მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ უნდა მოვიქცეთ, თუ სახლში ან კორპუსში გაზის სუნი დგას - უსაფრთხოების ზომები, რომლებიც ყველამ უნდა იცოდეს
01:40 / 16-07-2015
გლდანში მომხდარმა აფეთქებამ მთელი საქართველო შეძრა. გაზის გაჟონვის შედეგად საცხვრებელი კორპუსი აფეთქდა, რომელსაც ხუთი ადამიანის სიცოცხლე ემსხვერპლა. მეზობლების განცხადებით, გაზის სუნი გლდანის მეექვსე მიკრორაინონში რამდენიმე დღის მანძილზე იყო, ხალხი დახმარებას ითხოვდა "ყაზტრანსგაზში", თუმცა გამოძახებაზე მათთან არავინ მივიდა.
მსგავსი შემთხვევები თბილისში საკმაოდ მომრავლდა, გუშინდელი ფაქტის გარდა, კიდევ ერთი ბოლო აფეთქება ახალი წლის ღამეს მოხდა, აფეთქება ამ შემთხვევაშიც გლდანში იყო და მასაც მოჰყვა მსხვერპლი. როგორ უნდა მოვიქცეთ იმ შემთხვევაში, როცა სახლში ან კორპუსში გაზის სუნი დგას და როგორ ავარიდოთ თავი გაჟონვას ან აფეთქებას, - ამ კითხვებზე პასუხის მისაღებად ენერგოკავშირის უსაფრთხოების სამსახურის ხელმძღვანელს, თენგიზ ზაგაიძეს დავუკავშირდით.
- როცა კორპუსში ან სახლში ბუნებრივი აირის სუნი დგას, უნდა აცნობონ საავარიო სამსახურს. თუ ბინაში დგას გაზის სუნი შემომავალი ონკანი უნდა გადაკეტოს, ე.წ. მრიცხველამდე ონკანი. გაზის მილები კორპუსის გარეთ არის დამონტაჟებული, ნიავდება, არ ხდება აირის დაგროვება და ის არ აფეთქდება, უკიდურეს შემთხვევაში ხანძარი ჩნდება. როგორც კი მოსახლეობა აირის სუნს შენიშნავს, კომპანია უნდა გამოიძახოს. ყველა ბინას თავისი გამშვები ონკანი აქვს და პირველ რიგში მას ვკეტავთ. გარე ქსელებს ყოველთვიურად ვამოწმებთ, თუ საცხოვრებელ ბინაშია აირის სუნი, გვირეკავენ და მაქსიმუმ 10 წუთში ვახდენთ რეაგირებას.
გლდანში მომხდარ ტრაგედიასთან დაკავშირებით გუშინ სპეციალური განცხადება გაავრცელა შპს "ყაზტრანსგაზ-თბილისმა". როგორც განცხადებაშია აღნიშნული, გლდანის 6-ე მ/რ, 2-ე კორპუსიდან კომპანიის საავარიო სამსახურის ნომერზე გამოძახება ბუნებრივი გაზის გაჟონვის შესახებ აფეთქებამდე გასული 30 დღის განმავლობაში არ დაფიქსირებულა. "ყაზტრანსგაზ-თბილისის" ინფორმაციით, გამოძახება დაფიქსირდა მხოლოდ 2015 წლის 14 ივლისს. მათი მტკიცებით, საავარიო ბრიგადამ შესაძლოდ მოკლე ვადაში ოპერატიულად მოახდინა შესულ ზარზე რეაგირება, გავიდა გამოძახებაზე და მათ ხელთ არსებული ინფორმაციით, ადგილზე აფეთქების მომენტში მივიდა.
კომპანია მწუხარებას გამოთქვამს 2015 წლის 14 ივლისს გლდანში მომხდარი ტრაგედიის გამო და კიდევ ერთხელ მოუწოდებს მოსახლეობას გაზის დანადგარებისა და მილების დაზიანების, აგრეთვე ბუნებრივი აირის გაჟონვის შემთხვევაში დაუყოვნებლივ დაუკავშირდნენ შესაბამის სამსახურებს, საავარიო-სადისპეტჩერო სამსახური (ტელ.: 114) – 24 საათის განმავლობაში, ცხელი ხაზი (ტელ.: 2-40-40-04) - ორშაბათიდან პარასკევის ჩათვლით 09.00-დან 18.00 საათამდე. კომპანიის ინფორმაციით, მათი თანამშრომლები აბონენტებს უმოკლეს ვადაში, უსასყიდლოდ მოემსახურებიან.
თამარ ბოჭორიშვილი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
