მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"პრეზიდენტმა შეიწყალა ლევან ბობოხიძე და არავითარ შემთხვევაში არ განგვიხილავს აკაკი ბობოხიძის ძმის საკითხი"
08:21 / 25-07-2015
უცნაური იქნებოდა პრეზიდენტს ეთქვა, რომ ლევან ბობოხიძე ციხეში უნდა დარჩენილიყო, რადგან ის "ნაციონალური მოძრაობის" წევრის ძმაა, - ამის შესახებ დღეს გამართულ პრესკონფერენციაზე შეწყალების კომისიის თავმჯდომარე ზვიად ქორიძემ განაცხადა. ქორიძეს უკვირს, რატომ მოჰყვა მსჯავრდებულ ბობოხიძის შეწყალების გადაწყვეტილებას საზოგადოების ნაწილში აჟიოტაჟი და კიდევ ერთხელ განმარტავს, რომ კომისია და პრეზიდენტი პოლიტიკურ გადაწყვეტილებებს არ იღებს.
"მინდა ჟურნალისტებს და თქვენი მეშვეობით საზოგადოებას გესაუბროთ რა არის შეწყალება, შეწყალების მექანიზმები და რატომ სჭირდება თანამედროვე, დემოკრატიული სახელმწიფოს ჩამოყალიბებას ჰუმანური მიდგომები და ზოგადად ჰუმანიზმის პრინციპი, რომელსაც, ჩემი აზრით, საკმაოდ ეფექტურად იყენებს პრეზიდენტი მარგველაშვილი.
შეწყალების მექანიზმი არ არსებობს იმიტომ, რომ მან გამოასწოროს მართლმსაჯულების სისტემაში არსებული ხარვეზები. შეწყალების კომისია სამართალს არ აღასრულებს. ეს არ არის დიდი ჟიური. შეწყალების კომისია გადაწყვეტილებას იღებს შეწყალების თაობაზე და არა იმაზე, რომ აღასრულოს სამართალი. ჩვენი ყველა გადაწყვეტილება არის კომისიის წევრთა სერიოზული განსჯის, კამათის და ბჭობის შედეგი.
კომისია არც სამართალს აღასრულებს და არც პოლიტიკურ გადაწყვეტილებებს იღებს. როდესაც ჩვენ ვბჭობთ, ჩვენ ვიხილავთ საქმესთან დაკავშირებულ დეტალებს, მაგრამ ჩვენ არ ვიხილავთ იმ პოლიტიკურ თემებს, რომლებიც შეიძლება ამა თუ იმ საქმესთან იყოს დაკავშირებული. სწორედ ამიტომ ჩემთვის უცნაური იყო, როცა გუშინ ვისმენდი განცხადებას კონკრეტულ მსჯავრდებულთა შეწყალების შესახებ, როგორც პოლიტიკური შეფერილობის თემას. ჯიბუხაიას, ჭელიძის, ბობოხიძისა და კირთაძის საქმეზე კომისიის ყველა წევრმა იმსჯელა და კენჭისყრით ერთხმად დაუჭირა მხარი ამ მსჯავრდებულების შეწყალებას. ეს იყო დადებითი რეკომენდაცია, რომელიც ჩვენ მივაწოდეთ პრეზიდენტს და რომელმაც, თავის მხრივ, მასზე თანხმობა განაცხადა. ასე რომ, პრეზიდენტმა შეიწყალა ლევან ბობიხიძე და არავითარ შემთხვევაში არ განგვიხილავს საქართველოს პარლამენტის წევრის, აკაკი ბობოხიძის ძმის შეწყალების საკითხი. ეს არის არსებითი განსხვავება.
ეს არ იყო პრეზიდენტის ექსკლუზიური გადაწყვეტილება, თუმცაღა, მოგეხსენებათ, რომ მას აქვს უფლება ექსკლუზიურად შეიწყალოს მსჯავრდებული. პრეზიდენტმა სწორედ იმისთვის შექმნა შეწყალების კომისია, რომ არ გაჩნდეს კითხვის ნიშნები საზოგადოებაში, ვინაიდან, როგორც წესი, ექსკლუზიურ უფლებებს კითხვის ნიშნები ახლავს. პრეზიდენტ მარგველაშვილის მიერ შექმნილი შეწყალების დღევანდელი კომისია, განსხვავებით წინა კომისიებისგან, მართლა რეალურად მუშაობს და თითოეულ მსჯავრდებულთან დაკავშირებით გადაწყვეტილებას დიდი პასუხისმგებლობით იღებს.
შეწყალება არის წყალობა, შეწყალება არ არის ჯილდო, შეწყალება არ არის სამართლის აღდგენა. შეწყალებას, თვითონ სიტყვა გვეუბნება, რომ მხოლოდ პრეზიდენტი და სხვა ვერავინ ვერ გაიღებს და გაიღებს იმ მსჯავრდებულების წინაშე, რომლებიც ამ წყალობას იმსახურებენ. რაც შეეხება უშუალოდ აღნიშნული მსჯავრდებულების საქმეს, რომელთა შეწყალებაზეც პრეზიდენტმა გადაწყვეტილება კომისიის დადებითი რეკომენდაციის საფუძველზე მიიღო, ცოტა უცნაური იქნებოდა მას ეთქვა: ეს ადამიანები იმიტომ უნდა დავტოვოთ ციხეში, რომ "ნაციონალურ მოძრაობასთან" არიან დაკავშირებულნი ან ერთ-ერთი მსჯავრდებული "ნაციონალური მოძრაობის" წევრის ძმა არისო", - განაცხადა ქორიძემ.
შეწყალების კომისიის თავმჯდომარე ლევან ბობოხიძის შეწყალებასთან დაკავშირებით აღმასრულებელი და საკანონმდებლო ხელისუფლების წარმომადგენელთა მხრიდან გამოთქმულ კრიტიკასაც გამოეხმაურა და განმარტა, რომ გაცილებით მეტი ხიფათის შემცველი პოლიტიკური პროცესები შეიძლება მივიღოთ პოლიტიკური კლასის ასეთი აზროვნებით.
"როდესაც ასე აზროვნებს პოლიტიკური კლასი, მაშინ ჩვენ შეიძლება გაცილებით მეტი ხიფათის შემცველი პოლიტიკური პროცესები მივიღოთ, რადგან მართლმსაჯულება პოლიტიკისგან უნდა იყოს დაცლილი, მით უმეტეს, შეწყალების პროცესი უნდა იყოს დაცლილი პოლიტიკური გავლენებისგან", - აღნიშნა ქორიძემ.
სიახლე!თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახლეები თავსდება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
