ყვარლის მოსახლეობა ხელისუფლებას დახმარებას სთხოვს

წუხელ მოსული ძლიერი სეტყვის შედეგად, ყვარლის რაიონში ათეულობით ჰექტარი ვენახი, საზამთროსა და სიმინდის ბაღებია განადგურებული. გლეხების თქმით, მოსავალი 100 პროცენტით არის განადგურებული. ადგილობრივები დახმარებას ხელისუფლებას სთხოვენ და აცხადებენ, რომ ზარალის ანაზღაურების გარეშე, აგროკრედიტების გადახდას ვერ შეძლებენ.

გლეხების თქმით, ყვარელში სეტყვის საწინააღმდეგო სისტემამ არ იმუშავა, რამაც ზარალი გამოიწვია. მოსახლეობა ზარალის დამთვლელ კომისიას დილიდან ელოდება ყვარელში, თუმცა ამ დრომდე მათთან არავინ მისულა.

კახეთის გუბერნატორის ირაკლი შიოლაშვილის განცხადებით, ზარალს შესაბამისი კომისია დაითვლის, დაზღვეული მოსავალი ავტომატურად ანაზღაურდება.

"ინტერპრესნიუსი"