მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ეს არაჩვეულებრივი და სახალისო ისტორიაა" - ღვინის ეტიკეტებიდან ნასწავლი ქართული წერა-კითხვა
08:37 / 24-07-2015
ალექსეი გრეკოვი მეუღლესთან ერთად უკრაინიდან ბათუმში დასასვენებლად ჩამოვიდა. ტურისტულ ქალაქში ორი კვირით მყოფმა ალექსეიმ და ოქსანამ ბათუმი და მისი შემოგარენი დაათვალიერეს, დააგემოვნეს აჭარული სამზარეულო და ქართული ღვინოები. ამ ერთი შეხედვით ჩვეულებრივ საზაფხულო არდადეგებში უჩვეულო ის არის, რომ ალექსეიმ 40 წლის წინ, ღვინის ეტიკეტებიდან ნასწავლი ქართული წერა-კითხვა აღიდგინა და სპეციალურად Ambebi.ge -სთვის რამდენიმე სიტყვაც დაწერა. ალექსეის ბათუმის ღირსშესანიშნაობებთან ერთად უყურადღებოდ არცერთი ქართული წარწერა არ დარჩენია. თუ როგორ ისწავლა ქართულად წერა და კითხვა ამის შესახებ ალექსეის Ambebi.ge გაესაუბრა:
ვიდეო: ღვინის ეტიკეტებიდან ნასწავლი ქართული წერა-კითხვა
"ეს არაჩვეულებრივი და სახალისო ისტორიაა. როცა პატარა ვიყავი მამაჩემის ქართველი კოლეგები ხშირად გვიგზავნიდნენ ქართულ ღვინოს. მე ვაგროვებდი ბოთლების ეტიკეტებს, რომლებზეც ღვინის სახელწოდება ქართულ და რუსულ ენებზე ეწერა. დავინტერესდი ამ ენით, რომელსაც ასეთი შესანიშნავი ანბანი ჰქონდა. ერთმანეთს ვადარებდი ქართულ და რუსულ წარწერებს და ასე ვისწავლე ქართულად წერა და კითხვა. გასაკვირი ის არის, რომ 40 წლის შემდეგ საქართველოში ჩამოსულმა ქართულად ყველა წარწერის წაკითხვა მოვახერხე. ეს არაჩვეულებრივი შეგრძნებაა - როცა მეგონა ეს ყველაფერი დავიწყებული მქონდა და ამ დროს ვკითხულობ. ნაწილის თარგმნასაც ვახერხებ", - აღნიშნა ალექსეიმ.
უკრაინელი წყვილის 14 დღიანი ბათუმური ტურნე ქართული ღვინის დეგუსტაციით დასრულდა. ალექსეი დაინტერესდა, აქვს თუ არა ქართულ ღვინოს ისეთივე არომატი, როგორც 40 წლის წინ მამის მეგობრების მიერ გამოგზავნილს ჰქონდა. სავარაუდოდ, არომატი იგივეა, რადგან მან დეგუსტაციის შემდეგ ქართული ღვინის თან წაღება გადაწყვიტა:
"გაუმარჯოს ქართველ ხალხს, ქართულ მიწას, ქართულ ღვინოს, რადგანაც ეს ყველაფერი ერთმანეთთან კავშირშია და ერთმანეთის გარეშე ვერ იარსებებს. უკრაინელები და ქართველები მსგავს სიტუაციაში ვართ, ჩრდილოელ მეზობელთან თანაცხოვრება რთულია, მას არ უნდა მშვიდობიანი თანაცხოვრება. სამაგიეროდ, ჩვენ მეგობრული ურთიერთობა გვაქვს, გვიყვარს ერთმანეთი მიუხედავად იმისა, რომ ზღვა გვყოფს. არაჩვეულებრივი ერი ხართ, რომელთანაც ერთად თანაცხოვრება, მეგობრობა და ღვინის დალევა გინდა", - აღნიშნა ალექსეიმ.
წყვილი კიევში დღეს დაბრუნდა. სავარაუდოდ, მათ ბათუმური ემოციები მომდევნო წლის ზაფხულამდე გაყვებათ.
ნინო ხოზრევანიძე
Ambebi.ge ბათუმიდან
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
