მნიშვნელოვანი ინფორმაცია
26
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"წყლის გამოცვლა წელიწადში ერთხელ ხდება" - იცავენ თუ არა თბილისის აუზები ჰიგიენურ და სანიტარულ ნორმებს
02:49 / 21-07-2015
საქართველოში არსებული ღია და დახურული საცურაო აუზების ჰიგიენური და სანიტარული ნორმების შემმოწმებელი სახელმწიფო ორგანო არ არსებობს. 2005 წელს ქვეყანაში სანიტარული კოდექსი გაუქმდა. რის შედეგადაც, ის 2007 წელს საზოგადოებრივი ჯანდაცვის კანონმა ჩაანაცვლა.
AMBEBI.GE დაინტერესდა, არის თუ არა დაცული სანიტარული ნორმები თბილისის საცურაო აუზებში და ვინ აკონტროლებს ამ პროცესს?
როგორც ვაკის საცურაო აუზის ადმინისტრაციაში აცხადებენ, ისინი თავად დადგენილი სტანდარტებით ხელმძღვანელობენ და ჰიგიენური და სანიტარული ნორმების დაცვას, საკუთარი ხარჯებით, მაქსიმალურად ცდილობენ. ვაკის საცურაო აუზის ხელმძღვანელები ამბობენ, რომ წყალი სამმაგ ფილტრაციას გადის. ქიმიური დამუშავების შემდეგ წყალი კვარცის ქვიშაში და ულტრა იისფერ სხივებში ტარდება.
"მიუხედავად იმისა, რომ არავინ გვავალდებულებს, ჩვენ გვყავს ქიმიკოსი, რომელიც იღებს წყლის ანალიზებს. ასევე გვყავს დაქირავებული დამოუკიდებელი კომპანია, რომელიც სულ მოდის და როგორც წყლის, ასევე საშხაპეებიდან და გასახდელებიდან იღებს ჩამონარეცხს და მერე ამოწმებს. წყალი იმდენად კარგად იფილტრება, რომ მისი გამოცვლა წელიწადში ერთხელ ხდება. ყოველდღიურად სამ მილიონ ნახევარი ლიტრი წყალი ფილტრაციას 6-დან 8 საათამდე ანდომებს",-განაცხადა ვაკის საცურაო აუზის მთავარმა ინჟინერმა სერგო სისოევმა.
სანიტარული ნორმების დაცვა საკუთარ თავზე აქვთ აღებული "Sport Time"-შიც.
"მიუხედავად იმისა, რომ სახელმწიფო დონეზე საცურაო აუზის შემმოწმებელი ორგანო არ არსებობს. ჩვენთან ყველა ვიზიტორი დაცულია, ამ ყველაფერს თავად ვარეგულირებთ. წყალი გადის 24 საათიან ფილტრაციას. გერმანული ხსნარებით ხდება როგორც წყლის, ასევე აუზის ტერიტორიის დასუფთავება. სამედიცინო შემოწმების გარეშე, აუზზე არ გადის არცერთი ადამიანი. დაავადებული ადამიანის წყალში შესვლა აკრძალულია",-განუცხადა Ambebi.ge-ს "Sport Time"-ის პიარ მენეჯერმა, მარი ხანიკაევმა.
რაც შეეხება ჯანმრთელობის დაცვის დეპარტამენტს, მარინა ბაიდაურის თქმით, საზოგადოებრივი ჯანმრთელობის შესახებ საქართველოს კანონით ნაწილობრივ მოხერხდა სანიტარული კოდექსით განსაზღვრული კომპეტენციების გადანაწილება სხვადასხვა სამთავრობო უწყებებს შორის. თუმცა, ჯერ კიდევ დარჩა მთელი რიგი სფეროები, რომლის ზედამხედველობის განმახორციელებელი უწყებაც არ იქნა განსაზღვრული. სწორედ მათ შორის არის აუზებში სანიტარული ნორმების შემოწმებაც.
"სანიტარული ნორმები არ გაუქმებულა, დღესაც მოქმედია და ჯანდაცვის სამინისტრის ბრძანებით არის დამტკიცებული. მხოლოდ გარე კონტროლი გაუქმდა. აუზის მეპატრონეები იყენებენ შიდა კონტროლს აუზის მოსაწესრიგებლად. სახელმწიფო დონეზე გაუქმდა ეს კონტროლი, იმიტომ რომ გაუქმდა სანიტარული კოდექსი, რომელიც ჩაანაცვლა საზოგადოებრივი ჯანდაცვის კანონმა. ახალი ბრძანების გამოცემაზე მიმდინარეობს მუშაობა და სავარაუდოდ გამოიცემა ახალი ბრძანება, რომელშიც გაირკვევა ის ადმინისტრირების ორგანო, რომელმაც უნდა გააკონტროლოს საცურაო აუზების ჰიგიენური ნორმები,"-განაცხადა ჯანმრთელობის დაცვის დეპარტამენტის თანამშრომელმა მარინა ბაიდაურმა.
AMBEBI.GE
თიკო გურაშვილი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რატომ გაგიჟდა მსოფლიო labubu-ს თოჯინებზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
