მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ზემოდან ჯობია, ანუ ცნობილი ფოტორეპორტიორის უნიკალური კადრები - "ასეთი საქართველო ჯერ არავის უნახავს"
07:10 / 10-07-2015
ერთ-ერთი პირველი იყო, ვინც ჩვენში უპილოტო საფრენი აპარატურით ფოტოგადაღება დიწყო და მართლაც უნიკალური კადრები შექმნა. ახლა ამ მიმართულებით, როგორც ფოტორეპორტიორი ირაკლი გედენიძე ამბობს, რამდენიმე ადამიანი მუშაობს.
ბოლო პერიოდში ირაკლიმ მთელი საქართველო მოიარა და ჩვენი ქვეყანა სრულიად სხვა რაკურსით, ზედხედში აღბეჭდა. ამ ყველაფერს კი მკითხველი ცოტა ხანში იხილავს.
- როდის და რატომ დაინტერესდი უპილოტო საფრენი აპარატურით, რომელიც საოცარ გადაღებებს აწარმოებს?
- ჩემი ქვეყანა თითქმის თავიდან ბოლომდე ნანახი მქონდა, ბევრს დავფრინავდი და ვიღებდი კიდეც, მაგრამ ყოველთვის მინდოდა, რომ ის განსხვავებული რაკურსით მენახა. რაც დრო გადიოდა, სულ მიმძაფრდებოდა ეს სურვილი.მერე დავინტერესდი იმ საქმით, რაც ფოტოგრაფიაში საფრენი აპარატების გამოყენებას გულისხმობს და რაც ბევრი რამის ხილვის საშუალებას მომცემდა. კონკრეტულად კი გადამეღო ის ადგილები, რაც მიუწვდომელია, მიუვალია და შემდგომ იმ ადამიანებისთვის (ვისაც ფრენის საშუალება არ აქვს) მეჩვენებინა ჩვენი ქვეყანა ზედა რაკურსით. დიახ, ეს არის ისტორიული ძეგლები, ლამაზი ადგილები, ტბები და ა.შ. მოკლედ, დაინტერესება ამ ყველაფრის მიმართ სამი წლის წინ გამიჩნდა.
როცა უკვე გადავხედე აპარატურას, რომელიც ხარისხით მომეწონა, ჩემს ჯიბეს არ შეესაბამებოდა. რომლის ფასიც მომეწონა, ჩემს მოთხოვნებსა და ხარისხს არ შეესაბამებოდა. დაველოდე დროს, როცა ეს ორი პარამეტრი ერთმანეთს გაუთანაბრდა და შევიძინე. როდესაც აპარატის მონაცემებს გავეცანი, ქართულ პირობებს სულ არ წაადგებოდა და ბევრი რამ იყო შესაცვლელი.
- ეს ჩვენი ქვეყნის ლანდშაპტზეა დამოკიდებული, თუ სხვა რაიმე მიზეზი არსებობს?
- ამაზეც არის დამოკიდებული და იმაზეც, რომ სიარული მომიწევდა იმავე ხეობებში, მთაგორიან ადგილებსა და ქალაქში, რისთვისაც ეს აპარატურა არ იყო გამიზნული, ამიტომ ის აქაურობისთვის უნდა მომერგო. იყო პრობლემები და ამ პრობლემებს ჩემი მეგობრების საშუალებით ვაგვარებდი.
- დღეს ამ კუთხით რა ხდება?
- დღეს უპილოტო საფრენი აპარატურა უკვე ორი მაქვს და გააჩნია რისთვის მჭირდება, რის გადაღებას ვაპირებ. მოკლედ, ცხოვრებას ასე ნაბიჯ-ნაბიჯ და ფრენა-ფრენით მივყვები. შარშან მოვიარე საქართველო, პროექტი მქონდა "პალიტრამედიასთან" ერთად, რომელიც ცოტა ხანში დღის სინათლეს იხილავს და მკითხველს, მაყურებელს საშუალება ექნება, თავის ქვეყანას ზემოდან გაეცნოს. მოვლილი გვაქვს საქართველოს ყველა რეგიონი, თქვენ წარმოიდგინეთ, აფხაზეთის ნაწილიც კი, ენგურის ხიდიდან გადავიღე და ის ადგილები აისახა, რომელიც ბევრ ქართველს არც ზედა რაკურსით უნახავს და არც რეალურად.
- როდესაც შენი ნამუშევრები ვნახე, ჩემთვის ცნობილი ობიექტები, ზედხედიდან ვერც ვიცანი, რითაც იმაში დავრწმუნდი, რომ ეს საფრენი აპარატურა საოცარ საქმეს აკეთებს.
- დიახ, ჩემს მაქანაზე გაკრულია სლოგანი - "ზემოდან უკეთესია," რაც შენს ნათქვამს უფრო ამყარებს.
- რისკფაქტორებზეც ვილაპარაკოთ. გადაღებისას რამ შეიძლება მოულოდნელი საფრთხე შეგიქმნას?
- სამწუხაროდ, ჩვენს ქვეყანაში ბევრი რამ დასარეგულირებელია, თუნდაც, რადიოსიხშირეები. შეიძლება ვიღაც კერძო პიროვნებას იმაზე მეტი სიმძლავრის გადამცემი ჰქონდეს დაყენებული, ვიდრე საჭიროა და ხელი შეუშალოს ფრენა-გადაღებას. ხელს უშლის იგივე კლიმატური პირობები, ვთქვათ, ხეობაში ქარის მიმართულება. ყველაფერი ძალიან გასათვლელი და სარისკოა, როცა განსაკუთრებით ველურ ბუნებას ვიღებთ. ფრინველების მხრიდან თავდასხმის შემთხვევაც ყოფილა.
- მერე ვინ დაზიანდა?
- თვითონ ფრინველი, მტრედი, რომელიც უბრალოდ იმით დაინტერესდა, თუ რა დაფრინავდა. ინტერესის გამო ზედმეტად ახლოს მივიდა, დაშავდა და საფრენი აპარატურა კინაღამ ჩამომიგდო.
- მიუხედავად იმისა, რომ აპარატურის პულტი შენ გიჭირავს ხელში და დაბლიდან მართავ, მაინც არსებობს ასეთი საფრთხეები?
- მე ვარ ადამიანი "ორი ერთში" (იცინის) - აპარატურის საშუალებით ვიღებ ინფორმაციას, რა ხდება ზემოთ, ვუყურებ კადრს, ვარ პილოტიც და ფოტოგრაფ-ვიდეოოპერატორიც. ბევრ რამეს ვითავსებ. რისკების თემა რომ გავაგრძელოთ, ეს არის ასევე მეტეოროლოგიური პირობებიც, მაგალითად, ქარის მოულოდნელი ამოვარდნა. ეს უნდა შეიცნო, თან, ხეობებსა და მთაში სხვადასხვა მიმართულების ქარებია, ამაზე ინფორმაცია ეკრანზე არ მოდის, მით უმეტეს სხვადასხვა სიმაღლეზე, დანარჩენი კი უკვე პრაქტიკიდან გამომდინარეა...
- ახლა რთულსა და მარტივ გადასაღებ ობიექტებზე რომ ვილაპარაკოთ.
- ყველაზე რთული გადაღება ქალაქის პირობებშია, რადგანაც 100-150 მეტრში უკვე ვეღარაფერს ხედავ, ვთქვათ, რა მავთულია ზემოთ გაჭიმული და ამიტომ, დიდი შანსია, მას გამოედოს, ან სარეცხის თოკში გაიხლართოს, ესეც პრობლემა იქმნება. რომც დაინახო, შეიძლება, რეაგირება ვერ მოასწრო.
- რა მანძილი უნდა იყოს დაცული შენსა და საფრენ აპარატურას შორის?
- ერთ კილომეტრში შეუძლია ფრენა, მაგრამ აზრი არ აქვს, მაგ სიშორეზე აუშვა, მთელ ქალაქს გადაიღებს. ამიტომ ქალაქში 400-500 მეტრზე დამიტესტავს, მაგრამ არც ეს მჭირდება, 200-300 მეტრი საკმარისია. ყველაზე მარტივი გადასაღები კი მინდვრებია. გაშლილი სივრცეა, წინააღმდეგობა არ არის, ერთადერთი, შეიძლება აპარატურას მერცხლები გამოეკიდონ, რატომღაც აგრესიას ავლენენ.
- ამ ყველაფრის შემდეგ, რა დასკვნის გაკეთება შეგიძლია, - რა სხვაობაა აპარატით გადაღებასა და საფრენი აპარატურით გადაღებას შორის?
- ფოტოგრაფს ემატება კიდევ სხვა საქმე, ანუ კადრზე განსხვავებული სტილით ვმუშაობ, რასაც ერთადერთი ფუნქცია ემატება - პილოტიც ვხდები და საკმაოდ სერიოზული. ვფიქრობ იმაზე, აპარატს არ შეექმნას პრობლემა. როცა ვთქვათ, საფრენი აპარატით კონცერტს ვიღებ, ისე უნდა მოვიქცე, რომ ქვემოთ მყოფებს არ დაეცეთ. მოკლედ, რისკფაქტორები სხვადასხვანაირია.- როგორც ვიცი, სტიქიის შემდეგ პირველმა შეძელი და ვერეს ხეობა გადაიღე.
VIDEO: სტიქიის ზონა ზემოდან - ექსკლუზიური და უნიკალური კადრები
- კი, პირველი კადრები ამ აპარატით მე გადავიღე, - სტიქიის შემდგომი პერიოდი ვერეს ხეობაში იმავე დილით დავაფიქსირე. როგორი შემზარავი იყო ქვემოდან, ჩვეულებრივად რომ ვუყურებდით და სულ სხვა რაღაც დავინახეთ ზემოდან, სხვაგვარად გამოჩნდა. იმ წუთებისთვის ეს პირველი კადრები "პალიტრა TV"-ს ჰქონდა.
- საჰაერო ავიაციას ეს აპარატურა ხელს ხომ არ უშლის?
- კონსულტაციები გავიარე, სად შეიძლება და სად არა ამ მისი გაშვება. ასევე რუკა მაქვს შეყვანილი თავის უსაფრთხოების წესებით, თავის პარამეტრებით... ასე რომ, ყველანაირ წესს ვიცავ.
- ოდესმე როგორც პილოტს, შტურვალთან თუ გიფრენია?
- არასდროს და ამას არც მე მოვითხოვ და ახლოსაც არავინ გამაკარებს.
- ამის მერე პილოტობის სურვილი ხომ არ გაგიჩნდა?
- არა, მერე ვეღარ გადავიღებ, რადგანაც გადაღება ჩემთვის ყველაფერია.
- ქართველები ინტერესიანები ვართ და მაგალითად, ამ აპარატურით ქორწილის გადაღება არ შემოუთავაზებიათ?
- კი, შემოუთავაზებიათ ქორწილის გადაღება, ხშირად კურიოზული მომენტსაც ვაწყდები ხოლმე. ითხოვენ, რომ საფრენი აპარატი სუფრის თავზე გავუშვა. ეს დაუშვებელია, სულ ააფრიალებს ყველაფერს სუფრაზე, იქიდან არაფერი დარჩება. ვუხსნი ამას და ჭირს ხოლმე გაგება. მერე ესკორტის გაყოლაც უნდათ, როცა ასეთი რამ კეთდება, ამას რამდენიმე დუბლი სჭირდება. ამის გარეშე, "გონკაობას" რომ დაიწყებენ, "ბეემვე" ჯობია თუ "მერსედესი," უაზრობა გამოვა. ვიღაც რომ აილეწოს, თვითონაც ხომ საფრთხეს შეიქმნიან და მეც დამაბრკოლებენ. ასე რომ, ჯობია სხვა მიმართულებით ვიმუშაო და ასეც ვაკეთებ.
ლალი ფაცია
AMBEBI.GE
ირაკლი გედენიძის საავტორო ვიდეოების სანახავად ესტუმრეთ შემდეგ ბმულებს:
- უფლისციხის მშვენიერებას ახლა თქვენ ციდან დაინახავთ - ეს საოცარი სანახაობაა!
- მცხეთა ციდან - სუნთქვისშემკვრელი გასეირნება სატახტო ქალაქში
- ამ ვიდეოს ნახვის შემდეგ თბილისში ფეხით გასეირნება მოგინდებათ
- სამება ციდან - საქართველოს ყველაზე მასშტაბური ტაძრის უნიკალური კადრები
- ხედი ნარიყალადან - ციდან დანახული დღის და ღამის თბილისის შთამბეჭდავი კადრები
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
