მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გიორგი მარგველაშვილი - ჩვენ ვავითარებთ ჩვენს ქვეყანას, როგორც გლობალური უსაფრთხოების პასუხისმგებლიანი მოთამაშე
09:29 / 21-07-2015
გვჯერა, რომ სიკეთე, რომელსაც სხვა სახელმწიფოებთან ერთად ვქმნით გლობალური უსაფრთხოების სახით, კიდევ უფრო მნიშვნელოვნად დაუბრუნდება ჩვენს სახელმწიფოს, - ამის შესახებ საქართველოს პრეზიდენტმა გიორგი მარგველაშვილმა ავლაბრის სასახლეში განაცხადა, სადაც ევროპული საბჭოს პრეზიდენტ დონალდ ტუსკს ევროკავშირის მისიის ეგიდით ცენტრალური აფრიკის რესპუბლიკაში განთავსებული საქართველოს სამშვიდობო კონტინგენტი წარუდგინა.
გიორგი მარგველაშვილის თქმით, საქართველო ავითარებს ქვეყანას როგორც გლობალური უსაფრთხოების პასუხისმგებლიანი მოთამაშე.
"ბატონო პრეზიდენტო, თქვენს წინაშეა ქართული ჯარი. ჯარი, რომელთა წინაპრებიც ათეულობით საუკუნეების განმავლობაში იცავდნენ და აძლიერებდნენ იმ პატარა ქვეყანას, სადაც თქვენ ახლა იმყოფებით. ჯარი, რომელსაც ისტორიის განმავლობაში უპირისპირდებოდნენ უდიდესი იმპერიები, უდიდესი არმიები, მაგრამ ჯარი, რომელმაც შეძლო, საუკუნეების განმავლობაში გაიტანა და თანამედროვე კაცობრიობის სრულფასოვან წევრად შექმნა ჩვენი სამშობლო - საქართველო. მათ და მათ წინაპრებს ზურგს უძლიერებს ყველაზე მნიშვნელოვანი და სტრატეგიული იარაღი - ეს არის ქართული საზოგადოება. ქართველი ხალხი, რომელიც საუკუნეების განმავლობაში იბრძოდა თავისი დამოუკიდებლობისა და თავისუფლებისთვის და არც ერთ მომენტში არ დაუყრია ფარ-ხმალი", - განაცხადა გიორგი მარგველაშვილმა.
საქართველოს პრეზიდენტის თქმით, ჩვენ ქვეყანას ვავითარებთ როგორც თანამედროვე, დემოკრატიულ და ევროპულ სახელმწიფოს.
"ასევე იყო სულ რამდენიმე ათეული წლის წინ, როდესაც ხელახლა შედგა ქართული სახელმწიფო. პირველი, რაც ჩვენ შევქმენით ეს არის თანამედროვე არმია, თანამედროვე შეიარაღებული ძალები, ადამიანები, რომლებიც პირნათლად ემსახურებიან ჩვენს სამშობლოს. თავიდანვე ჩვენი შეიარაღებული ძალები შეიქმნა ყველაზე სწორი და ადეკვატური კრიტერიუმებით – ეს იყო გაძლიერება ჩვენი უნარების, გაძლიერება ჩვენი მხედრული ღირსების. ამავე დროს, ისევე როგორც ნებისმიერ თანამედროვე ქვეყანას, ჩვენი შეიარაღებული ძალების ამოცანაა არა მარტო საქართველოს და ჩვენი სამშობლოს დაცულობა, არამედ ის გლობალური პასუხისმგებლობა, რომელიც ნებისმიერ დემოკრატიულ, თანამედროვე და მომავალში მომზირალ ერს ხდის ცივილიზებული სამყაროს ნაწილად. ასე ბატონო პრეზიდენტო - ის ხალხი, ვისაც თქვენ ხედავთ და მათი კოლეგები თავიდანვე ბალკანეთში, სპარსეთის ყურეში, ავღანეთში და უკვე ევროკავშირის თანამებროძლებთან ერთად აფრიკაში იცავენ გლობალურ სტაბილურობას და თავის სამშობლოს აძლიერებენ ამ თავდადებული შრომით. არაერთი ჩვენი თანამემამულე და გმირი დაიღუპა ამ მნიშვნელოვან მისიებში. მე ქედს ვიხრი ამ ადამიანების წინაშე და მადლობას ვეუბნები ჩვენს ჯარისკაცებს იმ პროფესიონალიზმისა და დაუღალავი შრომისთვის, რომელსაც ისინი ეწევიან გლობალური მშვიდობის დაცვისთვის. მნიშვნელოვანია ისიც, რომ სწორედ თქვენს წინაშე მდგარი ადამიანებისა და მათი კოლეგების ძალიან სერიოზული მუშაობის, პროფესიონალიზმის, ვაჟკაცობის შედეგად საქართველო მიჩნეულ იქნა ერთ-ერთ ყველაზე განვითარებულ ქვეყნად და ნატო-ს ჯარებთან ყველაზე თანხვედრ სახელმწიფოდ შარშან ნატო-ს სამიტზე. ასევე შარშან, როდესაც ჩვენი ევროკავშირელი კოლეგები და პარტნიორები გეგმავდნენ სამშვიდობო ოპერაციას ცენტრალურ აფრიკაში, ბუნებრივად საქართველოს სახელმწიფო და ქართული შეიარაღებული ძალები დადგნენ ჩვენი კოლეგების გვერდით, მაშინ თებერვალში ჩემი გადაწყვეტილებით, რომელსაც მხარი პარლამენტმა დაუჭირა, ის ადამიანები, რომლებსაც დღეს თქვენ ხედავთ, დადგნენ გლობალური მშვიდობის სადარაჯოზე. მათ განსაკუთრებით გამოიჩინეს თავი თავიანთი პროფესიონალიზმით, ჰუმანური დამოკიდებულებით, რეგიონის სპეციფიკის ცოდნით და ერთგულებით თავისი სამსახურისა და სამშობლოს მიმართ. ბატონო პრეზიდენტო, ჩვენ ჩვენ ქვეყანას ვავითარებთ როგორც თანამედროვე დემოკრატიულ და ევროპულ სახელმწიფოს. ეს განვითარება ხორციელდება ყველა მიმართულებით, როგორც საზოგადოებრივ-პოლიტიკურ ცხოვრებაში, ასევე ეკონომიკის მიმართულებით და იმ დემოკრატიული სტანდარტების მიმართულებითაც, რომელიც არის დღეს ჩვენი სახელმწიფოს განვითარების მთავარი ორიენტირი. ჩვენ ვავითარებთ ჩვენს ქვეყანას როგორც გლობალური უსაფრთხოების პასუხისმგებლიანი მოთამაშე. ჩვენ გვჯერა, რომ უახლოეს მომავალში ის სიკეთე, რომელსაც ჩვენ სხვა სახელმწიფოებთან ერთად ვქმნით გლობალური უსაფრთხოების სახით, კიდევ უფრო მნიშვნელოვნად დაუბრუნდება ჩვენს სახელმწიფოს", - აღნიშნა საქართველოს პრეზიდენტმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
