მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
სამშაბათი, მთვარის მეთხუთმეტე დღე დაიწყება 22:19-ზე, მთვარე მშვილდოსანშია – ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, შესაძლოა სამომავლოდ გამოგადგეთ. არ არის რეკომენდებული გამოიჩინოთ ამბიცია. გადაიტანოთ პასუხისმგებლობა სხვა ადამიანებზე. ჩაერთოთ ფინანსურ ოპერაციებში. მნიშვნელოვანი მოლაპარაკებების წარმოება. დღეს მოხმარებული პროდუქტები უნდა იყოს მაღალი ხარისხის და ახალი. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ხურვალეთის საგუშაგოს მიმდებარე ტერიტორიაზე ხმაურია - მოსახლეობა ე.წ. საზღვრის აღმნიშვნელი ბანერის დემონტაჟს აპროტესტებს
05:39 / 17-07-2015
ხურვალეთის საგუშაგოს მიმდებარე ტერიტორიაზე ამ წუთებში ხმაურია. ადგილობრივი მოსახლეობა სწორედ იმ ადგილას შეიკრიბა, სადაც მედიასაშუალებების წარმომადგენლები მუშაობენ. ხურვალითს მოსახლეობა ორ ფაქტს აპროტესტებს, ერთი მედიასაშუალებების წარმომადგენლების მიერ რამდენიმე დღის წინ ჩატარებული აქციისას დე ფაქტო სამხრეთ ოსეთის ე.წ. საზღვრის აღმნიშვნელი ბანერის დემონტაჟს და მეორე - ანდრო ბარნოვის მიერ გუშინ გაკეთებულ განცხადებებს. ადგილობრივების თქმით, ამგვარი ქმედებები პროვოკაციულ ხასიათს ატარებს, შემდგომ ეს ადამიანები თავად თბილისში ბრუნდებიან, ადგილობრივებს კი, საკმაოდ სერიოზული პრობლემები ექმნებათ.
"თვითონ ჩამოვლენ, პიარს გაიკეთებენ, რამდენიმე ხმამაღალ განცხადებას გააკეთებენ, იბაქიბუქებენ და შემდეგ კი უკანმოუხედავად მიდიან თბილისისკენ. ჩვენ კი აქ ვრჩებით და ისედაც მძიმე მდგომარეობა კიდევ უფრო გვიმძიმდება. მოსავალი გვაქვს ასაღები, აქამდე თუ გვქონდა იმის საშუალება, რომ ჩვენს ბაღებში შევსულიყავით და ხორბლის და ქერის ნათესები აგვეღო, ახლა მოსავლის აღების საშუალებაც შეგვეზღუდა. ჩამოვიდნენ აქ ადამიანები და დაგვიდგნენ გვერდში თუ ვაჟკაცობა ეყოფათ. ჩვენ უნდა დავსხდეთ კომბაინებზე და სერიოზული რისკის ფასად უნდა დავიწყოთ მოსავლის აღება, თუ ამდენი ვაჟკაცობა აქვს ანდრო ბარნოვს და იმ ადამიანებს, რომლებმაც ბანერი მოგლიჯეს, მოვიდნენ კომბაინზე გვერდით დაგვისხდნენ და ჩვენთან ერთად მიიღონ მონაწილეობა ხორბლის აღებაში", - აცხადებს ხურვალეთის მოსახლეობა "ინტერპრესნიუსთან" საუბრისას.
ადგილობრივი მცხოვრებლები ყურადღებას ხელისუფლებასაც სთხოვენ და ამბობენ, რომ სოფელ ხურვალეთში უკიდურესად მძიმე სოციალური მდგომარეობაა.
"არც წყალი გვაქვს, არც შესაბამისი ტექნიკა, რომ მოსავლის აღება შევძლოთ. ჩვენ საკუთარ მიწებზე წვდომა შეგვეზღუდა. გარდა ამისა, ჯერ კიდევ შარშან თითქოს დაასრულეს ბუნებრივი აირის გაყვანა, თუმცა ამ დრომდე გაზი გაშვებული არ არის. საკმაოდ მძიმე მდგომარეობაა, აღარც საძოვრები გვაქვს და ვეღარც პირუტყვი გაგვყავს. მოგვხედოს ხელისუფლებამ და გაითვალისწინოს ჩვენი მდგომარეობა", - აცხადებენ ხურვალეთის მცხოვრებლები.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
