"ნამდვილი კაცი საქმეს აკეთებს, ჰალსტუხს კი არ ღეჭავს” - რეპერი ტიმატი სააკაშვილს მიმართავს
რუსი რეპერი ტიმატი ოდესის გუბერნატორ მიხეილ სააკაშვილს "ინსტაგრამზე" პასუხობს. როგორც ცნობილია, სააკაშვილმა უკრაინის სასაზღვრო სამსახურს ურჩია, ოდესაში არ შემოეშვათ რეპერი უკრაინასთან დაკავშირებით მისი პოზიციის გამო.
რუსმა მუსიკოსმა განაცხადა, რომ ოდესაში არ იმღერებს, რათა სააკაშვილს პროვოკაციის ზედმეტი მიზეზი არ მისცეს.
”არ არის პრობლემა, არ ჩავატარებ კონცერტს, არ გავახარებ სააკაშვილს პროვოკაციის მოწყობის საშუალებით. მაგრამ ღირს საერთოდ, სერიოზულად აღქმა იმ პოლიტიკოსის განცხადების, რომელმაც საკუთარი ქვეყანა გაქურდა, ფედერალურ ძებნაში იმყოფება და თავისივე ხალხის მიერ არის დევნილი? ნამდვილი კაცი საქმეს აკეთებს, ჰალსტუხს კი არ ღეჭავს”, - წერს ტიმატი სოციალურ ქსელ ”ინსტაგრამზე”.
ტიმატის კონცერტი ოდესის ერთ-ერთ კლუბში 21 აგვისტოს იყო დაგეგმილი. ოდესის გუბერნატორმა მიხეილ სააკაშვილმა განაცხადა, რომ ეცდებოდა ხელი შეეშალა კონცერტის ჩატარებისთვის და დაჟინებით მოითხოვა, რომ რეპერის გამოსვლა გაეუქმებინათ. ამის გამო კონცერტის ორგანიზატორებმა ტიმატის გამოსვლა გააუქმეს.
მომზადებულია ria.ru-ს მიხედვით.
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
