მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რამდენად სუფთაა თბილისის ზღვა, ლისისა და კუს ტბა და არსებობს თუ არა დაავადებების გავრცელების საფრთხე
02:10 / 13-07-2015
ზაფხულის ცხელ დღეებში, ვინც ქალაქიდან გასვლას ვერ ახერხებს, სიცხეს თავს აუზებსა და ტბებზე აფარებს. ზაფხულში დამსვენებელს არ უჩივის თბილისის ზღვა, ლისისა და კუს ტბა, თუმცა რამდენად სუფთაა საბანაოდ და დასასვენებლად აღნიშნული ადგილები, ამის გასარკვევად AMBEBI.GE ეკოლოგებსა და გარემოს საკითხების ექსპერტებს ესაუბრა.
ეკოლოგ ნინო ჩხობაძის თქმით, თბილისის ზღვას რამდენიმე პრობლემა აქვს.
"პირველი არის ის, რომ აქ გამოიკვეთა დაჭაობება, რაც ხშირ შემთხვევაში იმის მაჩვენებელია, რომ ზღვა დაბინძურებულია იმ ადგილას, სადაც არის მწყალმცენარეები. დაჭაობებასთან ბრძოლა ძალიან მნიშვნელოვანია, რადგან ამ დროს წყალს ჟანგბადი აკლდება და აუცილებელია წყლის ჟანგბადით გაჯერება.
კიდევ ერთი პრობლემა არის ის, რომ თბილისის ზღვის გარშემო საქონელს აძოვებენ, რაც მით უმეტეს არ შეიძლება, როცა თბილისის ზღვის ნაწილი სასმელი წყლის რეზერვია. მესამე პრობლემა საკანალიზაციო სისტემის გაჟონვაა. ამას გარდა, არ შეიძლება თბილისის ზღვის კატერებისა და ნავებისთვის გამოყენება. განსაკუთრებით იმ ადგილებში, სადაც ნავთობი არის მოხმარებული", - ამბობს ნინო ჩხობაძე.
ეკოლოგის თქმით, საბანაო წყალთან დაკავშირებით მკაცრი რეგულაციები მიღებული არ არის, რაც კიდევ ერთ პრობლემას ქმნის. მისივე თქმით, გარემოს დაცვის სამინისტრო ახალ კანონს ამზადებს, რომელიც ასოცირების ხელშეკრულებით არის სავალდებულო და საბანაო წყლის დირექტივებს მოიცავს.
"რაც შეეხება ლისის ტბას, იქაც იყო საძოვრის პრობლემა და დღეს ნაკლებად აქვს იმიტომ, რომ გარკვეული ღონისძიება გატარდა, მაგრამ საქონელს მაინც აძოვებენ, რაც ტბას ისევ აბინძურებს. ლისზე დაჭაობებაც არის და იგივე სიტუაციაა კუს ტბაზე, თუმცა იქ საქონელი არ დაჰყავთ, მაგრამ წყლის ნაკლებობიდან გამომდინარე, დაჭაობების ნიშნები შეინიშნება. კუს ტბას უფრო სხვა პრობლემა აქვს, მთელი ტერიტორია დამეწყრილია და საჭიროა დროული ზომების მიღება.
იქიდან გამომდინარე, რომ ხალხი სიცხისგან იხრჩვება, ბანაობას ვერ ავუკრძალავთ, მაგრამ არის მეორე მომენტი - სინჯები ყოველდღიურად უნდა აიღონ და ანალიზი ჩაატარონ, რომ თავიდან ავიცილოთ ყოველგვარი დაავადების საფრთხე. ძალიან კარგად მახსოვს, როცა ლისზე ბანაობა აკრძალული იყო და მერე ისევ დაუშვეს", - ამბობს ნინო ჩხობაძე.
თბილისის ზღვის, ლისისა და კუს ტბის პრობლემად საქონლის ძოვასა და საკანალიზაციო სისტემის გაუმართაობას ასახელებს გარემოს საკითხების ექსპერტი ლაშა ჩხარტიშვილიც.
მისი თქმით, საბანაო წყლების მონიტორინგი ხშირად უნდა ტარდებოდეს მეორე მხრივ, ჩატარებული ქიმიური ანალიზი ზედაპირულია, რაც საუკეთესო შედეგს არ იძლევა.
"ჩვენ გვახსოვს, რომ შარშან ლისის ტბაზე დაიღუპა ადამიანი და ასეთი ფაქტები რომ არ განმეორდეს, საჭიროა უფრო აქტიური მონიტორინგი. ახლახან გარემოს დაცვის სამინისტრომ გაავრცელა ინფორმაცია, რომ კვლევები ჩაატარეს. იმედია ეს კვლები სანდოა, თუმცა ქიმიურ დაბინძურებასთან მიმართებაში მე მაინც დეტალური კვლევების ჩატარებას ვისურვებდი", - ამბობს ლაშა ჩხარტიშვილი.
მისივე თქმით, სერიოზული პრობლემებია კუმისისა და გლდანის ტბაზეც.
"კუმისის ტბა საერთოდ არ მოწმდება და მდგომარეობა საშინელია. ეს ტბა თუ სახიფათოა, მოსახლეობა უნდა გააფრთხილონ, მაგრამ იქ ასეთი ნიშნებიც კი არ დგას. იგივე სიტუაციაა გლდანის ტბაზეც, სადაც შარშან თევზის კვდომა დაფიქსირდა. სიტუაცია კიდევ უფრო რომ არ დამძიმდეს, საჭიროა შესაბამისი ღონისძიებების გატარება", - ამბობს ლაშა ჩხარტიშვილი.
რაც შეეხება თბილისის ზღვის, ლისისა და კუს ტბის წყლების ხარისხის მონიტორინგს, გარემოს ეროვნული სააგენტოს ინფორმაციით, აღნიშნული სააგენტოს დაბინძურებისა და მონიტორინგის დეპარტამენტის სპეციალისტებმა მაისისა და ივნისის თვეში თბილისის ზღვის, ლისისა და კუს ტბის წყლების ხარისხის დასადგენად სინჯები აიღეს.
"აღებულ სინჯებში განისაზღვრა 32 კომპონენტი, გარდა დაავადებათა გამომწვევი მაჩვენებლებისა, რომელთა კვლევა არ შედის სააგენტოს კომპეტენციის ფარგლებში. ჩატარებულმა ანალიზებმა აჩვენა, რომ თბილისის ზღვის, ლისისა და კუს ტბებში განსაზღვრული კომპონენტები ნორმის ფარგლებშია.
დაფიქსირდა მხოლოდ ამონიუმის აზოტის კონცენტრაციის უმნიშვნელო მომატება ლისისა და კუს ტბებში. ლისის ტბაზე, ასევე, მომატებულია სულფატების კონცენტრაციები, რაც ამ ტბისთვის დამახასიათებელია და შეიძლება მის ფონურ შემცველობად ჩაითვალოს", - ნათქვამია გარემოს ეროვნული სააგენტოს განცხადებაში.
თაკო ესებუა
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
