზობენ და მოტყუებით გარკვეულ თანხებს სძალავენ.
-რამდენი ასეთი ფაქტია გამოვლენილი?
-სულ სამი ასეთი ფაქტი გამოვავლინეთ. 2014 წლის დეკემბერში უშუალოდ ჩვენს მიერ გამოვლინდა ასეთი ფაქტი და შინაგან საქმეთა სამინისტროსთან ერთად დავაკავეთ ერთი პიროვნება, რომელიც დევნილებს ბინის გადაცემას 1500 დოლარად ჰპირდებოდა და ეუბნებოდა, რომ კავშირი ჰქონდა სამინისტროს მაღალჩინოსნებთან, ამ დროს მას სამინისტროსთან არანაირი კავშირი არ ჰქონია.
მეორე ფაქტი იყო ისევ 2014 წელს, ქვემო ქართლში ჩვენივე თანამშრომელი დავაკავეთ, რომელიც დევნილს ფულს სძალავდა. ის კაცი ახლაც სასჯელს იხდის. დაახლოებით ორი კვირის წინ, ზუგდიდში დავაკავეთ პიროვნება, რომელიც დევნილს "სოფლად სახლის შესყიდვის" პროექტში დახმარებას ჰპირდებოდა და მოტყუებით სძალავდა 2000 ლარს, პირი თანხის გადაცემის დროს დავაკავეთ.
-შეიძლება ითქვას, რომ ეს ახალი ამბავი არ არის და უკვე წლებია ხდება?
-ჩვენი ამ სამინისტროში მუშაობის პერიოდში უშუალოდ ჩვენი ჩარევით ორ წელში სამი ფაქტი გამოვლინდა.
-ეს თაღლითები ჩვეულებრივი მოქალაქეები არიან თუ თავადაც დევნილები არიან?
-სამი დაკავებულიდან ორი დევნილი იყო და სწორედ ისინი ატყუებენ დევნილებს, რომ ბინის მიცემაში დაეხმარებიან.
-როგორ ხდება დევნილებისთვის ბინის გადაცემა?
-დევნილებისთვის ბინის გადაცემა გარკვეული კრიტერიუმების შეფასების შემდგომ ხდება. დევნილი მინისტრის 304-ე ბრძანების მიხედვით გათვალისწინებული კრიტერიუმებით ფასდება. პირველ რიგში, ბინა გადაეცემა პიროვნებას, რომელიც სოციალურად დაუცველია და მაღალი ქულა აქვს. ის შეიძლება იყოს მრავალშვილიანი, ან ოჯახის წევრი ომში გარდაცვლილი ჰყავდეს, ანუ პირველ ეტაპზე ბინა ყველაზე გაჭირვებულ ფენას გადაეცემა და შემდგომ ქვედა ზღვარის დაკმაყოფილება ქულების მიხედვით ხდება.
-დევნილებისთვის ბინის გადაცემის გადაწყვეტილებას ვინ იღებს?
-დევნილებისთვის ბინის გადაცემის გადაწყვეტილებას იღებს კომისია, რომელიც დაკომპლექტებულია არა მარტო სამინისტროს თანამშრომლებით, არამედ კომისიაში შედის რამდენიმე არასამთავრობო ორგანზიაცია, როგორც საქართველოდან, ისე საერთაშორისო ორგანიზაციები. ფიზიკურად შეუძლებელია რაიმე დახმარების გაცემა იმიტომ, რომ გადაწყვეტილება ერთპიროვნულად არ მიიღება და ყველას თანაბარი ხმის უფლება აქვს. ჩვენამდე ინფორმაცია არ მოსულა, თუმცა ჭორის დონეზე დადის, რომ ვიღაცამ თაღლითს ბინისთვის ფული გადაუხადა, შემდეგ ის დაიმალა, მაგრამ მსგავსი საჩივრით ჩვენთან არავინ მოსულა.
მინდა აქვე დავამატო, რომ თბილისში დევნილებს ბინებს გადავცემთ და გვინდა მათ მოვუწოდოთ, რომ თაღლითების მახეში ნუ გაებმევიან, გამორიცხულია ვინმემ მსგავსი დახმარება გაუწიოს, მსგავსი ფაქტის დაფიქსირების შემთხვევაში ან სამინისტროს მომართონ, ან ნებისმიერ სამართალდამცავ ორგანოს.
თაკო ესებუა
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
