მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვინ გახდება საქართველოს ახალი შს მინისტრი - "ივანიშვილი იმას დანიშნავს, ვის ერთგულებაშიც ეჭვი არ შეეპარება"
04:44 / 20-07-2015
შს ახალი მინისტრი ბიძინა ივანიშვილის უახლოესი გარემოცვიდან იქნება, თუმცა საზოგადოებისთვის უცნობი პიროვნება - ვარაუდობენ პოლიტოლოგები შს ახალ მინისტრზე, რომელსაც პრემიერ-მინისტრი ირაკლი ღარიბაშვილი 2-3 დღეში წარადგენს.
დღეს ცნობილი გახდა, რომ შინაგან საქმეთა სამინისტროსგან გამოყოფილ სახელმწიფო უსაფრთხოების სამსახურს შსს-ს უკვე ყოფილი მინისტრი ვახტანგ გომელაური უხელმძღვანელებს, ახალი მინისტრის ვინაობა ცნობილი კი 2-3 დღეში გახდება.
Ambebi.ge-სთან საუბრისას პოლიტოლოგები კონკრეტულ პიროვნებას არ ასახელებენ, თუმცა მათი თქმით, შს ახალი მინისტრი აუცილებლად ყოფილი პრემიერ-მინისტრის, ბიძინა ივანიშვილის ახლო გარემოცვიდან იქნება.
"ეს იქნება ბიძინა ივანიშვილისთვის მისაღები კანდიდატურა. კოალიციას მნიშვნელობა არ აქვს, მთავარია ის პირადად ბიძინა ივანიშვილისთვის მისაღები პიროვნება იყოს. ალექსანდრე ჭიკაიძე ირაკლი ღარიბაშვილის კადრი იყო, მაგრამ რადგან ღარიბაშვილის აქციები ივანიშვილის თვალში დაეცა, ამ უკანასკნელმა დაანიშნინა პიროვნება, რომელიც პირადად მისი კადრი იყო, მისი პირადი დაცვის ხელმძღვანელი. ამ მხრივ გომელაურს კოალიციური გამოცდილება არ ჰქონია, მას ჰქონდა ბიძინა ივანიშვილთან მუშაობის გამოცდილება. ვვარაუდობ, რომ ახლაც ასე იქნება და ყოფილი პრემიერი იმას დანიშნავს, ვის ერთგულებაშიც ეჭვი არ შეეპარება", - ამბობს დემოკრატიისა და განვითარების კავკასიური ინსტიტუტის თავმჯდომარე გია ნოდია.
შს ახალ მინისტრის პოსტზე ბიძინა ივანიშვილის ახლო გარემოცვას ასახელებს პოლიტოლოგი სოსო ცინცაძე. მისივე თქმით, საუბარი იყო გარემოსა და ბუნებრივი რესურსების დაცვის მინისტრ გიგლა აგულაშვილზეც, თუმცა აგულაშვილის რესპუბლიკელების კადრია და შს მინისტის თანამდებობაზე გამორიცხავს.
"ახლა ბიძინა ივანიშვილს, ვინც ახლო წრეში დარჩა და ვინც ხელისუფლებაში დასაქმებული არ არის, საზოგადოებისთვის ყველა უცნობია. გომელაურს იცნობდა ვინმე? გიგლა აგულაშვილზე იყო საუბარი, მაგრამ მე მგონი რესპუბლიკელებმა თავიანთი საკადრო გავლენის ზედა ზღვარს უკვე მიაღწიეს, თუმცა დღეს საქართველოში გამორიცხული მხოლოდ ის არის, რომ ხვალ უცებ მდიდარ ქვეყანაში გავიღვიძოთ ან ერთ თვეში ლარი გამყარდეს, დანარჩენი არაფერია გამორიცხული.
ასეთ სახელმწიფოში, სადაც ყველაფერს 1 ან 2 კაცი წყვეტს, იქ არაფერია გამორიცხული რადგან შემაკავებელი მექანიზმები არ არის. ვთქვათ, ბიძინა ივანიშვილმა თავისი პირის დანიშვნა მოინდომა, ამას წინ ვინ აღუდგება, შემაკავებელი მექანიზმი რა იქნება? პარლამენტში ვინმე იტყვის რამეს? ვოლსკი იტყვის თუ ბესელია? ხმას ვინ ამოიღებს? არც არავინ, აქედან გამომდინარე, გამორიცხულიც არაფერია", - ამბობს სოსო ცინცაძე.
პოლიტოლოგის თქმით, დღეს ნებისმიერ თანამდებობაზე ვინ დაინიშნება მნიშვნელობა არ აქვს, "რადგან არავინ იქნება დამოუკიდებელი ისევე, როგორც ახალი მინისტრი არ იქნება დამოუკიდებელი პოლიტიკოსი".
ექსპერტ გია ხუხაშვილის თქმით, შს ახალი მინისტრისთვის კანონის ფარგლებში ჰუმანურობა უნდა იყოს დამახასიათებელი. მისივე თქმით, ახალი მინისტრი კოალიციაში შემავალ რომელიმე პარტიასთან ასოცირებული არ უნდა იყოს.
"რესპუბლიკურ პარტიას მორიგი ლუკმის გაყლაპვა უნდა. ვფიქრობ, ეს ლუკმა ყელზე დაადგებათ იმიტომ, რომ ეს ძალიან სარისკო ნაბიჯია მათთვისაც და თვითონ კოალიციისთვისაც, ამან შეიძლება კოალიციაში გარკვეული რყევები გამოიწვიოს, ანუ ძალთა ბალანსი შეიძლება დაარღვიოს. მეორე მხრივ, რესპუბლიკურ პარტიას იმხელა ლეგიტიმაცია არ აქვს, რომ საქართველოს ხელისუფლება ლუკმა-ლუკმა გადაყლაპოს. ასეთი ამბიციები ყველასთვის ცუდად მთავრდება ყველასთვის", - ამბობს გია ხუხაშვილი.
თაკო ესებუა
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
