11
ივნისიდღის ზოგადი ასტროლოგიური პროგნოზი
რამდენიმე დღის წინ, გორის რაიონის სოფელ წითელუბნისა და ოკუპირებული ახალგორის რაიონის სოფელ ორჭოსანის მიმდებარე ტერიტორიაზე, თბილისი-გორის ცენტრალური ავტომაგისტრალის სიახლოვეს უკანონოდ აღიმართა ე.წ. "საზღვრის" აღმნიშვნელი ბანერები.
როგორც საქართველოს საგარეო საქმეთა სამინისტროს მიერ გავრცელებულ განცხადებაშია ნათქვამი, განხორციელებული უკანონო ქმედებების შედეგად, სოფელ ორჭოსანის მიმდებარე ტერიტორიაზე ნავთობსადენის გარკვეული ნაწილი ოკუპირებულ ტერიტორიაზე მოექცა.
საოკუპაციო ზოლის კიდევ ერთხელ გადმოწევამ საზოგადოების აღშფოთება გამოიწვია, ცნობილი სახეები ხელისუფლებას საპასუხო ქმედებების განხორციელებას სთხოვენ:
ნიკა რურუა - "ის ფაქტი, რომ რუსული საოკუპაციო ჯარის მიერ ე.წ. "საზღვრის" მორიგ, ამჯერად უკვე სტრატეგიულ ობიექტთან ძალიან ახლოს გადმოწევაზე რომ საპროტესტო განცხადება არ გაუკეთებია არც პრეზიდენტს, არც პრემიერს, არც მთავრობას, არც პარლამენტს, არამედ საცოდავად ამოიკნავლა მხოლოდ საგარეო საქმეთა სამინისტრომ, ხაზს უსვამს რეალობას, რომ საქართველოს ჰყავს არაადექვატური ხელისუფლება, რომელმაც არათუ არ იცის სახელმწიფოს მართვა, არამედ ელემენტარულ დონეზეც ვერ აცნობიერებს საკუთარ ვალდებულებებს და პასუხისმგებლობას ერის და მისი ისტორიის წინაშე.
ეს ძალიან ტრაგიკულად შეიძლება დამთავრდეს ყველასთვის, თუ რამე უკეთესობისკენ არ შეიცვალა რაც შეიძლება მალე.
P.S. ისიც არაა შემთხვევითი, ჩემი აზრით, რომ ეს ბურჯანაძის მოსკოვის ვიზიტს მოაყოლეს რუსებმა, რაც წესით ფსიქოლოგიური დემორალიზაციის გამოწვევას ემსახურება ჩვენს ხალხში და იმ აზრის განმტკიცებას, რომ "რუსებთან ბრძოლას აზრი არა აქვს და ჩვენ მათ უნდა დავნებდეთ", რისკენაც ბურჯანაძე ღიად მოუწოდებს.
სინამდვილეში, სწორედ პირიქითაა - რუსეთს, ძალიან მალე, დედა აღარ ეყოლება, სადამდეც ჩვენ მაგრად, ერთად, და მხნეობით სავსენი უნდა დავდგეთ".
ირაკლი ტაბლიაშვილი - "ახლა ვიკითხავ და გთხოვთ, მიპასუხოთ - წარმოვიდგინოთ, რომ რუსეთმა გააგრძელა ოკუპაცია-ბორდერიზაცია და აბრა ჩაარჭო... აი, ვთქვათ იგოეთში (ნათლად რომ წარმოიდგინოთ, აი, იმ ბაზილიკასთან, კომუნისტების დროს ხურდებს რომ ვესროდით)...ვკითხულობ - რას ვაკეთებთ (რა უნდა გავაკეთოთ) ამ შემთხვევაში?.. პასუხებია:
ა) ვომობთ
ბ) ვითხოვთ, რომ მან დაიხიოს 328 მეტრით უკან
გ) არაფერსაც არ ვაკეთებთ - რა აზრი აქვს
დ) არ ვიცი
ე) ნუ დაგვზაფრე რა"
"ამთავითვე ვამბობ, თუ ფორმატი შეიცვლება და აბაშიძე-კარასინის დიალოგს ჩაანაცვლებს ვთქვათ ვიცე-პრემიერ-ვიცე-პრემიერის დიალოგი, მცოცავი ოკუპაცია გაორმაგდება... ხოლო თუ დროებით!!! შეწყდება, მხოლოდ იმ შემთხვევაში, თუ განახლებულ-გაძლიერებულ ფორმატში ღიად განიხილავენ საქართველოს მიერ ნატოსთვის ღიად უარის თქმის საკითხს...
ალიანსის დედაც არ ვატირე, თუ საზღვრებს არ გადმოწევენო, მეტყვის ახლომხედველი... მე კი ვუპასუხებ - პირველ აბზაცში უმნიშვნელოვანესია სიტყვა - დროებით!
ასე რომ, ფორმატის შეცვლა კი არაა მთავარი... არამედ, ყვირილი ხმის ჩახლეჩამდე და შეტევა... დაუსრულებელი შეტევა..."
თამარა ჩერგოლეიშვილი - "ბ-ნი კალაძე გვიხსნის, რომ მილსადენის 1600 მეტრიანი მონაკვეთი ყვება მავთულხლართებს მიღმა.
ვიცით, ვიცოდით წლებით ადრე - როცა ვამბობდით, ჩვენს გასულელებას ცდილობდით, სინამდვილეში კი თავს ისულელებდით.
პრობლემა ის კი არის ხელისუფლებამ ეს ფაქტი რომ ვერ აღკვეთა.
პრობლემა ის არის, რომ ხელისუფლებას ეს თემა საერთოდ არ აწუხებს, ხოლო როცა სხვა შეაწუხებს, თავიდან იშორებს.
ზუსტად ისე, როგორც არ აწუხებს ლარის დევალვაცია - აქაც თავის ჭკუით გვასულელებენ, ხან საგარეო ფაქტორებს, ხან ეროვნულ ბანკს აბრალებენ - სინამდვილეში თავს ისულელებენ.
ზუსტად ისე, როგორც არ აწუხებს შემცირებული ექსპორტი, შემცირებული იმპორტი, შემცირებული ტურიზმი, გამესამედებული ეკონომიკური ზრდა.
ზუსტად ისე, როგორც არ აწუხებს გაზრდილი კრიმინალი - გაყალბებულ სტატისტიკას გვატენიან.
ზუსტად ისე, როგორც არ აწუხებს მორყეული საჯარო სერვისი.
ზუსტად ისე, როგორც არ აწუხებს დანგრეული ინფრასტრუქტურა".
ნანუკა ჟორჟოლიანი - "რამდენი ვართ ქართველები მაშინ როცა
1. სექსუალური უმცირესობის წინააღმდეგ აქცია ტარდება ☑
2. გვინდა ბილეთების შეძენა ☑
3. გვართმევენ მიწებს ☑
მაგრად ტეხავს, რბილად რომ ვთქვა!"
"რუსებმა საზღვარი გადმოგვიწიეს! ხალხი პირდაპირ ეთერში ამბობს პანიკაში ვართ და ხელისუფლებიდან არავინ მოსულა მოსაკითხადო! დახმარებას ითხოვენ და პატრონი არ ჰყავთ! ომი ცუდია, მაგრამ ქვეყნისთვის მებრძოლი ხელისუფლების ყურება ბევრად ჯობია ჩასვრილების ყურებას!"
ოთო კახიძე - "და კიდევ რომ გადმოიწიონ? სომხეთზე ხო არ გადავატაროთ მილსადენი?
ვის ხელშია ქვეყანა!!!"
თაზო კუპრეიშვილი - "450 მეტრით რომ გადმოწიონ და დასავლეთთან დამაკავშირებელი გზა მიისაკუთრონ, მერე რა მოხდება?"
